JOHN 3இலிருந்து பிரபலமான வேதாகம வசனங்கள்

பகிர்

Khikhalajila Varena apuk-apagva̱li leishinā kahaiwui vang awui Naohonaotong chi mi, chieina ali shitkasanga mi kachiva̱ mashimānphalungmara kha katang makhavai kharing samphangra.

Okathuili bichar sākhavai Varena Anaomayarali chihokharā maningmana, kha awui mangā eina apuk-apaga hi huikhui khavaina.

Jishuna ngahānkai, “Kachangkhat eina ina nali kahāngna, mapharāluishitakha khipānakha Vare wungram matheirarmara.”

Ali shitkasanga chili bichar masāmana, kha mashitkasanga chili bichar sāpinghaira, kaja ana Varewui Naohonaotong chiwui mingli mashitsangthuwa.

Kala bichar chi hithai: kahor chi okathuili rāhaira, kha mikumona tangkhamangli leishitha̱haowa kaja athumwui otsak maphāmana.

A mataisangphalungra, kha iya teosangphalungra.”

Makaphā kasā mina kahorli ningkachai kala athumna kahorli marāngaimana, kaja awui otsak mathei ngasakngaimana.

Naomayara chili shitkasanga mi chi katang makhavai kharing lei; kahāng makhanganaa chi kharing kaho matheimara, kha Varewui malungkhavāt awuitungli lei.

Mosesna lamhāngli phara̱li khāngkakā chithada miwui Naomayaralila khāngkāphalungra.

Avāva̱na Anaomayarali leishiya kala ot saikora awui pāngli horsangmi kahaina.