Chin, Hakha - 2005 Edition (NT) Non-Drama

Chin, Hakha - 2005 Edition (Non-Drama NT)

Chin, Hakha - 2005 Edition (NT)

<div class="version vid327 iso6393cnh" data-vid="327" data-iso6393="cnh">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="s">Tidil Pawngah Mipa A Damter</div><div class="p"> 1Cu hnuah cun Jerusalem khua ah Judah mi biaknak puai pakhat a um i cu ah cun Jesuh cu a hung kal. 2Tuu Kutka timi pawngah khan tidil pakhat a um i a kam ah cun deu deu nga an um. Cu tidil cu Hebru holh cun Beth-zatha an ti. 3Cu deu chungah cun mizaw cu an ril liangluang ko, a cheu cu mitcaw an si, a cheu cu kebei an si, a cheu cu mizeng an si. (4A zei maw caan ah Bawipa vancungmi kha a vung &#7789;um tawn i ti cu a vung cangh tawn. Ti a cangh tikah aa paih hmasa bik paoh cu an zawtnak khan an dam tawn, cucaah cun cu mizaw hna cu ti cangh cu an hngak ko.) 5Cuka ah cun mipa pakhat, a zawtnak kum sawm thum le kum riat a si cangmi a um. 6Cuka i a rilh ko cu Jesuh nih khan a hmuh i kha can riamruam a zawtnak a si cang kha a hngalh caah amah cu, &#8220;Dam na duh maw?&#8221; tiah a hal.</div><div class="p"> 7Mizaw pa nih cun, &#8220;Bawipa, ti a hung cangh tikah kei cu tili chungah paihtu ka ngei lo i vung luh kaa timh paoh ah khan pakhat khat nih an ka chawhkanh zungzal,&#8221; tiah a leh.</div><div class="p"> 8Jesuh nih cun a thawh i, &#8220;Tho tuah, na ihphah kha i lak law kal tuah,&#8221; tiah a ti. 9Chikkhatte ah mipa cu a dam i a ihphah cu a lak i a kal.</div><div class="p"> 10Cu ni cu Sabbath ni a si ngelcel. Cucaah Judah upa hna nih khan damnak a hmu mipa cu an thawh i, &#8220;Nihin cu Sabbath ni a si i na ihphah i put cu kan Phung nih aan onh lo,&#8221; tiah an ti. #Neh 13.19; Jer 17.21</div><div class="p"> 11Anih nih, &#8220;A ka damtertu nih pei, &#8216;Na ihphah kha i put law kal,&#8217; a ka ti cu,&#8221; tiah a leh hna.</div><div class="p"> 12Annih nih, &#8220;Na ihphah i put law kal aan titu cu ahodah a si?&#8221; tiah an ti.</div><div class="p"> 13Sihmanhsehlaw damnak a hmu mipa nih khan aho a si kha a hngal lo, zeicah ti ahcun cuka ah cun mi tampi an i pum i Jesuh cu a rak i zuk diam cang.</div><div class="p"> 14A hnuah khin Jesuh nih cu pa cu biakinn ah khan a hmuh i, &#8220;Zohhmanh, atu cu na dam cang. Na sualnak kha ngol hna, cu lo ahcun hi nak &#7789;halo deuh nih an tlak sual lai,&#8221; tiah a ti.</div><div class="p"> 15Cu tikah mipa cu a va kal i a damtertu kha Jesuh a si tiah Judah upa kha a va chimh hna. 16Damnak kha Sabbath ni ah a tuah caah Jesuh nih cun Judah mi cu an thin a phawh hna i amah kha ral hram an thawk. 17Jesuh nih cun annih cu a thawh hna i, &#8220;Ka Pa cu rian a &#7789;uan zungzal i cucaah kei zong nih ka &#7789;uan ve awk a si,&#8221; tiah a ti.</div><div class="p"> 18Cu a chimmi ruangah cun Judah upa pawl cu amah thah kha a duhter chinchin hna; Sabbath ni a buar lawng kha si loin Pathian cu ka Pa tiah a kawh caah khan, Pathian tluk ah aa ser tiah an ti.</div><div class="s">Fapa Nawl Ngeihnak</div><div class="p"> 19Cucaah Jesuh nih annih cu a leh hna i, &#8220;Biatak kan chimh hna: Fapa nih hin keimah nawl lawngin zeihmanh ka tuahmi a um lo; ka Pa nih a tuahmi ka hmuhmi lawng kha ka tuah hna. Ka Pa nih a tuahmi cu Fapa zong nih ka tuah ve hna. #Dan 12.2 20Zeicahtiah ka Pa nih khan a ka dawt i a tuahmi vialte kha Fapa hi a ka hmuhsak dih. Hi nakin a ngan deuhmi hmanh hi tuah awkah a ka hmuhsak lai i nan khuaruah a har lai. 21Ka Pa nih mithi kha a thawhter hna i a nunter hna bantukin, Fapa zong nih hin ka duhmi paoh kha ka nunter ve hna lai. 22Cun ka Pa nih hin ahohmanh hi amah lawngin bia a ceih hna lo, a Fapa tu hi biaceihnak nawl tling kha a ka pek, 23cucaah mi vialte nih ka Pa cu an upat bantukin Fapa zong hi an ka upat ve lai. Fapa a ka upat lomi paoh nih cun a ka thlahtu ka Pa an upat lo kha a si.</div><div class="p"> 24&#8220;Biatak kan chimh hna: ka bia a thei i a ka thlahtu kha a zummi paoh cu zungzal nunnak a ngei. Amah cu biaceihnak a ing lai lo, sihmanhsehlaw thihnak in nunnak ah a lan cang. 25Biatak kan chimh hna: Mithi nih Pathian Fapa aw an theih i a thimi paoh an nun lainak caan kha a ra lio i a phan cang. 26Ka Pa hrimhrim cu nunnak hram a si bantukin a Fapa hi nunnak hram ah a ka ser cang. 27Cun a Fapa kha Mi Fapa ka si caah biaceihnak nawl kha a ka pek. 28Hi kongah hin lau hlah u; thlan chung i a ummi mithi vialte nih a aw an theih lai caan kha a ra lio, 29cun an thlan khan an chuak lai i &#7789;hatnak a tuahmi kha an tho lai i an nung lai; &#7789;hat lonak a tuahmi kha an tho ve lai i sualphawt an si lai,&#8221; tiah a ti.</div><div class="p"> 30&#8220;Keimah lawngin zeihmanh ka tuah kho lo; Pathian nih a ka chimhmi ning lawngin bia ka ceih hna; keimah nih ka duhmi kha si loin a ka thlahtu nih a duhmi kha tuah kaa zuam caah ka biakhiahnak cu ahmaanmi a si.</div><div class="p"> 31&#8220;Keimah nih keimah kong kha kaa chim a si ahcun ka chimmi cu ahmaan taktak ti awk a si hnga lo. 32Sihmanhsehlaw keimah kong chimtu hi midang pakhat a um i keimah kong a chimmi kha ahmaan tiah ka hngalh. 33Nannih nih lamkaltu kha Johan sinah khan nan hei thlah hna i biatak kha a rak chimh hna. #Jhn 1.19-27; 3.27-30 34Hiti ka timi hi minung tehte khaanpiak kha ka herh caah a si lo, sihmanhsehlaw khamh nan si nakhnga ca tu ah a si. 35Johan cu meiinn bantuk a si; a alh i a ceu i caan khatte cu a ceunak nih cun nan tha an nuamter hna. 36Sihmanhsehlaw kaa bochanmi cu Johan nih tehte a khaanmi nakkhan a ngan deuhmi a si; cucu ka &#7789;uanmi rian, ka Pa nih &#7789;uan awkah a ka pekmi rian hna hi an si. 37Cun a ka thlahtu ka Pa zong nih cun keimah kong ah hin tehte a khaan ve. A aw kha nan thei bal lo, a hmai zong nan hmu bal lo, #Mat 3.17; Mar 1.11; Luk 3.22 38cun a bia zong nan lung chungah nan i ken lo; cucu zeicahdah a si ti ahcun a thlahmi kha nan zumh lo caah a si. 39Cathiang chung kha &#7789;ha tein nan kawl, cu nan kawl cu, Cathiang chungah cun zungzal nunnak kan hmuh hmanh hnga maw tiah ruahnak nan ngeih caah a si; asinain Cathiang nih an dihlak in an chimmi cu, keimah kong a si ko. 40Sihmanhsehlaw nunnak ngeih awkah keimah sin rat tu cu nan duh lo.</div><div class="p"> 41&#8220;Mi sinin thang&#7789;hatnak hmuh ding kha ka kawl lo. 42Sihmanhsehlaw nannih cu kan hngalh ko hna; nan lung chungin Pathian nan daw lo ti kha ka hngalh ko. 43Ka Pa nawl in a rami ka si, sihmanhsehlaw nan ka cohlang lo; midang pakhatkhat amah nawl in a rat tikah nan rak cohlan te ko &#7789;ung lai. 44Nannih cu pakhat nih pakhat sinin thang&#7789;hatnak hmuh nan duh, asinain Pathian sinin thang&#7789;hatnak hmuh cu nan i zuam lo; cucaah cun zeitindah zumhnak cu nan ngeih khawh bal hnga. 45A Pa sinah taza a kan cuai lai tiah ka ruat hlah u. Moses hi pei taza an cuaitu hna ding cu a si cu &#8212; nan i bochanmi Moses hi. 46Moses kha rak zum taktak u law cu, keimah hi nan ka zumh ko hnga, zeicahtiah amah nih keimah kong hi pei a rak &#7789;ial cu. 47Sihmanhsehlaw a &#7789;ialmi cu nan zumh lo caah, zeitindah ka chimmi cu nan zumh khawh fom hnga,&#8221; tiah a ti.</div>
 </div>
 </div>
</div>

Cu hnuah cun Jerusalem khua ah Judah mi biaknak puai pakhat a um i cu ah cun Jesuh cu a hung kal. Tuu Kutka timi pawngah khan tidil pakhat a um i a kam ah cun deu deu nga an um. Cu tidil cu Hebru holh cun Beth-zatha an ti. Cu deu chungah cun mizaw cu an ril liangluang ko, a cheu cu mitcaw an si, a cheu cu kebei an si, a cheu cu mizeng an si. (A zei maw caan ah Bawipa vancungmi kha a vung ṭum tawn i ti cu a vung cangh tawn. Ti a cangh tikah aa paih hmasa bik paoh cu an zawtnak khan an dam tawn, cucaah cun cu mizaw hna cu ti cangh cu an hngak ko.) Cuka ah cun mipa pakhat, a zawtnak kum sawm thum le kum riat a si cangmi a um. Cuka i a rilh ko cu Jesuh nih khan a hmuh i kha can riamruam a zawtnak a si cang kha a hngalh caah amah cu, “Dam na duh maw?” tiah a hal.
Mizaw pa nih cun, “Bawipa, ti a hung cangh tikah kei cu tili chungah paihtu ka ngei lo i vung luh kaa timh paoh ah khan pakhat khat nih an ka chawhkanh zungzal,” tiah a leh.
Jesuh nih cun a thawh i, “Tho tuah, na ihphah kha i lak law kal tuah,” tiah a ti. Chikkhatte ah mipa cu a dam i a ihphah cu a lak i a kal.
Cu ni cu Sabbath ni a si ngelcel. Cucaah Judah upa hna nih khan damnak a hmu mipa cu an thawh i, “Nihin cu Sabbath ni a si i na ihphah i put cu kan Phung nih aan onh lo,” tiah an ti.
Anih nih, “A ka damtertu nih pei, ‘Na ihphah kha i put law kal,’ a ka ti cu,” tiah a leh hna.
Annih nih, “Na ihphah i put law kal aan titu cu ahodah a si?” tiah an ti.
Sihmanhsehlaw damnak a hmu mipa nih khan aho a si kha a hngal lo, zeicah ti ahcun cuka ah cun mi tampi an i pum i Jesuh cu a rak i zuk diam cang.
A hnuah khin Jesuh nih cu pa cu biakinn ah khan a hmuh i, “Zohhmanh, atu cu na dam cang. Na sualnak kha ngol hna, cu lo ahcun hi nak ṭhalo deuh nih an tlak sual lai,” tiah a ti.
Cu tikah mipa cu a va kal i a damtertu kha Jesuh a si tiah Judah upa kha a va chimh hna. Damnak kha Sabbath ni ah a tuah caah Jesuh nih cun Judah mi cu an thin a phawh hna i amah kha ral hram an thawk. Jesuh nih cun annih cu a thawh hna i, “Ka Pa cu rian a ṭuan zungzal i cucaah kei zong nih ka ṭuan ve awk a si,” tiah a ti.
Cu a chimmi ruangah cun Judah upa pawl cu amah thah kha a duhter chinchin hna; Sabbath ni a buar lawng kha si loin Pathian cu ka Pa tiah a kawh caah khan, Pathian tluk ah aa ser tiah an ti.

Cucaah Jesuh nih annih cu a leh hna i, “Biatak kan chimh hna: Fapa nih hin keimah nawl lawngin zeihmanh ka tuahmi a um lo; ka Pa nih a tuahmi ka hmuhmi lawng kha ka tuah hna. Ka Pa nih a tuahmi cu Fapa zong nih ka tuah ve hna. Zeicahtiah ka Pa nih khan a ka dawt i a tuahmi vialte kha Fapa hi a ka hmuhsak dih. Hi nakin a ngan deuhmi hmanh hi tuah awkah a ka hmuhsak lai i nan khuaruah a har lai. Ka Pa nih mithi kha a thawhter hna i a nunter hna bantukin, Fapa zong nih hin ka duhmi paoh kha ka nunter ve hna lai. Cun ka Pa nih hin ahohmanh hi amah lawngin bia a ceih hna lo, a Fapa tu hi biaceihnak nawl tling kha a ka pek, cucaah mi vialte nih ka Pa cu an upat bantukin Fapa zong hi an ka upat ve lai. Fapa a ka upat lomi paoh nih cun a ka thlahtu ka Pa an upat lo kha a si.
“Biatak kan chimh hna: ka bia a thei i a ka thlahtu kha a zummi paoh cu zungzal nunnak a ngei. Amah cu biaceihnak a ing lai lo, sihmanhsehlaw thihnak in nunnak ah a lan cang. Biatak kan chimh hna: Mithi nih Pathian Fapa aw an theih i a thimi paoh an nun lainak caan kha a ra lio i a phan cang. Ka Pa hrimhrim cu nunnak hram a si bantukin a Fapa hi nunnak hram ah a ka ser cang. Cun a Fapa kha Mi Fapa ka si caah biaceihnak nawl kha a ka pek. Hi kongah hin lau hlah u; thlan chung i a ummi mithi vialte nih a aw an theih lai caan kha a ra lio, cun an thlan khan an chuak lai i ṭhatnak a tuahmi kha an tho lai i an nung lai; ṭhat lonak a tuahmi kha an tho ve lai i sualphawt an si lai,” tiah a ti.
“Keimah lawngin zeihmanh ka tuah kho lo; Pathian nih a ka chimhmi ning lawngin bia ka ceih hna; keimah nih ka duhmi kha si loin a ka thlahtu nih a duhmi kha tuah kaa zuam caah ka biakhiahnak cu ahmaanmi a si.
“Keimah nih keimah kong kha kaa chim a si ahcun ka chimmi cu ahmaan taktak ti awk a si hnga lo. Sihmanhsehlaw keimah kong chimtu hi midang pakhat a um i keimah kong a chimmi kha ahmaan tiah ka hngalh. Nannih nih lamkaltu kha Johan sinah khan nan hei thlah hna i biatak kha a rak chimh hna. Hiti ka timi hi minung tehte khaanpiak kha ka herh caah a si lo, sihmanhsehlaw khamh nan si nakhnga ca tu ah a si. Johan cu meiinn bantuk a si; a alh i a ceu i caan khatte cu a ceunak nih cun nan tha an nuamter hna. Sihmanhsehlaw kaa bochanmi cu Johan nih tehte a khaanmi nakkhan a ngan deuhmi a si; cucu ka ṭuanmi rian, ka Pa nih ṭuan awkah a ka pekmi rian hna hi an si. Cun a ka thlahtu ka Pa zong nih cun keimah kong ah hin tehte a khaan ve. A aw kha nan thei bal lo, a hmai zong nan hmu bal lo, cun a bia zong nan lung chungah nan i ken lo; cucu zeicahdah a si ti ahcun a thlahmi kha nan zumh lo caah a si. Cathiang chung kha ṭha tein nan kawl, cu nan kawl cu, Cathiang chungah cun zungzal nunnak kan hmuh hmanh hnga maw tiah ruahnak nan ngeih caah a si; asinain Cathiang nih an dihlak in an chimmi cu, keimah kong a si ko. Sihmanhsehlaw nunnak ngeih awkah keimah sin rat tu cu nan duh lo.
“Mi sinin thangṭhatnak hmuh ding kha ka kawl lo. Sihmanhsehlaw nannih cu kan hngalh ko hna; nan lung chungin Pathian nan daw lo ti kha ka hngalh ko. Ka Pa nawl in a rami ka si, sihmanhsehlaw nan ka cohlang lo; midang pakhatkhat amah nawl in a rat tikah nan rak cohlan te ko ṭung lai. Nannih cu pakhat nih pakhat sinin thangṭhatnak hmuh nan duh, asinain Pathian sinin thangṭhatnak hmuh cu nan i zuam lo; cucaah cun zeitindah zumhnak cu nan ngeih khawh bal hnga. A Pa sinah taza a kan cuai lai tiah ka ruat hlah u. Moses hi pei taza an cuaitu hna ding cu a si cu — nan i bochanmi Moses hi. Moses kha rak zum taktak u law cu, keimah hi nan ka zumh ko hnga, zeicahtiah amah nih keimah kong hi pei a rak ṭial cu. Sihmanhsehlaw a ṭialmi cu nan zumh lo caah, zeitindah ka chimmi cu nan zumh khawh fom hnga,” tiah a ti.

கேளுங்கள் JOHAN 5