JUAN 1இலிருந்து பிரபலமான வேதாகம வசனங்கள்

பகிர்

Xalla ni tanśñinakaki niźaśa nïźkiś kirïñinakaki, ninakaki nïź aśi thätaź khekićha, niźaśa nïź cheqan Yöś Mati khitaź khekićha.

Ima ti yoqa qallantiśkiśiki ni taqupan źelatćha; niźaśa ni taquki Yöśtantaćha niźaśa Yöśtaćha ni taquki.

Ti qhanaki ni sumchi laqhkiś qhanćha, niźaśa ni sumchi laqhaki ana ti qhana thësi atchićha.

Xalla ni Taquki źoñi khissićha, niźaśa ućhumnakatan qamchićha ni Yöś śinta Machhki niźaśa nïź śuma oqśñi quś niźaśa nïź werara paxtaćha.

Niźaśa Yöśki nïźtan thapa ti ćhhultaqinaka pächićha; ana nïźtan pätaki anaź yaqha pätaki źelhćha. Xalla ni źetiki nïźkiśtaćha, niźaśa ni źetiki źoñinakź qhanataćha.

Xaqataźpacha, Juanki Jesusa nïźkiś makhatźkan tuź khichićha: “¡Cherźna xalla tïćha ni Yöś üśaki, niźaśa ti źoñinakź ujnaka chhataqakićha!

Xalla ni Taquki ti yoqkiśtaćha, niźaśa ti yoqaki nïźtan pätaćha, xalla ti yoqkiś źelhñi źoñinakaki ana paxchićha. Niźaśa perśun yoqa thonchićha, neqhśtan nïź wathchiś źoñinakaki ana ni tanśićha.

Xalla ni źoñinakźkiś cheqpacha qhanñiki, ti yoqkin thonatćha.

Xalla ni Yöś lïki, Moisés atkiśtan ućhumnakakiś śiśqatchićha, niźaśa ni źoñi oqśmi niźaśa ni cheqpachaki Jesucriśtuź atkiśtan ućhumnakakiś śiśqatchiki.