Logooli - 2008 KENBS (NT) Drama

<div class="version vid2888 iso6393rag" data-vid="2888" data-iso6393="rag">
 <div class="book bkJHN">
 <div class="chapter ch7" data-usfm="JHN.7">
 <div class="label">7</div><div class="p"> 1Inyima wa yaga, Yeso yaali nagendagendaa mu Galilaya. Si yenya kuzia mu kivala chi Vuyuda kigira avanene va Avayuda venya kumwita. 2Lisavo lia Avayuda lie Vidioli liali niliveeye ahimbi kuduuka. 3Kunangwa avamwavo Yeso vamuvolera, &#8220;Tula hano uzie Ivuyuda, kunangwa aviigi vovo vaduuki kolola miyinzi jo okolaa. 4Kigira sihaveeyeho nu mundu uvisaa iviakolaa niiva yenya amanyikane ligali na vandu. Niiva okolaa ivindu yivi wimanyie ivi umwene ku avumukivala.&#8221; 5Kali avamwavo veve sivamusuuviraa mba!</div><div class="p"> 6Kunangwa, Yeso yavavolera, &#8220;Ing'inga yange ikikiri kuduuka. Navuzwa ku munyi ing'inga yinyu eveeye ho kazozo. 7Avandu vu mu kivala sivanyala kuva ni kivuni chu kusuura nu kudunyira munyi mba, navuzwa vandunyiraa kigira mbavooleraa havulavu ndi miyinzi jaavo ni midamanu. 8Munyi muzie mu lilia yilio aveene. Inzi sindazia mu mba, kigira ing'inga yange ikikiri kuduuka.&#8221; 9Yavoola yaga ma natigala mu Galilaya.</div><div class="s">Yeso mu Lisavo lie Vidioli</div><div class="p"> 10Navuzwa inyima wa avamwavo veve vaali nivakamara kuzia mu lisavo, Yeso naye yazia, navuzwa si yazia havulavu mba, nitali mu vwivisu. 11Avanene va Avayuda vaali nivamwenyaa mu lisavo yilio, kandi vateva; &#8220;Aveeye hayi?&#8221;</div><div class="p"> 12Liali ho ni limonya linyingi kuye mu kiduma cha avandu. Valala kuvo vavoola, &#8220;Aveeye mundu mulahi.&#8221; Avandi vavoola, &#8220;Awa! Agotizaa avandu.&#8221; 13Kali ndio avuli ho nu mundu wageriza komoloma amakuva geege havulavu kigira vaatia avanene va Avayuda.</div><div class="p"> 14Navuzwa lwi lisavo yilio liaduuka hagati, Yeso yazia mu Litembeli, natanga kwigiza. 15Kunangwa, avanene va Avayuda vagenya ligali, nivavoora, &#8220;Mundu uyu anyoora hayi vogeri, naye siyasooma mba?&#8221;</div><div class="p"> 16Kunangwa Yeso yavativulira, &#8220;Amigizu ga mwigizaa sigaveeye agange, navuzwa aga uyu wanduma. 17Niiva mundu ayaanza kokora yaga aga Nyasaye yenya, alamanya niiva amigizu gange gaturaa ku Nyasaye, anoho inzi mwene nzevoolaa vuzwa ku vunyali vwange. 18Oyo wevoolera ku vunyali vwivwe mwene yeyenyera uvukumi vwivwe mwene; navuzwa uyu uwenyaa uvukumi vwa oyo wamutuma, aveeye wiligali, na muye siaveeye nuvugadi vwosi mba. 19Musa si yamuha Lilaga? Kali ndio sihaveeye ho kali nu mundu mulala ku munyi olondaa Lilaga. Kigira ki mwenya kunzita?&#8221;</div><div class="p"> 20Avandu yavo vaamutivulira, &#8220; Oveeye nilidemoni! Nivwaha wenyaa kukwita?&#8221;</div><div class="p"> 21Yeso yavativulira, &#8220;Koveeye ho ni kelolekizu kilala cha ndaakola na mwosi mugenyaa kucho. 22Musa yamuha mwima gwe kekevo. Sigaveeye mwima gwene yigwo gwatura ku Musa, navuzwa gwatura ku avaguuga vinyu. Kalunu munyi mukevaa mundu ku lidiku lie Lisabato. 23Niiva, mundu akevwa ku lidiku lie Lisabato, ku Lilaga lia Musa livuli kuvunagwa, kigira ki mudunyiraa lwa mbonyia mundu ku lidiku lie Lisabato? 24Muleke kukalagira avandu kolondekana ni liloleka lie ichova, navuzwa mukalage likalaga lia muloraa ndi liveeye lia agiligali.&#8221;</div><div class="s">Yeso aveeye Mesia?</div><div class="p"> 25Valala ku avandu va Jerusalemi vavoola, &#8220;Uyu siaveeye mundu wa avanene va Avayuda venya kwita? 26Nguyu aveeye hano amolomaa nuvuluviliri kuvambakanyia havulavu; navuzwa si va muvooleraa kindu mba. Ganyala kuva ndi, avanene yava vamanyi ligali uyu niyie Mesia? 27Lwa Mesia aliiza sihaveeyeho nu mundu ulimanya havundu hatulaa mba, navuzwa kunyi kwosi kumanyi wu mundu uyu atulaa!&#8221;</div><div class="p"> 28Lwa Yeso yaali ni yigiza mu Litembeli, yahanzuka navoora, &#8220;Mwamanya inzi ligali kandi na aha nduraa? Inzi sindaaza ku vunyali vwange mwene mba. Navuzwa oyo uwanduma aveeye wi ligali. Munyi si mu mumanyi mba, 29navuzwa inzi mumanyi vulahi kigira ndaatula kuye, naye niyie uwanduma.&#8221;</div><div class="p"> 30Kunangwa, avandu vageriza kumugumira, navuzwa siyaali ho nu mundu wageriza kuhila makono kumugumira, kigira ing'inga yeeye yaali nikikiri kuduuka mba. 31Navuzwa avanyingi mu kiduma vamusuuvira, nivavoora, &#8220;Lwa Mesia aliiza, alakakole vilolekizu vinyingi kuvita viu mundu uyu amali kokora?&#8221;</div><div class="s">Avasikari vaatumwa kugumira Yeso</div><div class="p"> 32Avafarisayo vahulira avandu nivamonya Yeso. Kunangwa, Avafarisayo harara na avasaalisi vanene vatuma avasikari kumugumira. 33Yeso yavoola, &#8220;Ngikiri nimunyi ku ing'inga engekeeke, ma nzirane ku oyo uwanduma. 34Mulakanyenye, navuzwa simulakanyoole mba. Kigira aha inzi ndiva, munyi si munyala kuduuka ho mba.&#8221;</div><div class="p"> 35Avanene va Avayuda vavolerana aveene naveene, &#8220;Mundu uyu aveeye ahimbi kuzia hayi aha kulivula kumunyoola? Anyala kuzia ku Avayuda vasalana hagati ha Avaguriki, yigizi Avaguriki? 36Avoora ki lwa vola, &#8216;Mulakanyenye, navuzwa simulakanyoole mba, na aha ndiva munyi si munyala kuduuka ho mba?&#8217; &#8221;</div><div class="s">Migera ja mazi gahaanaa livamwoyo</div><div class="p"> 37Ku lidiku liu kumaliriza nalio ni lidiku linene lie lisavo. Lidiku yilio Yeso yasingira navoora nu mwoyo munene, &#8220;Oveeye nuvuluhu yaaze ku inzi nainzi ndamuha ichukunwa. 38Kuli Mang'oda Matakatifu gavoora, &#8216;Ku vosi usuviraa inzi, migera jaamazi gahaanaa livamwoyo, tulasinuka muye kutura mu mwoyo mwimwe!&#8217; &#8221; 39Yeso yavoola yaga ku Roho wa yavo avamusuuvira valinyoola. Ing'inga yeyo Roho yaali nakikiri kuhaanwa, kigira Yeso yaali nakikiri kohevwa uvukumi.</div><div class="s">Liavukana hagati ha avandu kigira Yeso</div><div class="p"> 40Lwa valala ku avandu mu kiduma vahulira amakuva yaga, vavoola, &#8220;Ligali mundu uyu niyie muporofeti zana!&#8221;</div><div class="p"> 41Navuzwa avandi vavoola, &#8220;Uyu niyie Mesia!&#8221;</div><div class="p">Navuzwa avandi vavoola, &#8220;Mesia sialatula Galilaya? 42Amang'oda Matakatifu gavoora ndi? Sigavoola, Mesia alatula mukisukululwi cha Daudi, na alivulwa mu Bezelehemu, lidaala lia Daudi!&#8221; 43Kunangwa gaaliho lihangalizana mu kiduma. 44Valala ku avandu yavo venya kovoha Yeso, navuzwa sihaaliho nu mundu waluvilira kudiira mukono kuye mba.</div><div class="s">Livula kusuuvira lia avanene va Avayuda</div><div class="p"> 45Kunangwa avasikari virana ku avasaalisi vanene na Avafarisayo; navo vavateeva, &#8220;Kigira ki muvuli kumuleeta?&#8221;</div><div class="p"> 46Avasikari vaativura, &#8220;Sihaveeye ho nu mundu uwa moloma kuli musaza uyu amolomaa mba!&#8221;</div><div class="p"> 47Avafarisayo vavateeva, &#8220;Munyi kandi mumali kusiluhalizwa? 48Mwalora ku mulala ku avanene va avandu, anoho ku Avafarisayo ni vasuuviyi muye? 49Nitali kiduma yiki kitamanyi Lilaga lia Musa Nyasaye umali kukilaama!&#8221;</div><div class="p"> 50Mulala ku Avafarisayo yavo yaali Nikodemo, uwaazia ku Yeso vudiku maziambiri. Yavolera avandi, 51&#8220; Kolondekana ni Lilaga lietu sikunyala kukalagira mundu vudamanu imbiri wa kukiri kumuhuliriza kandi kumanyiriza icha mali kokora mba.&#8221;</div><div class="p"> 52Navo vaamutivulira, &#8220;Vulahi, ivi kandi uturaa Galilaya? Henzeriza mu Mang'oda Matakatifu na ulalola ndi muporofeti siatulaaku mu Galilaya mba. Galilaya sialatula mu muporofeti mba.&#8221;</div><div class="s">Mukali wagumirwa naaheyaa</div><div class="p"> 53Kunangwa vosi vazia sa mulala yengo weve.</div>
 </div>
 </div>
</div>

Inyima wa yaga, Yeso yaali nagendagendaa mu Galilaya. Si yenya kuzia mu kivala chi Vuyuda kigira avanene va Avayuda venya kumwita. Lisavo lia Avayuda lie Vidioli liali niliveeye ahimbi kuduuka. Kunangwa avamwavo Yeso vamuvolera, “Tula hano uzie Ivuyuda, kunangwa aviigi vovo vaduuki kolola miyinzi jo okolaa. Kigira sihaveeyeho nu mundu uvisaa iviakolaa niiva yenya amanyikane ligali na vandu. Niiva okolaa ivindu yivi wimanyie ivi umwene ku avumukivala.” Kali avamwavo veve sivamusuuviraa mba!
Kunangwa, Yeso yavavolera, “Ing'inga yange ikikiri kuduuka. Navuzwa ku munyi ing'inga yinyu eveeye ho kazozo. Avandu vu mu kivala sivanyala kuva ni kivuni chu kusuura nu kudunyira munyi mba, navuzwa vandunyiraa kigira mbavooleraa havulavu ndi miyinzi jaavo ni midamanu. Munyi muzie mu lilia yilio aveene. Inzi sindazia mu mba, kigira ing'inga yange ikikiri kuduuka.” Yavoola yaga ma natigala mu Galilaya.

Navuzwa inyima wa avamwavo veve vaali nivakamara kuzia mu lisavo, Yeso naye yazia, navuzwa si yazia havulavu mba, nitali mu vwivisu. Avanene va Avayuda vaali nivamwenyaa mu lisavo yilio, kandi vateva; “Aveeye hayi?”
Liali ho ni limonya linyingi kuye mu kiduma cha avandu. Valala kuvo vavoola, “Aveeye mundu mulahi.” Avandi vavoola, “Awa! Agotizaa avandu.” Kali ndio avuli ho nu mundu wageriza komoloma amakuva geege havulavu kigira vaatia avanene va Avayuda.
Navuzwa lwi lisavo yilio liaduuka hagati, Yeso yazia mu Litembeli, natanga kwigiza. Kunangwa, avanene va Avayuda vagenya ligali, nivavoora, “Mundu uyu anyoora hayi vogeri, naye siyasooma mba?”
Kunangwa Yeso yavativulira, “Amigizu ga mwigizaa sigaveeye agange, navuzwa aga uyu wanduma. Niiva mundu ayaanza kokora yaga aga Nyasaye yenya, alamanya niiva amigizu gange gaturaa ku Nyasaye, anoho inzi mwene nzevoolaa vuzwa ku vunyali vwange. Oyo wevoolera ku vunyali vwivwe mwene yeyenyera uvukumi vwivwe mwene; navuzwa uyu uwenyaa uvukumi vwa oyo wamutuma, aveeye wiligali, na muye siaveeye nuvugadi vwosi mba. Musa si yamuha Lilaga? Kali ndio sihaveeye ho kali nu mundu mulala ku munyi olondaa Lilaga. Kigira ki mwenya kunzita?”
Avandu yavo vaamutivulira, “ Oveeye nilidemoni! Nivwaha wenyaa kukwita?”
Yeso yavativulira, “Koveeye ho ni kelolekizu kilala cha ndaakola na mwosi mugenyaa kucho. Musa yamuha mwima gwe kekevo. Sigaveeye mwima gwene yigwo gwatura ku Musa, navuzwa gwatura ku avaguuga vinyu. Kalunu munyi mukevaa mundu ku lidiku lie Lisabato. Niiva, mundu akevwa ku lidiku lie Lisabato, ku Lilaga lia Musa livuli kuvunagwa, kigira ki mudunyiraa lwa mbonyia mundu ku lidiku lie Lisabato? Muleke kukalagira avandu kolondekana ni liloleka lie ichova, navuzwa mukalage likalaga lia muloraa ndi liveeye lia agiligali.”

Valala ku avandu va Jerusalemi vavoola, “Uyu siaveeye mundu wa avanene va Avayuda venya kwita? Nguyu aveeye hano amolomaa nuvuluviliri kuvambakanyia havulavu; navuzwa si va muvooleraa kindu mba. Ganyala kuva ndi, avanene yava vamanyi ligali uyu niyie Mesia? Lwa Mesia aliiza sihaveeyeho nu mundu ulimanya havundu hatulaa mba, navuzwa kunyi kwosi kumanyi wu mundu uyu atulaa!”
Lwa Yeso yaali ni yigiza mu Litembeli, yahanzuka navoora, “Mwamanya inzi ligali kandi na aha nduraa? Inzi sindaaza ku vunyali vwange mwene mba. Navuzwa oyo uwanduma aveeye wi ligali. Munyi si mu mumanyi mba, navuzwa inzi mumanyi vulahi kigira ndaatula kuye, naye niyie uwanduma.”
Kunangwa, avandu vageriza kumugumira, navuzwa siyaali ho nu mundu wageriza kuhila makono kumugumira, kigira ing'inga yeeye yaali nikikiri kuduuka mba. Navuzwa avanyingi mu kiduma vamusuuvira, nivavoora, “Lwa Mesia aliiza, alakakole vilolekizu vinyingi kuvita viu mundu uyu amali kokora?”

Avafarisayo vahulira avandu nivamonya Yeso. Kunangwa, Avafarisayo harara na avasaalisi vanene vatuma avasikari kumugumira. Yeso yavoola, “Ngikiri nimunyi ku ing'inga engekeeke, ma nzirane ku oyo uwanduma. Mulakanyenye, navuzwa simulakanyoole mba. Kigira aha inzi ndiva, munyi si munyala kuduuka ho mba.”
Avanene va Avayuda vavolerana aveene naveene, “Mundu uyu aveeye ahimbi kuzia hayi aha kulivula kumunyoola? Anyala kuzia ku Avayuda vasalana hagati ha Avaguriki, yigizi Avaguriki? Avoora ki lwa vola, ‘Mulakanyenye, navuzwa simulakanyoole mba, na aha ndiva munyi si munyala kuduuka ho mba?’ ”

Ku lidiku liu kumaliriza nalio ni lidiku linene lie lisavo. Lidiku yilio Yeso yasingira navoora nu mwoyo munene, “Oveeye nuvuluhu yaaze ku inzi nainzi ndamuha ichukunwa. Kuli Mang'oda Matakatifu gavoora, ‘Ku vosi usuviraa inzi, migera jaamazi gahaanaa livamwoyo, tulasinuka muye kutura mu mwoyo mwimwe!’ ” Yeso yavoola yaga ku Roho wa yavo avamusuuvira valinyoola. Ing'inga yeyo Roho yaali nakikiri kuhaanwa, kigira Yeso yaali nakikiri kohevwa uvukumi.

Lwa valala ku avandu mu kiduma vahulira amakuva yaga, vavoola, “Ligali mundu uyu niyie muporofeti zana!”
Navuzwa avandi vavoola, “Uyu niyie Mesia!”
Navuzwa avandi vavoola, “Mesia sialatula Galilaya? Amang'oda Matakatifu gavoora ndi? Sigavoola, Mesia alatula mukisukululwi cha Daudi, na alivulwa mu Bezelehemu, lidaala lia Daudi!” Kunangwa gaaliho lihangalizana mu kiduma. Valala ku avandu yavo venya kovoha Yeso, navuzwa sihaaliho nu mundu waluvilira kudiira mukono kuye mba.

Kunangwa avasikari virana ku avasaalisi vanene na Avafarisayo; navo vavateeva, “Kigira ki muvuli kumuleeta?”
Avasikari vaativura, “Sihaveeye ho nu mundu uwa moloma kuli musaza uyu amolomaa mba!”
Avafarisayo vavateeva, “Munyi kandi mumali kusiluhalizwa? Mwalora ku mulala ku avanene va avandu, anoho ku Avafarisayo ni vasuuviyi muye? Nitali kiduma yiki kitamanyi Lilaga lia Musa Nyasaye umali kukilaama!”
Mulala ku Avafarisayo yavo yaali Nikodemo, uwaazia ku Yeso vudiku maziambiri. Yavolera avandi, “ Kolondekana ni Lilaga lietu sikunyala kukalagira mundu vudamanu imbiri wa kukiri kumuhuliriza kandi kumanyiriza icha mali kokora mba.”
Navo vaamutivulira, “Vulahi, ivi kandi uturaa Galilaya? Henzeriza mu Mang'oda Matakatifu na ulalola ndi muporofeti siatulaaku mu Galilaya mba. Galilaya sialatula mu muporofeti mba.”

Kunangwa vosi vazia sa mulala yengo weve.

கேளுங்கள் YOHANA 7