Kosarek 2023 WBT Non-drama NT

Kosarek 2023 WBT Dramatized NT

<div class="version vid3740 iso6393kkl" data-vid="3740" data-iso6393="kkl">
 <div class="book bkJHN">
 <div class="chapter ch16" data-usfm="JHN.16">
 <div class="label">16</div><div class="p"> 1Wene seogti, nen tipto yubu lelamogti, &#8220;Nari a'un ambareamsin yubu enena, &#8216;A'undi nanag neleptop inaag phukul ingkilulom kom,&#8217; aro anamag ambarelamsin. 2Nimirina a'unag Allah yubu lero winirop aeag agha a'un yag lambahukang. Nene mo kom aghana, uro yabilul ko'o nhonag a'un sembe, &#8216;Ya'ag opsukap,&#8217; aro ulamukang. Sin nimi tanekona, &#8216;Allah sembe awe toro omeklamapti, ya'ag opsukap,&#8217; senenne agha a'un olamsukang. 3Sindi a'unag undo ulamsiik nena, sindi Naniap nanap ekon ane sembe, undo ulamukang. 4Aghana anam uro yabin komag a'unag ambareamsin. Andarina sindi undo ulamsiik ko'o nenekoag a'undi el uro seneraglapmundi, &#8216;Eldi wene seogne neneko wene uro yabalamla,&#8217; senelapmundi el uro wamlulom,&#8221; aro ambatsiog.</div><div class="s1">Allah Yame Walinge nimi sembe tiro yebelan ahinne sembe ambatsiogha</div><div class="p">Yesusti nen tipto ambarelamsiogti, &#8220;Samenag agha na a'unap nhon ua ulamobo ane sembe, ni wene aro ambatsin yubu eneko samenag ambatsino kom.</div><div class="p"> 5Ot wene na pogholaneogne ponekoag pinep wamna. Pinep wamnaba, a'un nimi nhondi babe, &#8216;Tala palamlam?&#8217; aro nanag haiban koma a'undi haibanepne liplom. 6Haibanepne liplom aghana, nari wene aro lemnange nene a'undi ka'ebalomne sembe wana ikin along senelamlom. 7Aghana nari yubu sikne a'unag ambarelamsin nena, na pin kom pagha tanena, a'un sembe tiro yebelan ahinne poneko a'unag yanep kom. Na pine taneogna, a'un sembe tiro yebelan ahinne poneko pogholanun. Ane sembe, &#8216;A'un wali wamlulom,&#8217; aro na wene pinuan. 8El poneko yaleri, nimiri mali-malia uropneap, wana porog unneap, tam karebatsinepneap sembe mog so'oag wamang nimiag lag nenero wenelamsilul. 9Mali-malia uropne sembe wembahilul nena, sindi nanag sikne aro wana palilamang komne sembe wembahilul. 10Na wana porogne wamnange sembe wembahilul nena, na Naniag pinenge toman agha lag tangto yabileba, nimi wembahilul. Na pineba, nen imnululom kom. 11Tam karebatsinepne sembe wembahilul nena, el wene mog so'oag nimi saelbamsil phia nenekoag Allahri tam karepto pelengkanepne wero paiamogne sembe lag nenero wembahilul.</div><div class="p"> 12Nari a'unag nen yubu tam maikno ambatsisene aghana, wene a'undi ni salero seneragnep komdina, nari a'un ambatsinun kom. 13Aghana el Yame Walinge sikne agha tibin uro ambarelamsinepne poneko yale tanena, a'undi sikneag nelepto palapmunne ni sembe a'un menangaro pabalamsilul. Eldi a'unag ambatsilulne eldi wanaag agha mori miptopne agha ambatsilul kom. El moringe kom aghana, eldi aori ka'eropne a'un ambarelamsileri, amik uro yabinepne agha a'un ambarelamsilul. 14Eldi a'un ambarelamsilul nena, naringe aba elag talengeag agha a'unag tipto ambatsilul ane sembe, eldi na paliag wamnea kiptopne lag nembatsilul. 15Nia mangkina Naniri saeag wamlange nari saeag wamla. Ane sembe nari wene aro lelamnangena, &#8216;Naringe aba Yame Walinge ponekoag talenge agha a'unag tipto ambatsilul,&#8217; sen.</div><div class="p"> 16Ko'o we uro wamna koma na imnululom kom. Apna nen ko'o we uro wamna koma na imnululom,&#8221; seog.</div><div class="s1">Sindi wana ikin senenne awi tanepne sembe ambatsiogha</div><div class="p"> 17Wene seogne sembe Yesusti yubu ka'ero neleptop nang nhon-nhondi sin mamun hail dalamekti, &#8220;Sa'a sembe nunag, &#8216;Ko'o we uro wamna koma na imnululom kom. Apna nen ko'o we uro wamna koma na imnululom,&#8217; sel? Apna eldi, &#8216;Na Naniag pinun,&#8217; selne sa'a sembe lepla?&#8221; aro sin mamun hail dalamek. 18Sin mamun hail dalamek nena, &#8220;Eldi, &#8216;Ko'o we uro wamna koma,&#8217; aro leplange nene nu olog seneraghap kom,&#8221; alamek.</div><div class="p"> 19Wene aro hail dalamekpa, Yesusti el wamog nena, &#8220;Sindi nanag, &#8216;Haibahabe,&#8217; senelamang,&#8221; aro el taog. Ane sembe Yesusti sinag ambarelamsiogti, &#8220;Nari wene, &#8216;Ko'o we uro wamna koma na imnululom kom. Apna nen ko'o we uro wamna koma na imnululom,&#8217; aro lemnange sembe a'un mamun, &#8216;Sa'a sembe lepla,&#8217; aro hail dalamlom te? 20Nari yubu sikne agha ambatnuahin. A'undi na amang uro wana ngik-ngogha engelamnumun abeneko mog so'o eneag wamang nimiri awi uro, &#8216;Wali uro yabil,&#8217; senelamukang. A'undi wana ikin uahilul aghana, a'undi wana ikin sembamunne neneko kom taleba, a'un awi sirik uro wamlulom. 21Kel nhon me mangaro anep peram wamna tanena, el wana ikin uro seklebanep. Aghana me aneko mangaroan tanena, seklenne neneko ekon tanba, mangaroan me eneko wene mog so'oag yal senenne agha kel eneko awi sirik uro wamnep. 22Ane saog uro a'un babe wene wana ikin uro seklelamlom aghana, na nen a'unap haiptaukap. Nen haiptabe sum eneko a'undi wana awi sirik uahilulne neneko nimi nhondi babe a'undi wanaag agha kom nembaukang kom. 23Sum enekoa a'undi nanag nen sa'a-sa'a haibanululom kom.</div><div class="p">Yubu sikne agha ambatnuahin. Na siag kekhaekto wapmunneag agha Naniag mololapmunne a'unag tatsilul. 24Samenag agha wene babe a'undi na siag kekhaektopneag agha Allahag mololamlom kom. Wenena a'undi mololapmundi, a'un tatsilenge tolapmun andarina, awi sirikne neneko a'unag teknero wamsilul,&#8221; aro ambatsiog.</div><div class="s1">Yesusti mog so'oag nimiri seneragto ul piropne mombolag nenero luknulamsiogha</div><div class="p"> 25Yesusti nen tipto ambarelamsiogti, &#8220;Nari ni ambarelamsin yubu sunumna likiptop yubuag tol pina a'un ambarelamsin. Aghana amik uro yabile ko'o eneko nari sunumna likiptop yubuag tol pin koma lag phoro Nani sembe a'un ambatsinun. 26Sum enekona, a'undi na siag kekhaekto wapmunneag agha Naniag molbalulom. Nari lemnangena, &#8216;Nari a'un sembe Naniag molbatsinun,&#8217; alamna kom. 27Undo lelamna kom nena, Nani eldamneri a'un babe o'ona senelamsil. Naniri a'un o'ona sembamsil nena, a'undi na o'ona senelamnelomdi, na sembe, &#8216;El sik uro Allahag agha yaog,&#8217; aro nanag wana palilamlomne sembe a'un o'ona sembamsil. 28Na Naniri pogneogpa, elag agha na mog so'oag yahi. Wenena na mog so'o laplobi agha Naniag nen samoro pinun,&#8221; aro ambatsiog.</div><div class="p"> 29Wene aro ambatsiogpa, eldi yubu ka'ero neleptop nang tanekori yubu lelamekti, &#8220;Wene ane, yubu lag phoro ambatsilamne ane andi sunumna likiptop yubuag tol pin koma nu ambatsilam. 30Wene aro leplamne agha nu el tahil nena, nimi nhondi anag haibagheneba babe an teko ulangkel komba, an agha nia mangkina el wamlam. Ane sembe nu seneraglamap nena, &#8216;An sik uro Allahri pogkeogneag agha yalum,&#8217; sembamap,&#8221; aro wene seek.</div><div class="p"> 31Wene seekpa, Yesusti samoro, &#8220;Weneog a'undi nanag sikne aro seneraglamnelom te? 32Nari lemnuanne ka'eamsut! Amik uro yabilulne wene uro palamlange a'un talup tangto wamlulom. A'un a'eptangka a'undinge ae lom a'ero palapmundi, na mo laplopnululom. Ot na mo wamnun kom. Na Nani nanap nhon wamlul.</div><div class="p"> 33Nari ni ane a'un ambareamsin andarina, a'un nanap ma'ap tangto wamlomne toman a'un wana aingniro wamlulom. Mog so'oag wapmunag aneko a'un seklenne seklebalulom. Aghana a'un wana khapto wamlulom. Nari mog so'oag nimiri seneragto ul palamangne mombolag nenero luknubitsin,&#8221; aro ambatsiog.</div>
 </div>
 </div>
</div>

Wene seogti, nen tipto yubu lelamogti, “Nari a'un ambareamsin yubu enena, ‘A'undi nanag neleptop inaag phukul ingkilulom kom,’ aro anamag ambarelamsin. Nimirina a'unag Allah yubu lero winirop aeag agha a'un yag lambahukang. Nene mo kom aghana, uro yabilul ko'o nhonag a'un sembe, ‘Ya'ag opsukap,’ aro ulamukang. Sin nimi tanekona, ‘Allah sembe awe toro omeklamapti, ya'ag opsukap,’ senenne agha a'un olamsukang. Sindi a'unag undo ulamsiik nena, sindi Naniap nanap ekon ane sembe, undo ulamukang. Aghana anam uro yabin komag a'unag ambareamsin. Andarina sindi undo ulamsiik ko'o nenekoag a'undi el uro seneraglapmundi, ‘Eldi wene seogne neneko wene uro yabalamla,’ senelapmundi el uro wamlulom,” aro ambatsiog.

Yesusti nen tipto ambarelamsiogti, “Samenag agha na a'unap nhon ua ulamobo ane sembe, ni wene aro ambatsin yubu eneko samenag ambatsino kom.
Ot wene na pogholaneogne ponekoag pinep wamna. Pinep wamnaba, a'un nimi nhondi babe, ‘Tala palamlam?’ aro nanag haiban koma a'undi haibanepne liplom. Haibanepne liplom aghana, nari wene aro lemnange nene a'undi ka'ebalomne sembe wana ikin along senelamlom. Aghana nari yubu sikne a'unag ambarelamsin nena, na pin kom pagha tanena, a'un sembe tiro yebelan ahinne poneko a'unag yanep kom. Na pine taneogna, a'un sembe tiro yebelan ahinne poneko pogholanun. Ane sembe, ‘A'un wali wamlulom,’ aro na wene pinuan. El poneko yaleri, nimiri mali-malia uropneap, wana porog unneap, tam karebatsinepneap sembe mog so'oag wamang nimiag lag nenero wenelamsilul. Mali-malia uropne sembe wembahilul nena, sindi nanag sikne aro wana palilamang komne sembe wembahilul. Na wana porogne wamnange sembe wembahilul nena, na Naniag pinenge toman agha lag tangto yabileba, nimi wembahilul. Na pineba, nen imnululom kom. Tam karebatsinepne sembe wembahilul nena, el wene mog so'oag nimi saelbamsil phia nenekoag Allahri tam karepto pelengkanepne wero paiamogne sembe lag nenero wembahilul.
Nari a'unag nen yubu tam maikno ambatsisene aghana, wene a'undi ni salero seneragnep komdina, nari a'un ambatsinun kom. Aghana el Yame Walinge sikne agha tibin uro ambarelamsinepne poneko yale tanena, a'undi sikneag nelepto palapmunne ni sembe a'un menangaro pabalamsilul. Eldi a'unag ambatsilulne eldi wanaag agha mori miptopne agha ambatsilul kom. El moringe kom aghana, eldi aori ka'eropne a'un ambarelamsileri, amik uro yabinepne agha a'un ambarelamsilul. Eldi a'un ambarelamsilul nena, naringe aba elag talengeag agha a'unag tipto ambatsilul ane sembe, eldi na paliag wamnea kiptopne lag nembatsilul. Nia mangkina Naniri saeag wamlange nari saeag wamla. Ane sembe nari wene aro lelamnangena, ‘Naringe aba Yame Walinge ponekoag talenge agha a'unag tipto ambatsilul,’ sen.
Ko'o we uro wamna koma na imnululom kom. Apna nen ko'o we uro wamna koma na imnululom,” seog.

Wene seogne sembe Yesusti yubu ka'ero neleptop nang nhon-nhondi sin mamun hail dalamekti, “Sa'a sembe nunag, ‘Ko'o we uro wamna koma na imnululom kom. Apna nen ko'o we uro wamna koma na imnululom,’ sel? Apna eldi, ‘Na Naniag pinun,’ selne sa'a sembe lepla?” aro sin mamun hail dalamek. Sin mamun hail dalamek nena, “Eldi, ‘Ko'o we uro wamna koma,’ aro leplange nene nu olog seneraghap kom,” alamek.
Wene aro hail dalamekpa, Yesusti el wamog nena, “Sindi nanag, ‘Haibahabe,’ senelamang,” aro el taog. Ane sembe Yesusti sinag ambarelamsiogti, “Nari wene, ‘Ko'o we uro wamna koma na imnululom kom. Apna nen ko'o we uro wamna koma na imnululom,’ aro lemnange sembe a'un mamun, ‘Sa'a sembe lepla,’ aro hail dalamlom te? Nari yubu sikne agha ambatnuahin. A'undi na amang uro wana ngik-ngogha engelamnumun abeneko mog so'o eneag wamang nimiri awi uro, ‘Wali uro yabil,’ senelamukang. A'undi wana ikin uahilul aghana, a'undi wana ikin sembamunne neneko kom taleba, a'un awi sirik uro wamlulom. Kel nhon me mangaro anep peram wamna tanena, el wana ikin uro seklebanep. Aghana me aneko mangaroan tanena, seklenne neneko ekon tanba, mangaroan me eneko wene mog so'oag yal senenne agha kel eneko awi sirik uro wamnep. Ane saog uro a'un babe wene wana ikin uro seklelamlom aghana, na nen a'unap haiptaukap. Nen haiptabe sum eneko a'undi wana awi sirik uahilulne neneko nimi nhondi babe a'undi wanaag agha kom nembaukang kom. Sum enekoa a'undi nanag nen sa'a-sa'a haibanululom kom.
Yubu sikne agha ambatnuahin. Na siag kekhaekto wapmunneag agha Naniag mololapmunne a'unag tatsilul. Samenag agha wene babe a'undi na siag kekhaektopneag agha Allahag mololamlom kom. Wenena a'undi mololapmundi, a'un tatsilenge tolapmun andarina, awi sirikne neneko a'unag teknero wamsilul,” aro ambatsiog.

Yesusti nen tipto ambarelamsiogti, “Nari ni ambarelamsin yubu sunumna likiptop yubuag tol pina a'un ambarelamsin. Aghana amik uro yabile ko'o eneko nari sunumna likiptop yubuag tol pin koma lag phoro Nani sembe a'un ambatsinun. Sum enekona, a'undi na siag kekhaekto wapmunneag agha Naniag molbalulom. Nari lemnangena, ‘Nari a'un sembe Naniag molbatsinun,’ alamna kom. Undo lelamna kom nena, Nani eldamneri a'un babe o'ona senelamsil. Naniri a'un o'ona sembamsil nena, a'undi na o'ona senelamnelomdi, na sembe, ‘El sik uro Allahag agha yaog,’ aro nanag wana palilamlomne sembe a'un o'ona sembamsil. Na Naniri pogneogpa, elag agha na mog so'oag yahi. Wenena na mog so'o laplobi agha Naniag nen samoro pinun,” aro ambatsiog.
Wene aro ambatsiogpa, eldi yubu ka'ero neleptop nang tanekori yubu lelamekti, “Wene ane, yubu lag phoro ambatsilamne ane andi sunumna likiptop yubuag tol pin koma nu ambatsilam. Wene aro leplamne agha nu el tahil nena, nimi nhondi anag haibagheneba babe an teko ulangkel komba, an agha nia mangkina el wamlam. Ane sembe nu seneraglamap nena, ‘An sik uro Allahri pogkeogneag agha yalum,’ sembamap,” aro wene seek.
Wene seekpa, Yesusti samoro, “Weneog a'undi nanag sikne aro seneraglamnelom te? Nari lemnuanne ka'eamsut! Amik uro yabilulne wene uro palamlange a'un talup tangto wamlulom. A'un a'eptangka a'undinge ae lom a'ero palapmundi, na mo laplopnululom. Ot na mo wamnun kom. Na Nani nanap nhon wamlul.
Nari ni ane a'un ambareamsin andarina, a'un nanap ma'ap tangto wamlomne toman a'un wana aingniro wamlulom. Mog so'oag wapmunag aneko a'un seklenne seklebalulom. Aghana a'un wana khapto wamlulom. Nari mog so'oag nimiri seneragto ul palamangne mombolag nenero luknubitsin,” aro ambatsiog.

கேளுங்கள் Yohanes 16