ປະຖົມມະການ 2இலிருந்து பிரபலமான வேதாகம வசனங்கள்

பகிர்

ດ້ວຍເຫດນີ້ ຜູ້ຊາຍ​ຈຶ່ງ​ຈາກ​ພໍ່​ແມ່​ຂອງຕົນ ແລະ​ໄປ​ຕິດພັນ​ຢູ່​ກັບ​ເມຍ​ຂອງຕົນ ແລະ​ເຂົາ​ທັງສອງ​ກໍ​ກາຍເປັນ​ຄົນ​ດຽວກັນ.

ແລ້ວ​ພຣະເຈົ້າຢາເວ​ພຣະເຈົ້າ​ກໍ​ກ່າວ​ອີກ​ວ່າ, “ບໍ່​ເປັນ​ການ​ສົມຄວນ​ທີ່​ຜູ້ຊາຍ​ຕ້ອງ​ຢູ່​ໂດດດ່ຽວ​ຢ່າງ​ນີ້. ເຮົາ​ຈະ​ສ້າງ​ຜູ້​ຊ່ວຍ​ທີ່​ເໝາະສົມ​ໃຫ້​ລາວ.”

ແລ້ວ​ພຣະເຈົ້າຢາເວ​ພຣະເຈົ້າ​ກໍ​ເອົາ​ຂີ້ດິນ​ແຕ່​ພື້ນດິນ ມາ​ປັ້ນ​ເປັນ​ຊາຍ ແລະ​ເປົ່າ​ລົມຫາຍໃຈ​ໃສ່​ຮູ​ດັງ​ຂອງ​ຊາຍ​ທີ່​ຖືກ​ປັ້ນ​ຂຶ້ນ​ມາ​ນັ້ນ​ໃຫ້​ມີ​ຊີວິດ ແລະ​ຊາຍ​ທີ່​ຖືກ​ປັ້ນ​ນັ້ນ​ກໍໄດ້​ເລີ່ມ​ມີ​ຊີວິດ.

ແລ້ວ​ຊາຍ​ຜູ້ນັ້ນ​ກໍ​ເວົ້າ​ວ່າ, “ນີ້​ເດ ແມ່ນ​ຜູ້​ທີ່​ມີ​ຮູບຮ່າງ​ຄື​ເຮົາ; ກະດູກ​ຂອງ​ນາງ​ມາ​ຈາກ​ກະດູກ​ຂອງເຮົາ ເນື້ອໜັງ​ຂອງ​ນາງ​ມາ​ຈາກ​ເນື້ອໜັງ​ຂອງເຮົາ; ຜູ້ຍິງ​ແມ່ນ​ຊື່​ຂອງ​ນາງ​ເພາະ​ນາງ​ມາ​ຈາກ​ຜູ້ຊາຍ.”

ພຣະເຈົ້າ​ອວຍພອນ​ມື້​ທີ​ເຈັດ ແລະ​ຕັ້ງ​ໄວ້​ໃຫ້​ເປັນ​ວັນ​ສັກສິດ​ບໍຣິສຸດ ເພາະ​ໃນ​ມື້ນັ້ນ ພຣະອົງ​ໄດ້​ຢຸດ​ພັກ​ຈາກ​ການ​ນິຣະມິດ​ສ້າງ ແລະ​ຢຸດ​ກິດຈະການ​ທັງ​ສິ້ນ.

ຊາຍ​ແລະ​ຍິງ​ໄດ້​ເປືອຍກາຍ​ຢູ່ ແຕ່​ພວກເຂົາ​ບໍ່​ຮູ້ສຶກ​ລະອາຍ​ກັນ​ເລີຍ.