San Mateo 12இலிருந்து பிரபலமான வேதாகம வசனங்கள்

பகிர்

Ha che ha'e peẽme, opa ñe'ẽ rei yvypóra kuéra he'i va'ekue rehe ome'ẽ va'erãha cuenta pe juicio árape. Tupã Ñandejára voi nde juzga vaerã ne ñe'ẽngue rehe, ohechauka haguã rerekópa culpa terãpa ahániri.

¡Peẽ mbói ñemoñare! ¿Mba'éicha piko ikatúta peje iporãva ko peẽ voi pende vaíva? Pe ñane corazõ omyenyhẽvagui oñe'ẽ ñande juru.

Pe kuimba'e imba'e porãva hembiapo porã ipy'apýpe voi imba'e porãgui, ha pe tekove vai katu hembiapo vai ipy'apýpe voi ivaígui.

‘Upéva rehe ha'e peẽme, ikatuha oñeperdona yvypóra kuérape opaichagua pecado ha ñe'ẽ vai he'íva; upe oñe'ẽ vaíva Espíritu Santo rehe katu noñeperdonái chéne.

‘Pe yvyra máta iporã ramo hi'a porã vaerã, ha ivai ramo katu, hi'a vai vaerã. Pe yvyra máta ojekuaa mba'eichaguápa hi'a rehe.