Juan 3இலிருந்து பிரபலமான வேதாகம வசனங்கள்

பகிர்

Dios chay jinatapuni kay pachapi kaj chhikata munakusqanrayku uj k'ata Churinta qorqa. Ajinamanta tukuy pichus paypi atinikojqa mana chinkanqachu, aswanpis wiñay kawsayniyoj kanqa.

Diosqa mana runakunata juchachananpajchu Churinta kay pachaman kachamorqa, manachayqa paynejta paykunata qhespichinanpaj.

Jesustajrí kutichispa, nerqa: Kayta sut'ita niyki: Sichus pipis watej mana paqarinmanchu chayqa, Diospa kamachiyninta ni rikullanqapischu, nispa.

Pillapis paypi atinikojqa mana juchachasqachu kanqa. Paypi mana atinikojrí ñapis juchachasqaña, Diospa k'ata Churinpi mana atinikusqanrayku.

Chantá kayraykumin runakuna juchachasqa kanqanku: Diospa k'anchaynin kay pachaman jamorqa. Runakunatajrí laqhata k'anchaymanta nisqa astawan munakorqanku, imajtinchus paykuna millayta ruwaspa purerqanku.

Payqa astawan, astawan kurajpaj qhawasqa kanan tiyan, noqatajrí pisillapajña qhawasqa, nispa.

Millayta ruwaspa purejkunaqa k'anchayta chejninku, manataj k'anchayman qayllamunkuchu, millay ruwasqanku ama sut'inchasqa kananpaj.

Pichus Diospa Churinpi atinikojqa wiñay kawsayniyoj. Churipi mana atinikuyta munajrí mana wiñay kawsayman yaykonqachu, aswanpis Diospa phiñakuynin paypa patanpi kashan.

Imaynatachus ch'innejpi Moisés broncemanta katarita k'aspiman warkhuspa pataman oqharerqa, ajinallatataj Runaj Churinpis pataman oqharisqa kanqa.

Diostaj Churinta munakuspa, tukuy imata makinman churan.