<div class="version vid2486 iso6393zom" data-vid="2486" data-iso6393="zom">
 <div class="book bkGEN">
 <div class="chapter ch13" data-usfm="GEN.13">
 <div class="label">13</div><div class="s1">Abram le Lot Kikhen</div><div class="p"> 1Tuaci&#8217;n Abram in a zi, a neisa zosie, le Lot tawh, Egypt panin Negeb gam lam a zuonto hi.</div><div class="p"> 2Tu-in Abram in ganhing, ngun, le kham a hau mama hi. 3Negeb gam panin Bethel le Ai khuo kikala a puonbuh a lamcilna mun le, 4a maitam bawl masahna mun dongah ama pei a, khum munah Abram in Topa kungah thu a ngen hi. 5Abram tawh a zawhton ahi Lot in zong tuuhon, ganhon, le puonbuhte a hau ta a, 6tuaci&#8217;n a ni gela a tenton thei nadingin leitang in ama gel a va zo nawn sih hi; azieh pen ama gel&#8217; neisa tam sengin a tengton thei ta sih gel hi, 7tuale Abram&#8217; gancingte le Lot&#8217; gancingte kikalah kihauna a om ta hi. Tua gamah khum hunin Canaan-te le Perez-te a teng uhi.</div><div class="p"> 8Tua ciengin Abram in Lot kungah, &#8220;Kei le nang kikal, na gancingte le ka gancingte kikalah kihauna kici omsah sih vai; bangzieh ahei cile ei tegel pen sanggam khat i hibo hi. 9Na mai-ah gam buppi om hi lo amah? Keima kung panin kikhen khie ta&#8217;n. Nang veilama na pei leh, kei zietlamah ka pei ding hi; nang zietlama na pei leh kei veilamah ka pei ding hi,&#8221; a ci hi. 10Lot in a kim a pam en a, tuale Jordan zanglei mun zosie in tui limtahin nga-in Topa&#8217; um tawh hitale, Zoar lama Egypt leitang tawh hitale kibang hi, ci-in a mu hi. Tam pen Topa in Sodom le Gomorrah a suhsiet masang ahi hi.#Pien 2:10 11Tuaci&#8217;n Lot in ama adingin Jordan zanglei zosie teel a, nisuona lam zuonin Lot a zin hi. Ama gel tam bangin khatlekhat a kikhen uhi. 12Zanglei-a khuopite lahah Lot tengin Sodom dongah a puonbuhte khinin a om laitahin, Canaan gamah Abram a teng hi. 13Tua laitahin Sodom mite pen migilo ahi vua, Topa tunga mawna lien bawlte ahi uhi.</div><div class="p"> 14Lot tawh ama a kikhen zaw ciengin Topa in Abram kungah, &#8220;Tu-in na opna panin leilu lam, leitaw lam, nisuona lam, le nitumna lam ento in; 15azieh pen na mu gam zosie nang le na suonlehlahte#13:15 Heb &#8220;cihlah&#8221; kang pie peisuoh ding hi.#Sawl 7:5 16Keima in na suonlehlahte, leitung leivui za-in tampi ka phasah ding hi; tuaci&#8217;n mi khat in leitunga leivui a sim thei leh na suonlehlahte zong kisim thei ding hi. 17Ding inlen, leitang a dung a vai kantanin pei in. Azieh pen nang tungah tua gam kang pie ding hi,&#8221; a ci hi. 18Tuaci&#8217;n a puonbuh tuo-in Abram pei a, Hebron gamsung, Mamre gangpi singte#13:18 Ahi sihle &#8220;tawsaw singte&#8221; lahah a teng hi; ama in khum munah Topa adingin maitam khat a lam hi.</div>
 </div>
 </div>
</div>

Zo Bible © Bible Society of Myanmar, 2018.

Tuaci’n Abram in a zi, a neisa zosie, le Lot tawh, Egypt panin Negeb gam lam a zuonto hi.
Tu-in Abram in ganhing, ngun, le kham a hau mama hi. Negeb gam panin Bethel le Ai khuo kikala a puonbuh a lamcilna mun le, a maitam bawl masahna mun dongah ama pei a, khum munah Abram in TOPA kungah thu a ngen hi. Abram tawh a zawhton ahi Lot in zong tuuhon, ganhon, le puonbuhte a hau ta a, tuaci’n a ni gela a tenton thei nadingin leitang in ama gel a va zo nawn sih hi; azieh pen ama gel’ neisa tam sengin a tengton thei ta sih gel hi, tuale Abram’ gancingte le Lot’ gancingte kikalah kihauna a om ta hi. Tua gamah khum hunin Canaan-te le Perez-te a teng uhi.
Tua ciengin Abram in Lot kungah, “Kei le nang kikal, na gancingte le ka gancingte kikalah kihauna kici omsah sih vai; bangzieh ahei cile ei tegel pen sanggam khat i hibo hi. Na mai-ah gam buppi om hi lo amah? Keima kung panin kikhen khie ta’n. Nang veilama na pei leh, kei zietlamah ka pei ding hi; nang zietlama na pei leh kei veilamah ka pei ding hi,” a ci hi. Lot in a kim a pam en a, tuale Jordan zanglei mun zosie in tui limtahin nga-in TOPA’ um tawh hitale, Zoar lama Egypt leitang tawh hitale kibang hi, ci-in a mu hi. Tam pen TOPA in Sodom le Gomorrah a suhsiet masang ahi hi. Tuaci’n Lot in ama adingin Jordan zanglei zosie teel a, nisuona lam zuonin Lot a zin hi. Ama gel tam bangin khatlekhat a kikhen uhi. Zanglei-a khuopite lahah Lot tengin Sodom dongah a puonbuhte khinin a om laitahin, Canaan gamah Abram a teng hi. Tua laitahin Sodom mite pen migilo ahi vua, TOPA tunga mawna lien bawlte ahi uhi.
Lot tawh ama a kikhen zaw ciengin TOPA in Abram kungah, “Tu-in na opna panin leilu lam, leitaw lam, nisuona lam, le nitumna lam ento in; azieh pen na mu gam zosie nang le na suonlehlahte kang pie peisuoh ding hi. Keima in na suonlehlahte, leitung leivui za-in tampi ka phasah ding hi; tuaci’n mi khat in leitunga leivui a sim thei leh na suonlehlahte zong kisim thei ding hi. Ding inlen, leitang a dung a vai kantanin pei in. Azieh pen nang tungah tua gam kang pie ding hi,” a ci hi. Tuaci’n a puonbuh tuo-in Abram pei a, Hebron gamsung, Mamre gangpi singte lahah a teng hi; ama in khum munah TOPA adingin maitam khat a lam hi.

கேளுங்கள் PIENCILNA 13