<div class="version vid3684 iso6393mgs" data-vid="3684" data-iso6393="mgs">
 <div class="book bkMAT">
 <div class="chapter ch21" data-usfm="MAT.21">
 <div class="label">21</div><div class="p"> 1Na pala wakawandamili ku Yerusalem, na wakachiti pa Betfage, ku kidunda kya Miseituni, bahalapala Yesu akatumiti wanafunsi wawili, 2kuwajowela, Mubitaye ku likaya lila liyii pa kipula nu mwenga, na hino apa yamukolele lipunda lya kukungika, ni lyana mundu pamonga na lyombe: mugawopole, mugatolaye kwa nenga. 3Leka wona mundu awalongele kandu, mujowaye, Bambo agalonda; na hino apa yagatume. 4Iki nakyo kikayili, nausi limemasike lila likajowiki na wakulweta, kujowa,</div><div class="q1"> 5Muntawalile mwana ndala wa Sion,</div><div class="q1">Lola, Mutwa wako akuchila,</div><div class="q1">Mwololo, na wakukwela pa lipunda,</div><div class="q1">Na pa kapunda, lyana mundu lya lipunda.</div><div class="p"> 6Leka wanafunsi wakabiti, ni wakakiti mula Yesu akawataukili, 7ni wakachiti ni lipunda, ni lyana mundu, leka wakawikiti pa gombe mingila yawe; na akatemi bahalapala. 8Leka wingi wa lipuga wakatandiki mingila yawe pa ndila; leka wangi wakadumwili ndafi pa mikongo, ni kusitandika pa ndila. 9Leka mapuga ga kundongolela, na gala ga kukisa, wakakuwiti kujowa, Hosana kwa mwana wa Daudi: wakuhikalika yombe yuayicha pa lihina lya Bambo; Hosana kunani kwene. 10Leka apa akayingili pa Yerusalem, likaya lya mfilimila likanyukunywiki, kujowa, Nani uyu? 11Na mapuga gakajowiti, Uyu ayii wakulweta yula, Yesu, wa pa Nazareti ya Galilaya.</div><div class="p"> 12Nu Yesu akayingili mu hekalu ya Mulungu, ni akatagiti kunja woha wakutasa ni wakuhemela makao pa hekalu, ni akapindakwili mapondo ga wa kuyandungana ndalama, ni fitihu fya wala wakutasa njiwa; 13na awajowela, Kulembiki, Nyumba yangu yayikemeleke nyumba ya kusali: koma mwenga muyikita likolo lya wifi. 14Leka wanchilili wakukoyoka miho na wa kuchipila mu hekalu: na akawalwasiti. 15Leka makasisi makulungu na wakulembela, pala wakaweni fila fyakukangachika akafikiti, na wana wakukuwa pa hekalu ni kujowa, Hosana kwa mwana wa Daudi; wakawiniti mwoyo, 16na wakanjowili, Uyufwana ati umu awa wajowela? Leka Yesu awajowela, Ena: musomiti lepa ati miaka, Kuhuma pa ndomo wa wakeke na wakuyonga utendekesili ngani malumbo? 17Leka akawalekiti, nakapititi pa likaya mwanja ku Betania, kwihadisa pandu kukula.</div><div class="p"> 18Leka lukelakela pa kukilawuka ku likaya, akaweni njala. 19Na pakaweni nkuyu pa ndila, akauchilili, leka nakukolela lepa kindu pa uwu, lema mahamba matupu; na aujowela, Fipambiko fisitama kawili pa wenga miaka yoha. Na hino apa nkuyu ukayunditi. 20Leka wanafunsi pala wakaweni, wakakangichi nyahope, kujowa, Nkuyu uyunditi wuli nyata? 21Na Yesu pakahigiti akawajowili, Chakaka niwajowela, Wona mutama ni kiyitakiso, nukukangachila lepa, si iki kya pa nkuyu kyakape yamukikite, koma wona yamukijowele kidunda iki, Unyanyamulike na utumalike pa nyanja, yakikitike. 22Na fiyi fyoha, fila yamuluwe pa kusali, kikelile, yamuyupe.</div><div class="p"> 23Na pala akayingili mu hekalu, makasisi makulungu ni wakuluwakulu wa nsafi wakanchilili apa akayili mu kuyigalisa, kujowa, Kwa chengo kiki ukita ifi? leka nani akupili chengo iki? 24Na Yesu pakahigiti akawajowili, Nenga nani yaniwakote lilowe limonga, lila wona munitawalila, nenga nani yanitawalile mwenga kwa chengo kiki nifikita ifi. 25Ubatiso wa Yohana ukahumili kuliku? kunani pangi kwa wandu? Nawombe wakajowini yungi ni njini, kujowa, Wona titawila, Kuhumila kunani; yatijowele, Mumu kwa kiki mukankeliti lepa? 26Koma wona titawila, Kwa wandu; tiyogopa lipuga; ndawa woha wambalangeye Yohana ngati wakulweta. 27Leka wakamhigiti Yesu, kujowa, Timanya lepa. Nuyombe kawili akawajowili, Haka nenga nani nukutawila lepa kwinu kwa chengo kiki nifikita ifi. 28Koma muwona wuli? Mundu akayili ni wana wawili; ni akanchilili yombe wakutumbula, nakajowiti, Mwana, bita ku lihengo lilino mu ngunda wa mipelesa. 29Leka akahigiti, nakajowiti, Nibita lepa: koma panyuma pake akapeliti, nakabiti. 30Leka akanchilili wakawili, nakajowiti wiwila. Nuyombe akahigiti, nakajowiti, Nibita bambo: koma nukubita lepa. 31Yuliku wa awa wawili akakiti kila akakilonditi dadi mundu? Wajowa, Wakutumbula. Yesu awajowela wombe, Chakaka niwajowela, kukita wakuyupa nsongo na wadala wa ukeme yawalongolele mwenga kuyingila pa utwa wa Mulungu. 32Pakuya Yohana akawachilili pa ndila ya ugolofu, na mukankeliti lepa: koma wakuyupa nsongo na wadala wa ukeme wakankeliti: leka mwenga namu pala mukaweni, mukapeliti lepa panyuma, nausi munkele yombe.</div><div class="p"> 33Muyufwanile ngongo yingi: Pakayili mundu mwene nyumba, uyu akapanditi ngunda wa mipelesa, ni akausyungutisi nu luwigu, ni akahimbiti mumu liwumba lya kupondela mbelesa, ni akajengiti kiniongoli, na akauyanisi kwa wakulima, na akabiti ku ndima wungi. 34Leka pala lukumbi lwa fipambiko lukawandamili, akatumiti wawanda mundu kwa wakulima wala, kuyupa fipambiko fyake. 35Leka wakulima wakawakamwili wawanda mundu, yumonga wakantowiti, yungi wakankomiti, na yungi wakantumalili maganga. 36Kawili akatumiti wawanda wangi wakulutila wala wakutumbula: na wakawakitili wiwilawila. 37Leka panyuma pake akatumiti kwawe mwana mundu, kujowa, Yawanginike mwanangu. 38Koma wakulima wala, apa wakambweni mwana mundu, wakajowini yungi ni njini, Uyu yuyu wakuyingila lipwela; tiwuke, tinkome, na tikamule lipwela lyake. 39Na apa wakankamwili, wakantagiti kunja kwa ngunda wa mipelesa, na wakankomiti. 40Mumu pala bambo wa ngunda wa mipelesa yayiche, yawakitile kiki wakulima wala? 41Wanjowela, Wawifu muwifu yawayanange, leka ngunda wula yauyanise kwa wakulima wangi, wala nawombe yawankilawusile fipambiko pa lukumbi lwake. 42Yesu awajowela, Nukusoma lepa ati mwenga pa malembo,</div><div class="q1">Liganga lila wakalikaniti wakujenga nyumba,</div><div class="q1">Lilila likapatiti kuya mutu wa kindusula:</div><div class="q1">Iki kikayili kuhumila pa Bambo,</div><div class="q1">Leka kiyii kya kuganaganisa pa miho gitu?</div><div class="p"> 43Ndawa iyi niwajowela, Utwa wa Mulungu yauyupike pa mwenga, na yaupelewe kwa mhuku wakupambika fipambiko fyake. 44Leka uyu agwa pa liganga ili yaakaywiki ngani: koma uyu yalingwile yalinsiagile ngani. 45Na makasisi makulungu na waFarisayo pala wakayufwini ngongo syake, wakawalalili kukita awajowa wombe. 46Na pala walondaga kunkamula, wakayogwipi mapuga, ndawa wakambalingi ngati wakulweta.</div>
 </div>
 </div>
</div>

First published by the British and Foreign Bible Society in 1937.

Na pala wakawandamili ku Yerusalem, na wakachiti pa Betfage, ku kidunda kya Miseituni, bahalapala Yesu akatumiti wanafunsi wawili, kuwajowela, Mubitaye ku likaya lila liyii pa kipula nu mwenga, na hino apa yamukolele lipunda lya kukungika, ni lyana mundu pamonga na lyombe: mugawopole, mugatolaye kwa nenga. Leka wona mundu awalongele kandu, mujowaye, Bambo agalonda; na hino apa yagatume. Iki nakyo kikayili, nausi limemasike lila likajowiki na wakulweta, kujowa,
Muntawalile mwana ndala wa Sion,
Lola, Mutwa wako akuchila,
Mwololo, na wakukwela pa lipunda,
Na pa kapunda, lyana mundu lya lipunda.
Leka wanafunsi wakabiti, ni wakakiti mula Yesu akawataukili, ni wakachiti ni lipunda, ni lyana mundu, leka wakawikiti pa gombe mingila yawe; na akatemi bahalapala. Leka wingi wa lipuga wakatandiki mingila yawe pa ndila; leka wangi wakadumwili ndafi pa mikongo, ni kusitandika pa ndila. Leka mapuga ga kundongolela, na gala ga kukisa, wakakuwiti kujowa, Hosana kwa mwana wa Daudi: wakuhikalika yombe yuayicha pa lihina lya Bambo; Hosana kunani kwene. Leka apa akayingili pa Yerusalem, likaya lya mfilimila likanyukunywiki, kujowa, Nani uyu? Na mapuga gakajowiti, Uyu ayii wakulweta yula, Yesu, wa pa Nazareti ya Galilaya.
Nu Yesu akayingili mu hekalu ya Mulungu, ni akatagiti kunja woha wakutasa ni wakuhemela makao pa hekalu, ni akapindakwili mapondo ga wa kuyandungana ndalama, ni fitihu fya wala wakutasa njiwa; na awajowela, Kulembiki, Nyumba yangu yayikemeleke nyumba ya kusali: koma mwenga muyikita likolo lya wifi. Leka wanchilili wakukoyoka miho na wa kuchipila mu hekalu: na akawalwasiti. Leka makasisi makulungu na wakulembela, pala wakaweni fila fyakukangachika akafikiti, na wana wakukuwa pa hekalu ni kujowa, Hosana kwa mwana wa Daudi; wakawiniti mwoyo, na wakanjowili, Uyufwana ati umu awa wajowela? Leka Yesu awajowela, Ena: musomiti lepa ati miaka, Kuhuma pa ndomo wa wakeke na wakuyonga utendekesili ngani malumbo? Leka akawalekiti, nakapititi pa likaya mwanja ku Betania, kwihadisa pandu kukula.
Leka lukelakela pa kukilawuka ku likaya, akaweni njala. Na pakaweni nkuyu pa ndila, akauchilili, leka nakukolela lepa kindu pa uwu, lema mahamba matupu; na aujowela, Fipambiko fisitama kawili pa wenga miaka yoha. Na hino apa nkuyu ukayunditi. Leka wanafunsi pala wakaweni, wakakangichi nyahope, kujowa, Nkuyu uyunditi wuli nyata? Na Yesu pakahigiti akawajowili, Chakaka niwajowela, Wona mutama ni kiyitakiso, nukukangachila lepa, si iki kya pa nkuyu kyakape yamukikite, koma wona yamukijowele kidunda iki, Unyanyamulike na utumalike pa nyanja, yakikitike. Na fiyi fyoha, fila yamuluwe pa kusali, kikelile, yamuyupe.
Na pala akayingili mu hekalu, makasisi makulungu ni wakuluwakulu wa nsafi wakanchilili apa akayili mu kuyigalisa, kujowa, Kwa chengo kiki ukita ifi? leka nani akupili chengo iki? Na Yesu pakahigiti akawajowili, Nenga nani yaniwakote lilowe limonga, lila wona munitawalila, nenga nani yanitawalile mwenga kwa chengo kiki nifikita ifi. Ubatiso wa Yohana ukahumili kuliku? kunani pangi kwa wandu? Nawombe wakajowini yungi ni njini, kujowa, Wona titawila, Kuhumila kunani; yatijowele, Mumu kwa kiki mukankeliti lepa? Koma wona titawila, Kwa wandu; tiyogopa lipuga; ndawa woha wambalangeye Yohana ngati wakulweta. Leka wakamhigiti Yesu, kujowa, Timanya lepa. Nuyombe kawili akawajowili, Haka nenga nani nukutawila lepa kwinu kwa chengo kiki nifikita ifi. Koma muwona wuli? Mundu akayili ni wana wawili; ni akanchilili yombe wakutumbula, nakajowiti, Mwana, bita ku lihengo lilino mu ngunda wa mipelesa. Leka akahigiti, nakajowiti, Nibita lepa: koma panyuma pake akapeliti, nakabiti. Leka akanchilili wakawili, nakajowiti wiwila. Nuyombe akahigiti, nakajowiti, Nibita bambo: koma nukubita lepa. Yuliku wa awa wawili akakiti kila akakilonditi dadi mundu? Wajowa, Wakutumbula. Yesu awajowela wombe, Chakaka niwajowela, kukita wakuyupa nsongo na wadala wa ukeme yawalongolele mwenga kuyingila pa utwa wa Mulungu. Pakuya Yohana akawachilili pa ndila ya ugolofu, na mukankeliti lepa: koma wakuyupa nsongo na wadala wa ukeme wakankeliti: leka mwenga namu pala mukaweni, mukapeliti lepa panyuma, nausi munkele yombe.
Muyufwanile ngongo yingi: Pakayili mundu mwene nyumba, uyu akapanditi ngunda wa mipelesa, ni akausyungutisi nu luwigu, ni akahimbiti mumu liwumba lya kupondela mbelesa, ni akajengiti kiniongoli, na akauyanisi kwa wakulima, na akabiti ku ndima wungi. Leka pala lukumbi lwa fipambiko lukawandamili, akatumiti wawanda mundu kwa wakulima wala, kuyupa fipambiko fyake. Leka wakulima wakawakamwili wawanda mundu, yumonga wakantowiti, yungi wakankomiti, na yungi wakantumalili maganga. Kawili akatumiti wawanda wangi wakulutila wala wakutumbula: na wakawakitili wiwilawila. Leka panyuma pake akatumiti kwawe mwana mundu, kujowa, Yawanginike mwanangu. Koma wakulima wala, apa wakambweni mwana mundu, wakajowini yungi ni njini, Uyu yuyu wakuyingila lipwela; tiwuke, tinkome, na tikamule lipwela lyake. Na apa wakankamwili, wakantagiti kunja kwa ngunda wa mipelesa, na wakankomiti. Mumu pala bambo wa ngunda wa mipelesa yayiche, yawakitile kiki wakulima wala? Wanjowela, Wawifu muwifu yawayanange, leka ngunda wula yauyanise kwa wakulima wangi, wala nawombe yawankilawusile fipambiko pa lukumbi lwake. Yesu awajowela, Nukusoma lepa ati mwenga pa malembo,
Liganga lila wakalikaniti wakujenga nyumba,
Lilila likapatiti kuya mutu wa kindusula:
Iki kikayili kuhumila pa Bambo,
Leka kiyii kya kuganaganisa pa miho gitu?
Ndawa iyi niwajowela, Utwa wa Mulungu yauyupike pa mwenga, na yaupelewe kwa mhuku wakupambika fipambiko fyake. Leka uyu agwa pa liganga ili yaakaywiki ngani: koma uyu yalingwile yalinsiagile ngani. Na makasisi makulungu na waFarisayo pala wakayufwini ngongo syake, wakawalalili kukita awajowa wombe. Na pala walondaga kunkamula, wakayogwipi mapuga, ndawa wakambalingi ngati wakulweta.

கேளுங்கள் Mattayo 21