Ubwandilo 32இலிருந்து பிரபலமான வேதாகம வசனங்கள்

பகிர்

Po papo umụ̄ndu jula alinkummbūla Jakobu alinkuti: Lilino ujilekịle īngamụ ija Jakobụ, lolị kujaga gwe Ịsịlaelị papo ulwịle na Kyala, kangi na bāndu, gwendịle nukutola.

Umwene umụ̄ndu jula alinkummbūla Jakobụ alinkuti: Ndekesya mbūkege, kēta bujenjelwịke. Umwene Jakobụ alinkukāna, alinkuti: Ndịsakukulekesya, lolị ūsaje tāsị.

alinkusyala mwene ịtolo pala pala. Po papo umụ̄ndu alinkusị̄ndana nagwe ulusị̄ndano ikilo kyosa ukwịsakufịka kubukye.

Umwene Jakobụ alinkujoba alinkuti: Ngētēne na Kyala pamāso lolị ngāli ndi mūmị! Po papo alinkubupa ubujo bula īngamụ ja Penịelị.

Lelo umụ̄ndu jula bo āgịle ukuti atịkuntola Jakobụ, alinkumpalamāsya mụnsana, mụno kị̄kūngịle ikilūndi, po papo ikilūndi kilinkwenda nukufịguka nkikolo bo bịkusị̄ndana.

Po papo umūndu jula alinkunndālūsya Jakobụ alinkuti: Gwanị īngamụ jāko? Alinkummwamụla alinkuti: Ne Jakobụ.

Po papo Jakobu alinkunndālūsya umụ̄ndu jula alinkuti: Ngusūma ukuti ūmbūle īngamụ jāko. Umwene alinkwamụla alinkuti: Fịkị kulālūsya īngamụ jāngu? Po papo alinkwenda nukunsaja.

Ngāli joune negwa kūmba ilịpyana lyako nukūnāngisya ubusubilịgwa bwako buno buno. Bongubūka lula ndinkuloboka ulwisi Jolịtanị bo ngolị̄le īngịlị jāngu jēne. Lilino nịkugomoka nifịlūndilo fịbili ifị.

Buno buno ukufịka na ku lilino kuno abany'Ịsịlaelị batịkulya inyama ja nkikolo nkilūndi, papo mo mụno ugwandumị gwa Kyala ālimpalamāsị̄sye Jakobụ.

Po papo Jakobụ alinkwịpụ̄ta alinkuti: Gwe Kyala gwa bātāta, gwe Kyala gwa Abụlahamụ na Ịsịhaka. Gwe NTWA gwangu, gwe gwalimbūlịle gwatịle: Gomokela ku kị̄su kyako na kubāndu ba kikolo kyako, po nịsakukubōmbelaga īnụnụ.

Nịkukusūma ukuti: Umboke ku nkulu gwangu Esabu, nndi nulutēnde, ukuti bo ịkwịsa ịsakutwala ubwịte, po ēnde nukutugoga twesa na bakị̄kulu pamopēne na bāna.