If you would like a copy of this version please contact info@davaraudiobibles.org

Sagalla New Testament © Bible Society of Kenya. Sagalla New Testament Audio Bible ℗ 2022, Davar Partners International.

Sagalla New Testament

<div class="version vid3618 iso6393tga" data-vid="3618" data-iso6393="tga">
 <div class="book bkJHN">
 <div class="chapter ch6" data-usfm="JHN.6">
 <div class="label">6</div><div class="s">Jesu kulyisa walume elfu sanu</div><div class="r">(Matayo 14:13-21; Marko 6:30-44; Luka 9:10-17)</div><div class="p"> 1Nao nyuma ya agha, Jesu kawambuka chambuko cha bahari ya Galilaya, iito bahari ya Tiberia, 2Na makoghano wakamwirima kwa kukala weonile wana mwakilimbita awadeile wa kuboesa wakongo. 3Jesu kajoka mughondini, na kakala kitembo ngila mojori na wairimi wake. 4Nayo karamu ya Wayahudi ya Pasaka yeluo avui. 5Jesu alola na kuona wandu wengi wekemjila, kamuza Filipo, &#8220;Tighulagha hiyo mikate eri awa wandu walye.&#8221; 6Agha weghorire kemtima, kwani omanyile agha edeagha. 7Filipo kamtumbulila, &#8220;Hata ikaghulo mikate ya pesa ziitogho dinari maghana maili siidimagha kukata kila mundu apate kachache.&#8221; 8Mwirimi wake mumoju, Andrea wakwawe Simoni Petro kamuza, 9&#8220;Kuwo na mwanake aha ewo na mikate misanu ya shairi na makumba maili; ela ivi ni kimuni kwa wandu wengi sa awa?&#8221; </div><div class="p"> 10Jesu kawauza, &#8220;Uzeni wandu wakale kitembo.&#8221; Na kwa kukala koluo na nyasi andu alye, walume wakakala kitembo; waketi elfu sanu. 11Nao Jesu kawata mikate, naye aghenda afunya asanta kwa Mlungu, kuwasarira wandu wekalile kitembo; kadea ukwenyi kwa makumba, kila mumoju selyi eshaile. 12Nao waghenda walya na kughuta, kawauza wairimi wake, &#8220;Showeni misusure yasigho, eri kindu chingi sichahaite.&#8221; 13Kwa hung'u wakashowa na kujuza vikapu ikumi na vili va misusure ya ilya mikate misanu ya shairi, yehangalo ni walye wandu wailyile. 14Nao wandu waghenda waona mwakilimbita adeile, wakaghamba, &#8220;Uyu fulo niye tondolo ekujagha urumenguni.&#8221; 15Naye kemanya kamba wanashaile kuja wamwate kwa ndighi wamdee mzuri; Jesu kauka alye kaghenda mughondini ekeng'weri.</div><div class="s">Jesu kughenda ighulu ya meji</div><div class="r">(Matayo 14:22-33; Marko 6:45-52)</div><div class="p"> 16Nao kufika nahafukeni, wairimi wake wakaghenda baharini, 17wakangila kele mashua na kudyowa kuwambuka bahari kughenda Kapernaumu. Na kiza chikakamba Jesu sebusile kwawe. 18Nao bahari ikanulonulo ni mbeo mbwaa yeluo ikekwita. 19Nawo waghenda kilomita sanu ango ndandatu, wakamwona Jesu keghenda ighulu ya bahari na keja kavui na mashua nawo wakangilo ni wogha, 20ela iye kawauza, &#8220;Nimi mwenyi simwaoghe.&#8221; 21Nawo wakamhokera kwa kuboelo kele mashua, na iyo ngelo yenyi mashua ikafika kele isanga ilyi weluo wekeghenda.</div><div class="s">Wandu kumhada Jesu</div><div class="p"> 22Nao ikesho lyake walye wandu wehangalike chambuko chilya cha bahari wakamanya kamba koluo na mashua mojori alye, na Jesu sangilile kele mashua iyo ngila mojori na wairimi wake, ela wairimi wake wanaghendile wenyi. 23Nao mashua nzima kufuma Tiberia zikeja hata avui na alye andu walyile mikate Bwana ailombelele. 24Nawo wandu waghenda waona Jesu seo ango wairimi wake, wakajoka mashua wakaghenda Kapernaumu wekemhada Jesu.</div><div class="s">Jesu ni mkate ghwa umana</div><div class="p"> 25Nao waghenda wamdoka chambuko chilya cha bahari, wakamuza, &#8220;Rabi wanajile nini aha?&#8221; 26Jesu kawatumbulila, &#8220;Fulo namuza, mwanihada si kwa kukala mwanaonile mwakilimbita, ela ni kwa kukala mwanalyile mikate mukaghuta. 27Simwachideile kazi chakulya chihakilikagha, ela chakulya chikalagha hata umana ghwa kale na kale, icho Mwana wa Mdamu emuhawagha; kwani niye Mlungu Aba amudumusa.&#8221; 28Nawo wakamuza, &#8220;Tideagha ije eri tidee kazi za Mlungu?&#8221; 29Jesu kawatumbulila, &#8220;Iyi niyo kazi ya Mlungu, mumudumuse uyu amtumile.&#8221;</div><div class="p"> 30Nao wakamuza, &#8220;Ndamu ni mwakilimbita muni udeagha eri tikudumuse? Ni kazi muni udeagha? 31Wana ake welyile mana kireti, selyi iwandiko, &#8216;Kawahawa mkate ghwelya kufuma mlunguni.&#8217;&#8221; 32Nao Jesu kawauza, &#8220;Fulo namuza, si Musa ungi amuhawile mkate kufuma mlunguni, Aba niye amhawa mkate ghwa fulo kufuma mlunguni. 33Kwani mkate ghwa Mlungu ni ughu ghuselelagha kufuma mlunguni, na kughuhawa urumengu umana.&#8221; 34Nawo wakamuza, &#8220;Bwana, tihawe ughu mkate ngelo zose.&#8221;</div><div class="p"> 35Jesu kawauza, &#8220;Imi nigho mkate ghwa umana, naye eja kwangu seshahogho ni njala, na uyu anidumusa sekauwagha lyingi. 36Ela nemuzile kukala, mwananionile na mkalegha kunidumusa. 37Awo wose anihawa Aba wekujagha kwangu; naye uwo wose ekujagha kwangu, simugusagha anduangi; 38kwani nanajikile kufuma mlunguni, si kudea mashayo ghangu kungi, ela mashayo gha uyu anitumile. 39Nagho agha nigho mashayo gha uyu anitumile, kamba salaghaze icho chose anihawile, ela nichizuse ijua lya kudua mbali. 40Kwani agha nigho mashayo gha Aba, kamba kila emonagha Mwana na kumudumusa apate umana ghwa kale na kale, nemi nijemzusa ijua lya kudua mbali.&#8221;</div><div class="p"> 41Nao Wayahudi wakamuzughunikila kwa kukala oghorire &#8220;Imi nigho mkate ghuselele kufuma mlunguni.&#8221; 42Wakaghamba, &#8220;Ado uyu si Jesu mwana wa Josefu? Tanawaweni tatie na mee putu. Ndamu ughoragha ije kamba, &#8216;Nanajikile kufuma mlunguni?&#8217;&#8221; 43Jesu kawatumbulila &#8220;Simwazughunuke inyo wenyi. 44Sikwesi mundungi edimagha kuja kwangu, ikakala serutiro ni Aba uyu anitumile; nemi nijemzusa ijua lya kudua mbali. 45Yanawandiko ni wana tondolo kamba: &#8216;Nawo wose wejefundiso ni Mlungu.&#8217; Kila mundu emusikilagha Aba na kukufundisa kufuma kwake, wanakujagha kwangu. 46Si kughamba kamba mundungi wanamwonile Aba, sala uyu afumile kwa Mlungu niye amwonile Aba. 47Fulo namuza, uyu edumusagha, uwo na umana ghwa kale na kale. 48Imi nimi mkate ghwa umana. 49Wana akeo wanalyile mana kireti nawo wakafwa. 50Ughu nigho mkate ghujikagha kufuma mlunguni; eri mundu eghulyighagha safwe. 51Imi nimi mkate ghwa umana ughu ghuselele kufuma mlunguni; ilyi mundungi alya mkate ughu ukala mana kwa kale na kale, na mkate ughu nifunyagha kwa undu ghwa urumengu ni muli ghwangu.&#8221;</div><div class="p"> 52Nao Wayahudi wakadea nganyi wenyi na wenyi wekeghamba, &#8220;Udimagha ije uyu mundu kutihawa muli ghwake tighulye?&#8221; 53Nao Jesu kawauza, &#8220;Fulo namuza, Ilyi mwalegha kulya muli ghwa Mwana wa Mdamu na kunwa bighati yake, simuo na umana amweni kwenyu; 54uwo wose elyigha muli ghwangu na kunwa bighati yangu uwo na umana, nemi nijemzusa ijua lya kudua mbali. 55Kwani muli ghwangu ni chakulya cha fulo, na bighati yangu ni chenwa cha fulo. 56Uwo wose elyighagha muli ghwangu na enweghagha bighati yangu, wanakalagha amweni kwangu, nemi nanakalagha amweni kwake. 57Selyi kwenyi Aba anitumile ewo moyo; namose nio moyo kwa undu ghwa Aba, ni hung'u kwenyi na uyu enilyighagha ujekala moyo kwa undu ghwangu. 58Ughu nigho mkate ghuselele kufuma mlunguni, si sa ghulya wana akeo walyile wakafwa, ela uyu elyighagha mkate ughu ukalagha moyo kwa kale na kale.&#8221; 59Jesu oghorire malagho agha ilyi eluo kefundisa kele Sinagogi alye Kapernaumu.</div><div class="s">Ghore za umana ghwa kale na kale</div><div class="p"> 60Nao wairimi wake wengi waghenda wasikila wakaghora, &#8220;Ghore izi zanakulile, nani edimagha kuzisikila?&#8221;</div><div class="p"> 61Naye Jesu kamanya ngoloni kwake kamba wairimi wake wanung'unikila agha, kawauza, &#8220;Ije mwashiniso ni agha? 62Ndamu ikalagha ije ilyi mwamona Mwana wa Mdamu kejoka andu afumile? 63Roho niyo ihawagha umana; muli sighuwesi ndighi. Malagho namughorera ni Roho na umana. 64Ela kuo wamoju wenyu siwedumusagha.&#8221; Kwani Jesu omanyile kufuma kudyowa ni weo siwedumusagha na nani emfunyagha. 65Naye kawauza, &#8220;Ichi nicho chausa cha kumuza kamba mundungi sekujagha kwangu sedimiso ni Aba.&#8221;</div><div class="p"> 66Nao kwa undu ughu wairimi wake wengi wakauya na nyuma kuirimana naye. 67Jesu kawauza walye wairimi ikumi na waili, &#8220;Ado nanyose mwanashaile kughenda?&#8221; 68Simoni Petro kamtumbulila, &#8220;Bwana, timughendele ani? Tamanya uwo na malagho gheo na umana ghwa kale na kale. 69Nesi tadumusa na tamanya kamba uwe nuwe Mweli afumile kwa Mlungu.&#8221; 70Jesu kawatumbulila, &#8220;Ado simusaghule wairimi ikumi na waili? Na mumoju wenyu ni Shetani?&#8221; 71Naye oluo keghora ighulu ya Juda mwana wa Simoni Iskariote, uyu eluo mumoju wa wairimi ikumi na waili, eluo umfunyagha.</div>
 </div>
 </div>
</div>

Nao nyuma ya agha, Jesu kawambuka chambuko cha bahari ya Galilaya, iito bahari ya Tiberia, Na makoghano wakamwirima kwa kukala weonile wana mwakilimbita awadeile wa kuboesa wakongo. Jesu kajoka mughondini, na kakala kitembo ngila mojori na wairimi wake. Nayo karamu ya Wayahudi ya Pasaka yeluo avui. Jesu alola na kuona wandu wengi wekemjila, kamuza Filipo, “Tighulagha hiyo mikate eri awa wandu walye.” Agha weghorire kemtima, kwani omanyile agha edeagha. Filipo kamtumbulila, “Hata ikaghulo mikate ya pesa ziitogho dinari maghana maili siidimagha kukata kila mundu apate kachache.” Mwirimi wake mumoju, Andrea wakwawe Simoni Petro kamuza, “Kuwo na mwanake aha ewo na mikate misanu ya shairi na makumba maili; ela ivi ni kimuni kwa wandu wengi sa awa?”
Jesu kawauza, “Uzeni wandu wakale kitembo.” Na kwa kukala koluo na nyasi andu alye, walume wakakala kitembo; waketi elfu sanu. Nao Jesu kawata mikate, naye aghenda afunya asanta kwa Mlungu, kuwasarira wandu wekalile kitembo; kadea ukwenyi kwa makumba, kila mumoju selyi eshaile. Nao waghenda walya na kughuta, kawauza wairimi wake, “Showeni misusure yasigho, eri kindu chingi sichahaite.” Kwa hung'u wakashowa na kujuza vikapu ikumi na vili va misusure ya ilya mikate misanu ya shairi, yehangalo ni walye wandu wailyile. Nao wandu waghenda waona mwakilimbita adeile, wakaghamba, “Uyu fulo niye tondolo ekujagha urumenguni.” Naye kemanya kamba wanashaile kuja wamwate kwa ndighi wamdee mzuri; Jesu kauka alye kaghenda mughondini ekeng'weri.


Nao kufika nahafukeni, wairimi wake wakaghenda baharini, wakangila kele mashua na kudyowa kuwambuka bahari kughenda Kapernaumu. Na kiza chikakamba Jesu sebusile kwawe. Nao bahari ikanulonulo ni mbeo mbwaa yeluo ikekwita. Nawo waghenda kilomita sanu ango ndandatu, wakamwona Jesu keghenda ighulu ya bahari na keja kavui na mashua nawo wakangilo ni wogha, ela iye kawauza, “Nimi mwenyi simwaoghe.” Nawo wakamhokera kwa kuboelo kele mashua, na iyo ngelo yenyi mashua ikafika kele isanga ilyi weluo wekeghenda.

Nao ikesho lyake walye wandu wehangalike chambuko chilya cha bahari wakamanya kamba koluo na mashua mojori alye, na Jesu sangilile kele mashua iyo ngila mojori na wairimi wake, ela wairimi wake wanaghendile wenyi. Nao mashua nzima kufuma Tiberia zikeja hata avui na alye andu walyile mikate Bwana ailombelele. Nawo wandu waghenda waona Jesu seo ango wairimi wake, wakajoka mashua wakaghenda Kapernaumu wekemhada Jesu.

Nao waghenda wamdoka chambuko chilya cha bahari, wakamuza, “Rabi wanajile nini aha?” Jesu kawatumbulila, “Fulo namuza, mwanihada si kwa kukala mwanaonile mwakilimbita, ela ni kwa kukala mwanalyile mikate mukaghuta. Simwachideile kazi chakulya chihakilikagha, ela chakulya chikalagha hata umana ghwa kale na kale, icho Mwana wa Mdamu emuhawagha; kwani niye Mlungu Aba amudumusa.” Nawo wakamuza, “Tideagha ije eri tidee kazi za Mlungu?” Jesu kawatumbulila, “Iyi niyo kazi ya Mlungu, mumudumuse uyu amtumile.”
Nao wakamuza, “Ndamu ni mwakilimbita muni udeagha eri tikudumuse? Ni kazi muni udeagha? Wana ake welyile mana kireti, selyi iwandiko, ‘Kawahawa mkate ghwelya kufuma mlunguni.’” Nao Jesu kawauza, “Fulo namuza, si Musa ungi amuhawile mkate kufuma mlunguni, Aba niye amhawa mkate ghwa fulo kufuma mlunguni. Kwani mkate ghwa Mlungu ni ughu ghuselelagha kufuma mlunguni, na kughuhawa urumengu umana.” Nawo wakamuza, “Bwana, tihawe ughu mkate ngelo zose.”
Jesu kawauza, “Imi nigho mkate ghwa umana, naye eja kwangu seshahogho ni njala, na uyu anidumusa sekauwagha lyingi. Ela nemuzile kukala, mwananionile na mkalegha kunidumusa. Awo wose anihawa Aba wekujagha kwangu; naye uwo wose ekujagha kwangu, simugusagha anduangi; kwani nanajikile kufuma mlunguni, si kudea mashayo ghangu kungi, ela mashayo gha uyu anitumile. Nagho agha nigho mashayo gha uyu anitumile, kamba salaghaze icho chose anihawile, ela nichizuse ijua lya kudua mbali. Kwani agha nigho mashayo gha Aba, kamba kila emonagha Mwana na kumudumusa apate umana ghwa kale na kale, nemi nijemzusa ijua lya kudua mbali.”
Nao Wayahudi wakamuzughunikila kwa kukala oghorire “Imi nigho mkate ghuselele kufuma mlunguni.” Wakaghamba, “Ado uyu si Jesu mwana wa Josefu? Tanawaweni tatie na mee putu. Ndamu ughoragha ije kamba, ‘Nanajikile kufuma mlunguni?’” Jesu kawatumbulila “Simwazughunuke inyo wenyi. Sikwesi mundungi edimagha kuja kwangu, ikakala serutiro ni Aba uyu anitumile; nemi nijemzusa ijua lya kudua mbali. Yanawandiko ni wana tondolo kamba: ‘Nawo wose wejefundiso ni Mlungu.’ Kila mundu emusikilagha Aba na kukufundisa kufuma kwake, wanakujagha kwangu. Si kughamba kamba mundungi wanamwonile Aba, sala uyu afumile kwa Mlungu niye amwonile Aba. Fulo namuza, uyu edumusagha, uwo na umana ghwa kale na kale. Imi nimi mkate ghwa umana. Wana akeo wanalyile mana kireti nawo wakafwa. Ughu nigho mkate ghujikagha kufuma mlunguni; eri mundu eghulyighagha safwe. Imi nimi mkate ghwa umana ughu ghuselele kufuma mlunguni; ilyi mundungi alya mkate ughu ukala mana kwa kale na kale, na mkate ughu nifunyagha kwa undu ghwa urumengu ni muli ghwangu.”
Nao Wayahudi wakadea nganyi wenyi na wenyi wekeghamba, “Udimagha ije uyu mundu kutihawa muli ghwake tighulye?” Nao Jesu kawauza, “Fulo namuza, Ilyi mwalegha kulya muli ghwa Mwana wa Mdamu na kunwa bighati yake, simuo na umana amweni kwenyu; uwo wose elyigha muli ghwangu na kunwa bighati yangu uwo na umana, nemi nijemzusa ijua lya kudua mbali. Kwani muli ghwangu ni chakulya cha fulo, na bighati yangu ni chenwa cha fulo. Uwo wose elyighagha muli ghwangu na enweghagha bighati yangu, wanakalagha amweni kwangu, nemi nanakalagha amweni kwake. Selyi kwenyi Aba anitumile ewo moyo; namose nio moyo kwa undu ghwa Aba, ni hung'u kwenyi na uyu enilyighagha ujekala moyo kwa undu ghwangu. Ughu nigho mkate ghuselele kufuma mlunguni, si sa ghulya wana akeo walyile wakafwa, ela uyu elyighagha mkate ughu ukalagha moyo kwa kale na kale.” Jesu oghorire malagho agha ilyi eluo kefundisa kele Sinagogi alye Kapernaumu.

Nao wairimi wake wengi waghenda wasikila wakaghora, “Ghore izi zanakulile, nani edimagha kuzisikila?”
Naye Jesu kamanya ngoloni kwake kamba wairimi wake wanung'unikila agha, kawauza, “Ije mwashiniso ni agha? Ndamu ikalagha ije ilyi mwamona Mwana wa Mdamu kejoka andu afumile? Roho niyo ihawagha umana; muli sighuwesi ndighi. Malagho namughorera ni Roho na umana. Ela kuo wamoju wenyu siwedumusagha.” Kwani Jesu omanyile kufuma kudyowa ni weo siwedumusagha na nani emfunyagha. Naye kawauza, “Ichi nicho chausa cha kumuza kamba mundungi sekujagha kwangu sedimiso ni Aba.”
Nao kwa undu ughu wairimi wake wengi wakauya na nyuma kuirimana naye. Jesu kawauza walye wairimi ikumi na waili, “Ado nanyose mwanashaile kughenda?” Simoni Petro kamtumbulila, “Bwana, timughendele ani? Tamanya uwo na malagho gheo na umana ghwa kale na kale. Nesi tadumusa na tamanya kamba uwe nuwe Mweli afumile kwa Mlungu.” Jesu kawatumbulila, “Ado simusaghule wairimi ikumi na waili? Na mumoju wenyu ni Shetani?” Naye oluo keghora ighulu ya Juda mwana wa Simoni Iskariote, uyu eluo mumoju wa wairimi ikumi na waili, eluo umfunyagha.

கேளுங்கள் Johana 6