RAPHA HIQWA LAK 3இலிருந்து பிரபலமான வேதாகம வசனங்கள்

பகிர்

Kiimaq jechak nyung raq pechong ka kai tsomhea chhito kiimaq atsi ka asea ma kai aheawiq miraq nguta liito. Kiimaq apaiq raq phaqchi maiqse ma jawan ka kai pinthum ahea miraq ngutaq atsan mong na shiweato. Krai mren apaiq raq petsi wiijam ka pan raüta siqto. Raüta petsi wiijam ka tsangwe miishe kuqto. Kiimaq apaiq riimin she siqto.

Riita TATI Shiikeawe raq paü ka pinthum khonglaq phansangto. Kiimaq paü raq maiq nyung ma waito, “Shiikeawe raq ümniima sonruk mong wa petsi ka chongshi ra wiimin naq siq rongkiq nguta ngohea dea shea nguta?”

Kiimaq Ngi raq jechak nyung nai ümnaq liipan na makshu rashe mitrii-riingengha. Apaiq laila nai ümlai ümla liipan na wranaiqshe wesang ralii she misi wan. Apaiq lai ala raq ümkhupo ka mitiibuntiiq. Kiimaq ümniiraq tsangshiq hokphi na mithaü haü.”

Kiimaq apaiq raq jechak nyung ma nguto, “Ngi raq ümsewok hotlaü liipan na chamchao mitiipaha. Kiimaq nowüchhi na tsihea mitiitsiha. Atinkhan chamchao taü miimin, ümwese ma roriitsi ka ümtsan na tsi ruqli miraq. Li jiimin ümniika apaiq wokhong na misi haü.”

Ümniika wak shamsea kai niiko laüta ralamsa raütiitiq hiq wa aphaq sea chang ka midong. Arka ümrilung pattup ümkhum lochang hiq da ma mijaki nong haü shaq wiiwii niiruq misihaü.”

Kiimaq apaiq raq maiqwe kiimiishe nguto, “Ümniiraq ümchak bom tailaü. Laüta Ngi raq ümniima naq siqkiq nguta achongha petsi kra siq laü. Ümniiraq jamlai wa riilaü kriikha na, hiqraikhü ka manson ho laütiishe misi wan haü. Ümniiraq ümrilung wiilü pinthum jaqsham shiichaq laütiitiq tü atsam ka milap phaq siq haü.

“Ümniika kheahü ma nguta ümniima juro chongta?” Shiikeawe raq waito. “Ngi raq petsi naqsiqkiq nguta chongpha irsha siqlaü?”

Kra raü tiishe sonruk shedong nü siim kiijaq apaiq raq cherubim thun ka nai walütu nepja ashi trotam na khumti kra thüto. Arka rilung petsi chong tho na jumin walot mak chang miitu thüto.

Atam raq tsang-nyung ka Ewaq nguta mangto. Jamkhano ngukla apaiq ka maiqse tlotli ma anyung jong riito.