Kanjobal, Eastern - 1989 Edition (NT)

<div class="version vid493 iso6393kjb" data-vid="493" data-iso6393="kjb">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s">Yictzojbail Jes&#250;s</div><div class="r">(Mt 28.1-10; Mc 16.1-8; Jn 20.1-10)</div><div class="p"> 1A yet lananto sakbi yet domingo, jun babel c'u yul semana, max toj eb xal bay max bet mukaycan octok mimanil Jes&#250;s tu'. Yetbi eb juntzan ambal suk'uk'i jab max watx'nej eb. 2Max apni oc eb, max yilon eb, elnakxa ch'en is makil jun ch'en bay max mukayi. 3Max octok eb yul ch'en, axa yilon eb, c'amxa mimanil Cham Jajawil Jes&#250;s ayic' bay tu'. 4Caw wal max c'ayaj c'ul eb yiloni. Axa yilon eb, ayic' cawan &#225;ngel axca yili winak, waan oc eb bay is c'atan eb. Chi tzekeki yili is pichil eb &#225;ngel tu', 5xan caw wal max xiwaj eb xal cax yay t'anan eb sat tx'otx'. Axa yalon eb &#225;ngel tu' bay eb xal axca ti':</div><div class="p">&#8212;&#191;Tzet yuj xan a bay chi mukay eb camnak ti' che say Cham tol iquisxa? 6C'amxa Cham ayic' cayti'. Mayal ictzonelay aj Cham. Naektek tzet max yalcan ayex, yet ayto ec' e yetok bay Galilea. 7Max yalcanok tol a' Chekbiltek yuj Dios xol eb e yet animail, palta yowalil ok alay oc yul k'ab eb yobtakwom, cax ok alay oc yin curus. Axa yet cabjial tu', cax ok ictzonelay ajok, &#7821;i, max yaloncan ayex, &#7821;i eb bay eb xal.</div><div class="p"> 8Catatu' max naontek eb tzet albilcan bay eb yuj Jes&#250;s. 9Max lajwi tu', axa pax eb tu'. Max toj yalon eb jun abix ti' bay eb is chekbej Jes&#250;s yusluc'wanil, c'al bay eb is cuywom masanil. 10A xal Mar&#237;a aj Magdala, xal Juana, yetok xal Mar&#237;a txutx Jacobo, a eb max bet alon juntzan abix tu'. Ay c'apax jun cawanxa eb xal ix ajun yetok eb. 11Palta a eb is cuywom Jes&#250;s tu', maj cha eb yabej; toc'al chi yal eb xal, wal naon eb.</div><div class="p"> 12Axa yaj wan Pedro tu', max yak'on yanej toj bay ch'en ch'en tu'. Max apni, max ay nojan yilon octok yul ch'en tu'. Asanxanej an pichilej tx'ok tx'okxac'al lanan canok. Caw wal max c'ayaj c'ul yin juntzan max yil tu'. Axa pax tu'.</div><div class="s">Max tx'oxaj ba Jes&#250;s bay yul be</div><div class="r">(Mc 16.12-13)</div><div class="p"> 13A yet jun c'ual tu', ay cawan eb is cuywom Jes&#250;s lanan toj yul be chi apni Ema&#250;s. A jun conob tu', ay mi oxebok legua xol ba yetok Jerusal&#233;n. 14A yet lanan bey eb tu', chi yalon eb yuj tzet max uji. 15Yak'banc'al a jun tu' chi yalubtanejtek eb, max jayoc Jes&#250;s c'atan eb, cax junnejxac'al bey Cham yetok eb. 16Chi moyi aj sat eb yuj, yet watx' c'am chi yojtaknej el eb tatol a Cham. 17Axa k'anlen Jes&#250;s bay eb:</div><div class="p">&#8212;&#191;Tzet yetal che yala' chex bey ti'? &#7821;i bay eb.</div><div class="p">Max oc waan eb, cusiltakxac'al yili sat eb. 18Axa tak'wi jun chi yik Cleofas bay yin aymanil:</div><div class="p">&#8212;Toltax yojtak masanil anima tzet max uj bay Jerusal&#233;n yet cabji oxji ti'. Axa ach ti', &#191;tom c'am chab jabok? Palta ilab max ach ec' pax bay tu', &#7821;i bay.</div><div class="p"> 19&#8212;&#191;Tzet max uj bay tu xin? &#7821;i Jes&#250;s bay.</div><div class="p">&#8212;Ay jun aj Nazaret chi yik Jes&#250;s, caw wal chekbej Dios yayji. A tzet max el watx'neni c'al tzet max el yaloni, caw wal miman yelapnok yul sat Dios c'al yul sat eb anima masanil. 20Palta a eb yajawil eb sacerdote, yetok eb yajaw yayji co xol, max aon oc yul k'ab camich. Yuj tu' max alay oc yin curus. 21A ton Cham tu' max jaoc yipok co c'ul, tol ok on colchaj el ayon israel on ti' yuj. Palta tinani', cabjitaxxa yunen juntzan tu'. 22Ay juntzan eb xal tol jetbeyom on, max c'ayaj co c'ul yuj, yet max jabeni, yujtol a yet max sakbi, max bet yilon eb ch'en ch'en bay max bet alay octok mimanil Cham, 23palta c'amxa is mimanil tu'. Max toj eb yalon ayon tol max yilon eb juntzan &#225;ngel. Max yalon eb &#225;ngel tu' bay eb, tol iquis Cham. 24Maxc'al lajwi tu', ay juntzan eb jetbeyom max bet ilonok. Axcac'al yalon eb xal ix tu', caytu' max yut yilon eb, palta maj yil eb yin Jes&#250;s, &#7821;i eb bay.</div><div class="p"> 25Yuj tu' xan max yal Jes&#250;s bay eb;</div><div class="p">&#8212;Ayex ti', axca wal tol c'am jabok e nabal. Caw ya' puralil che yaoc yin e c'ul jantak tzet albilcan yuj eb chekbej Dios payxa. 26A Cham Cristo, yowalil tol t'inan yaben yail juntzan tu' yet manto oc Yajawilal, &#7821;i bay eb.</div><div class="p"> 27Max lajwi tu', max chaon el yich yalon bay eb, baytakc'al ayay yabixal yul tx'an Un Tz'ibbilcanok. Max chaontek yich yalon tzetak tz'ibbilcan yuj Mois&#233;s. Max yalon c'apaxtek tzet tz'ibbilcan yuj eb chekbej Dios yet payxa.</div><div class="p"> 28Axa yet max apni eb bay jun conob bay lanan toj eb tu', ijan palanc'al yeq'uel Jes&#250;s. 29Palta max yak' pural eb mitx'on waayok. Max yalon eb bay axca ti':</div><div class="p">&#8212;Canan jetok, ilab lanan yay c'u, lananxa k'ekbi, &#7821;i eb bay.</div><div class="p">Axa yoc yul na tu', max can bay tu' yetok eb. 30Axa yet max oc chotan yin me&#7821;a yetok eb, max yion aj jun ixim pan, max yalon yuj diosalil bay Dios yuj. Lajwi tu', axa bijon ec' xol eb tu'. 31A yet jun bek tu' axca wal tol max jakchaj sat eb. Catatu' bian max yilon oc eb, tol a Jes&#250;s. Lajwi tu', max yesnen c'ay ba. Axa yilontek eb, c'amxa mactxel. 32Max yalon eb axca ti':</div><div class="p">&#8212;Yel toni, caw wal max jay co nabal, yet max yalon ayon yul be, yet max yak'on nachaj el juj tzetak chi yal tx'an Un Tz'ibbilcanok, &#7821;i eb.</div><div class="p"> 33Max meltzojxac'al eb bay Jerusal&#233;n yet jun bek tu', max yil eb yin eb chekbej Jes&#250;s yusluc'wanil bay tu', yetok juntzanxa eb yetbi eb. Wajan ec' eb bay tu'. 34Axa yalon eb wajan ec' tu' bay eb cawan tu' axca ti':</div><div class="p">&#8212;Wal yel max ictzoj aj Cham Jajawil junelxa. Max tx'oxaj ba bay Sim&#243;n ti', &#7821;i eb.</div><div class="p"> 35Max lajwi tu', max yalontek eb cawan tu' tzet max yun eb yulak be. Max yalon c'apaxtek eb tzet max yun nachaj el Jes&#250;s yuj eb, yet max bijon ec' ixim pan.</div><div class="s">Max tx'oxaj ba Jes&#250;s bay eb is cuywom</div><div class="r">(Mt 28.16-20; Mc 16.14-18; Jn 20.19-23)</div><div class="p"> 36Lananto yalon eb juntzan tu', axa yilontek eb, ayxa ec' Jes&#250;s nan xol eb. Max yalon axca ti':</div><div class="p">&#8212;Junc'ulalokab ayex, &#7821;i bay eb.</div><div class="p"> 37Axa eb, toc'al max xiwaj eb, cax max c'ayaj c'ul eb. A naon eb tol lab jun chi yil eb tu'. 38Palta max yal Cham bay eb axca ti':</div><div class="p">&#8212;&#191;Tzet yuj xan toc'al chi somchaj el e c'ul yet chin e yiloni? &#191;Tzet yuj xan cabtak e c'ul win? 39Ilek in k'ab ti', c'al wakan ti'. Ayin toni; mitx'ek in wali. Chi cam e yoc t'anan win. A junok lab, tok ay is chibejal, tok ay is bakil bay watx' e yoc lacan axca wet ti', &#7821;i bay eb.</div><div class="p"> 40Max lajwi yalon jun tu', axa tx'oxon k'ab bay eb tu', c'al yakan. 41Caxc'al max tzaloj aj eb, palta ac'ala' ijan maj yaoc eb yin c'ul, yujtol toc'al max c'ayaj c'ul eb, xan max yal pax bay eb axca ti':</div><div class="p">&#8212;&#191;C'am mi jabok tzet watx' chin lo' cayti'? &#7821;i bay eb.</div><div class="p"> 42Yuj tu' xan max yak' eb jab bolbil txay bay.*fn* 43Axa chaon tu', max chion satak eb. 44Lajwi chioni, max yalon pax bay eb axca ti':</div><div class="p">&#8212;A tinani', mayal wal yun axca walon ayex yet max quin ec' e yetok. Ilab max wal ayex tol yowalil ok yun jantak wabixal tz'ibbilcan yul ley Mois&#233;s, yetok tzet tz'ibbilcan yuj eb chekbej Dios, yetok juntzan wabixal yul libro Salmo, &#7821;i bay eb.</div><div class="p"> 45Max lajwi tu', max yak'on jakchaj nabal eb, yet watx' chi nachaj el yuj eb, tzet tz'ibbilcan yul tx'an Un Tz'ibbilcan tu'. 46Xan max yal bay eb junelxa:</div><div class="p">&#8212;A yul tx'an Un tz'ibbilcan wabixal ayin Cristo in ti', tol yowalil ok in camok, cax chin ictzoj pax aj xol eb camnak yet cabjial. 47Yetok c'apaxok, yowalil tol yetok wikbej ok al-lay el k'anej Dios xol anima bay junjun naci&#243;n. Ok al-lay el xol eb tol yowalil chi na ba eb yin is yobtakil, yet watx' chi jolay c'ay yobtakil eb tu' yiban. A bay Jerusal&#233;n ti' ok babjok yal-lay el wabixal; catatu' ok pukaxtok bay junjun conob. 48Ayex ti', ok e yak' e ba testigoal yin juntzan ti'. 49Max yak'can Dios is ti' tol a Yesp&#237;ritu ok ayol ayex. A ton Cham ok tok in chektek, palta echbanejek bay Jerusal&#233;n ti', masantac'al che cha' e yikbej ok alay aytek satcan, &#7821;i Jes&#250;s bay eb.</div><div class="s">Max paxaj Jes&#250;s bay satcan</div><div class="r">(Mc 16.19-20)</div><div class="p"> 50Catatu' max yiontok eb is cuywom bay cawilal conob Betania. Max yiaj is k'ab can bay tu', max k'anon watx'c'ulalil Dios yiban eb. 51Lananto wal k'anon watx'c'ulal Dios tu', max ilay ajtok satcan, axa can eb yuj tu'. 52Lajwi yion ay ba eb bay, max meltzoj eb yin tzalojc'ulalil bay Jerusal&#233;n. 53Junjunc'al c'u chi bet eb bay templo Dios yuj bet yalon eb is watx' k'anej bay Cham.</div>
 </div>
 </div>
</div>

A yet lananto sakbi yet domingo, jun babel c'u yul semana, max toj eb xal bay max bet mukaycan octok mimanil Jesús tu'. Yetbi eb juntzan ambal suk'uk'i jab max watx'nej eb. Max apni oc eb, max yilon eb, elnakxa ch'en is makil jun ch'en bay max mukayi. Max octok eb yul ch'en, axa yilon eb, c'amxa mimanil Cham Jajawil Jesús ayic' bay tu'. Caw wal max c'ayaj c'ul eb yiloni. Axa yilon eb, ayic' cawan ángel axca yili winak, waan oc eb bay is c'atan eb. Chi tzekeki yili is pichil eb ángel tu', xan caw wal max xiwaj eb xal cax yay t'anan eb sat tx'otx'. Axa yalon eb ángel tu' bay eb xal axca ti':
—¿Tzet yuj xan a bay chi mukay eb camnak ti' che say Cham tol iquisxa? C'amxa Cham ayic' cayti'. Mayal ictzonelay aj Cham. Naektek tzet max yalcan ayex, yet ayto ec' e yetok bay Galilea. Max yalcanok tol a' Chekbiltek yuj Dios xol eb e yet animail, palta yowalil ok alay oc yul k'ab eb yobtakwom, cax ok alay oc yin curus. Axa yet cabjial tu', cax ok ictzonelay ajok, ẍi, max yaloncan ayex, ẍi eb bay eb xal.
Catatu' max naontek eb tzet albilcan bay eb yuj Jesús. Max lajwi tu', axa pax eb tu'. Max toj yalon eb jun abix ti' bay eb is chekbej Jesús yusluc'wanil, c'al bay eb is cuywom masanil. A xal María aj Magdala, xal Juana, yetok xal María txutx Jacobo, a eb max bet alon juntzan abix tu'. Ay c'apax jun cawanxa eb xal ix ajun yetok eb. Palta a eb is cuywom Jesús tu', maj cha eb yabej; toc'al chi yal eb xal, wal naon eb.
Axa yaj wan Pedro tu', max yak'on yanej toj bay ch'en ch'en tu'. Max apni, max ay nojan yilon octok yul ch'en tu'. Asanxanej an pichilej tx'ok tx'okxac'al lanan canok. Caw wal max c'ayaj c'ul yin juntzan max yil tu'. Axa pax tu'.


A yet jun c'ual tu', ay cawan eb is cuywom Jesús lanan toj yul be chi apni Emaús. A jun conob tu', ay mi oxebok legua xol ba yetok Jerusalén. A yet lanan bey eb tu', chi yalon eb yuj tzet max uji. Yak'banc'al a jun tu' chi yalubtanejtek eb, max jayoc Jesús c'atan eb, cax junnejxac'al bey Cham yetok eb. Chi moyi aj sat eb yuj, yet watx' c'am chi yojtaknej el eb tatol a Cham. Axa k'anlen Jesús bay eb:
—¿Tzet yetal che yala' chex bey ti'? ẍi bay eb.
Max oc waan eb, cusiltakxac'al yili sat eb. Axa tak'wi jun chi yik Cleofas bay yin aymanil:
—Toltax yojtak masanil anima tzet max uj bay Jerusalén yet cabji oxji ti'. Axa ach ti', ¿tom c'am chab jabok? Palta ilab max ach ec' pax bay tu', ẍi bay.
—¿Tzet max uj bay tu xin? ẍi Jesús bay.
—Ay jun aj Nazaret chi yik Jesús, caw wal chekbej Dios yayji. A tzet max el watx'neni c'al tzet max el yaloni, caw wal miman yelapnok yul sat Dios c'al yul sat eb anima masanil. Palta a eb yajawil eb sacerdote, yetok eb yajaw yayji co xol, max aon oc yul k'ab camich. Yuj tu' max alay oc yin curus. A ton Cham tu' max jaoc yipok co c'ul, tol ok on colchaj el ayon israel on ti' yuj. Palta tinani', cabjitaxxa yunen juntzan tu'. Ay juntzan eb xal tol jetbeyom on, max c'ayaj co c'ul yuj, yet max jabeni, yujtol a yet max sakbi, max bet yilon eb ch'en ch'en bay max bet alay octok mimanil Cham, palta c'amxa is mimanil tu'. Max toj eb yalon ayon tol max yilon eb juntzan ángel. Max yalon eb ángel tu' bay eb, tol iquis Cham. Maxc'al lajwi tu', ay juntzan eb jetbeyom max bet ilonok. Axcac'al yalon eb xal ix tu', caytu' max yut yilon eb, palta maj yil eb yin Jesús, ẍi eb bay.
Yuj tu' xan max yal Jesús bay eb;
—Ayex ti', axca wal tol c'am jabok e nabal. Caw ya' puralil che yaoc yin e c'ul jantak tzet albilcan yuj eb chekbej Dios payxa. A Cham Cristo, yowalil tol t'inan yaben yail juntzan tu' yet manto oc Yajawilal, ẍi bay eb.
Max lajwi tu', max chaon el yich yalon bay eb, baytakc'al ayay yabixal yul tx'an Un Tz'ibbilcanok. Max chaontek yich yalon tzetak tz'ibbilcan yuj Moisés. Max yalon c'apaxtek tzet tz'ibbilcan yuj eb chekbej Dios yet payxa.
Axa yet max apni eb bay jun conob bay lanan toj eb tu', ijan palanc'al yeq'uel Jesús. Palta max yak' pural eb mitx'on waayok. Max yalon eb bay axca ti':
—Canan jetok, ilab lanan yay c'u, lananxa k'ekbi, ẍi eb bay.
Axa yoc yul na tu', max can bay tu' yetok eb. Axa yet max oc chotan yin meẍa yetok eb, max yion aj jun ixim pan, max yalon yuj diosalil bay Dios yuj. Lajwi tu', axa bijon ec' xol eb tu'. A yet jun bek tu' axca wal tol max jakchaj sat eb. Catatu' bian max yilon oc eb, tol a Jesús. Lajwi tu', max yesnen c'ay ba. Axa yilontek eb, c'amxa mactxel. Max yalon eb axca ti':
—Yel toni, caw wal max jay co nabal, yet max yalon ayon yul be, yet max yak'on nachaj el juj tzetak chi yal tx'an Un Tz'ibbilcanok, ẍi eb.
Max meltzojxac'al eb bay Jerusalén yet jun bek tu', max yil eb yin eb chekbej Jesús yusluc'wanil bay tu', yetok juntzanxa eb yetbi eb. Wajan ec' eb bay tu'. Axa yalon eb wajan ec' tu' bay eb cawan tu' axca ti':
—Wal yel max ictzoj aj Cham Jajawil junelxa. Max tx'oxaj ba bay Simón ti', ẍi eb.
Max lajwi tu', max yalontek eb cawan tu' tzet max yun eb yulak be. Max yalon c'apaxtek eb tzet max yun nachaj el Jesús yuj eb, yet max bijon ec' ixim pan.


Lananto yalon eb juntzan tu', axa yilontek eb, ayxa ec' Jesús nan xol eb. Max yalon axca ti':
—Junc'ulalokab ayex, ẍi bay eb.
Axa eb, toc'al max xiwaj eb, cax max c'ayaj c'ul eb. A naon eb tol lab jun chi yil eb tu'. Palta max yal Cham bay eb axca ti':
—¿Tzet yuj xan toc'al chi somchaj el e c'ul yet chin e yiloni? ¿Tzet yuj xan cabtak e c'ul win? Ilek in k'ab ti', c'al wakan ti'. Ayin toni; mitx'ek in wali. Chi cam e yoc t'anan win. A junok lab, tok ay is chibejal, tok ay is bakil bay watx' e yoc lacan axca wet ti', ẍi bay eb.
Max lajwi yalon jun tu', axa tx'oxon k'ab bay eb tu', c'al yakan. Caxc'al max tzaloj aj eb, palta ac'ala' ijan maj yaoc eb yin c'ul, yujtol toc'al max c'ayaj c'ul eb, xan max yal pax bay eb axca ti':
—¿C'am mi jabok tzet watx' chin lo' cayti'? ẍi bay eb.
Yuj tu' xan max yak' eb jab bolbil txay bay.*fn* Axa chaon tu', max chion satak eb. Lajwi chioni, max yalon pax bay eb axca ti':
—A tinani', mayal wal yun axca walon ayex yet max quin ec' e yetok. Ilab max wal ayex tol yowalil ok yun jantak wabixal tz'ibbilcan yul ley Moisés, yetok tzet tz'ibbilcan yuj eb chekbej Dios, yetok juntzan wabixal yul libro Salmo, ẍi bay eb.
Max lajwi tu', max yak'on jakchaj nabal eb, yet watx' chi nachaj el yuj eb, tzet tz'ibbilcan yul tx'an Un Tz'ibbilcan tu'. Xan max yal bay eb junelxa:
—A yul tx'an Un tz'ibbilcan wabixal ayin Cristo in ti', tol yowalil ok in camok, cax chin ictzoj pax aj xol eb camnak yet cabjial. Yetok c'apaxok, yowalil tol yetok wikbej ok al-lay el k'anej Dios xol anima bay junjun nación. Ok al-lay el xol eb tol yowalil chi na ba eb yin is yobtakil, yet watx' chi jolay c'ay yobtakil eb tu' yiban. A bay Jerusalén ti' ok babjok yal-lay el wabixal; catatu' ok pukaxtok bay junjun conob. Ayex ti', ok e yak' e ba testigoal yin juntzan ti'. Max yak'can Dios is ti' tol a Yespíritu ok ayol ayex. A ton Cham ok tok in chektek, palta echbanejek bay Jerusalén ti', masantac'al che cha' e yikbej ok alay aytek satcan, ẍi Jesús bay eb.


Catatu' max yiontok eb is cuywom bay cawilal conob Betania. Max yiaj is k'ab can bay tu', max k'anon watx'c'ulalil Dios yiban eb. Lananto wal k'anon watx'c'ulal Dios tu', max ilay ajtok satcan, axa can eb yuj tu'. Lajwi yion ay ba eb bay, max meltzoj eb yin tzalojc'ulalil bay Jerusalén. Junjunc'al c'u chi bet eb bay templo Dios yuj bet yalon eb is watx' k'anej bay Cham.

கேளுங்கள் Lc 24