A tekst disi kmoto fu: Wortu fu Gado © Surinaams Bijbelgenootschap 2016 Recording of Old Testament ℗ Hosanna, 2021

Sranan Tongo - 2016 SURBS (OT) Non Drama

<div class="version vid3984 iso6393srn" data-vid="3984" data-iso6393="srn">
 <div class="book bkGEN">
 <div class="chapter ch11" data-usfm="GEN.11">
 <div class="label">11</div><div class="s">Fa difrenti tongo bigin taki na grontapu</div><div class="p"> 1Heri grontapu ben e taki a srefi tongo. 2Ma di den sma ben hari go na a oostsei, den doro na wan opo sabana ini a kondre Sinear,#11:2 Disi na wan tra nen gi Babilonia. dan den tan libi drape. 3Dan den taigi makandra taki: &#8220;Yu sabi san, wi kan meki ston fu kleidoti. Wi o baka den bun dan wi o fasi den kon na wan nanga tara.&#8221; 4Den taki tu taki: &#8220;Yu sabi san, kon meki wi bow wan foto nanga wan toren di e suku fu miti heimel. Dati sa gi wi bigi nen &#232;n a sa meki taki wi no libi panyapanya abra heri grontapu.&#8221; 5Dan MASRA saka kon fu luku a foto nanga a toren di den sma ben e bow. 6Ne MASRA taki: &#8220;Luku, na w&#225;n folku &#232;n den e taki w&#225;n tongo. Disi na a bigin wawan fu den sani di den o man du. Ala sani san den o wani fu du now, den o man du. 7Yu sabi san, meki Wi saka go bruya a tongo fu den fu den no ferstan makandra.&#8221; 8Na so MASRA meki den panya fu drape go abra heri grontapu &#232;n den ben abi fu tapu a bow fu a foto. 9Dat' meki den e kari a foto Babel.#11:9 Babel wani taki bruya. Gi den sma fu Babilonia a wortu wani taki: a doro di e go na den Gado. Bika na drape MASRA bruya a tongo fu ala sma na grontapu, &#232;n na fu drape MASRA panya den abra heri grontapu.</div><div class="s">Den bakapikin fu Sem</div><div class="p"> 10Disi na den bakapikin fu Sem. Di Sem ben abi wan hondro yari, a tron p'pa fu Arpaksad. Disi ben de tu yari baka a bigi frudu. 11Sem libi ete feifi hondro yari baka di a tron p'pa fu Arpaksad &#232;n a kisi moro manpikin nanga umapikin.</div><div class="p"> 12Di Arpaksad ben abi dritenti-na-feifi yari a tron p'pa fu Sela. 13Arpaksad libi ete fo hondro nanga dri yari baka di a tron p'pa fu Sela &#232;n a kisi moro manpikin nanga umapikin.</div><div class="p"> 14Di Sela ben abi dritenti yari a tron p'pa fu Eber. 15Sela libi ete fo hondro nanga dri yari baka di a tron p'pa fu Eber &#232;n a kisi moro manpikin nanga umapikin.</div><div class="p"> 16Di Eber ben abi dritenti-na-fo yari a tron p'pa fu Peleg. 17Eber libi ete fo hondro nanga dritenti yari baka di a tron p'pa fu Peleg &#232;n a kisi moro manpikin nanga umapikin.</div><div class="p"> 18Di Peleg ben abi dritenti yari a tron p'pa fu Rehu. 19Peleg libi ete tu hondro nanga neigi yari baka di a tron p'pa fu Rehu &#232;n a kisi moro manpikin nanga umapikin.</div><div class="p"> 20Di Rehu ben abi dritenti-na-tu yari a tron p'pa fu Serug. 21Rehu libi ete tu hondro nanga seibi yari baka di a tron p'pa fu Serug &#232;n a kisi moro manpikin nanga umapikin.</div><div class="p"> 22Di Serug ben abi dritenti yari a tron p'pa fu Nakor. 23Serug libi ete tu hondro yari baka di a tron p'pa fu Nakor &#232;n kisi moro manpikin nanga umapikin.</div><div class="p"> 24Di Nakor ben abi tutenti-na-neigi yari a tron p'pa fu Terak. 25Nakor libi ete wan hondro nanga tin-na-neigi yari baka di a tron p'pa fu Terak &#232;n a kisi moro manpikin nanga umapikin.</div><div class="p"> 26Di Terak ben abi seibitenti yari a tron p'pa fu Abram, Nakor nanga Haran.</div><div class="s">Den bakapikin fu Terak</div><div class="p"> 27Disi na den bakapikin fu Terak. Terak tron p'pa fu Abram, Nakor nanga Haran. Haran tron p'pa fu Lot. 28Terak, a p'pa fu Haran, ben de na libi ete di Haran dede. A dede ini a foto Ur fu den Kaldeasma, pe a ben gebore. 29Dan Abram nanga Nakor teki wefi fu libi. A frow fu Abram ben nen Sarai &#232;n a di fu Nakor ben nen Milka. Milka ben de wan umapikin fu Haran. Haran ben de p'pa fu Milka nanga Yiska. 30Sarai no ben abi pikin fu di a no ben man kisi pikin.</div><div class="p"> 31Dan Terak teki en manpikin Abram dan den libi a foto Ur fu den Kaldeasma fu go na a kondre Kanaan. Terak ben teki en granpikin Lot, a manpikin fu Haran, nanga Sarai, a frow fu en manpikin Abram tu fu go nanga den. Ma di den doro Haran den tan libi drape. 32Terak ben tapu tu hondro nanga feifi yari, dan a dede ini a foto Haran.</div>
 </div>
 </div>
</div>

Tekst © Surinaams Bijbelgenootschap 2016

Heri grontapu ben e taki a srefi tongo. Ma di den sma ben hari go na a oostsei, den doro na wan opo sabana ini a kondre Sinear, dan den tan libi drape. Dan den taigi makandra taki: “Yu sabi san, wi kan meki ston fu kleidoti. Wi o baka den bun dan wi o fasi den kon na wan nanga tara.” Den taki tu taki: “Yu sabi san, kon meki wi bow wan foto nanga wan toren di e suku fu miti heimel. Dati sa gi wi bigi nen èn a sa meki taki wi no libi panyapanya abra heri grontapu.” Dan MASRA saka kon fu luku a foto nanga a toren di den sma ben e bow. Ne MASRA taki: “Luku, na wán folku èn den e taki wán tongo. Disi na a bigin wawan fu den sani di den o man du. Ala sani san den o wani fu du now, den o man du. Yu sabi san, meki Wi saka go bruya a tongo fu den fu den no ferstan makandra.” Na so MASRA meki den panya fu drape go abra heri grontapu èn den ben abi fu tapu a bow fu a foto. Dat' meki den e kari a foto Babel. Bika na drape MASRA bruya a tongo fu ala sma na grontapu, èn na fu drape MASRA panya den abra heri grontapu.

Disi na den bakapikin fu Sem. Di Sem ben abi wan hondro yari, a tron p'pa fu Arpaksad. Disi ben de tu yari baka a bigi frudu. Sem libi ete feifi hondro yari baka di a tron p'pa fu Arpaksad èn a kisi moro manpikin nanga umapikin.
Di Arpaksad ben abi dritenti-na-feifi yari a tron p'pa fu Sela. Arpaksad libi ete fo hondro nanga dri yari baka di a tron p'pa fu Sela èn a kisi moro manpikin nanga umapikin.
Di Sela ben abi dritenti yari a tron p'pa fu Eber. Sela libi ete fo hondro nanga dri yari baka di a tron p'pa fu Eber èn a kisi moro manpikin nanga umapikin.
Di Eber ben abi dritenti-na-fo yari a tron p'pa fu Peleg. Eber libi ete fo hondro nanga dritenti yari baka di a tron p'pa fu Peleg èn a kisi moro manpikin nanga umapikin.
Di Peleg ben abi dritenti yari a tron p'pa fu Rehu. Peleg libi ete tu hondro nanga neigi yari baka di a tron p'pa fu Rehu èn a kisi moro manpikin nanga umapikin.
Di Rehu ben abi dritenti-na-tu yari a tron p'pa fu Serug. Rehu libi ete tu hondro nanga seibi yari baka di a tron p'pa fu Serug èn a kisi moro manpikin nanga umapikin.
Di Serug ben abi dritenti yari a tron p'pa fu Nakor. Serug libi ete tu hondro yari baka di a tron p'pa fu Nakor èn kisi moro manpikin nanga umapikin.
Di Nakor ben abi tutenti-na-neigi yari a tron p'pa fu Terak. Nakor libi ete wan hondro nanga tin-na-neigi yari baka di a tron p'pa fu Terak èn a kisi moro manpikin nanga umapikin.
Di Terak ben abi seibitenti yari a tron p'pa fu Abram, Nakor nanga Haran.

Disi na den bakapikin fu Terak. Terak tron p'pa fu Abram, Nakor nanga Haran. Haran tron p'pa fu Lot. Terak, a p'pa fu Haran, ben de na libi ete di Haran dede. A dede ini a foto Ur fu den Kaldeasma, pe a ben gebore. Dan Abram nanga Nakor teki wefi fu libi. A frow fu Abram ben nen Sarai èn a di fu Nakor ben nen Milka. Milka ben de wan umapikin fu Haran. Haran ben de p'pa fu Milka nanga Yiska. Sarai no ben abi pikin fu di a no ben man kisi pikin.
Dan Terak teki en manpikin Abram dan den libi a foto Ur fu den Kaldeasma fu go na a kondre Kanaan. Terak ben teki en granpikin Lot, a manpikin fu Haran, nanga Sarai, a frow fu en manpikin Abram tu fu go nanga den. Ma di den doro Haran den tan libi drape. Terak ben tapu tu hondro nanga feifi yari, dan a dede ini a foto Haran.

கேளுங்கள் Genesis 11