<div class="version vid1340 iso6393mna" data-vid="1340" data-iso6393="mna">
 <div class="book bkGEN">
 <div class="chapter ch19" data-usfm="GEN.19">
 <div class="label">19</div><div class="s">Mbulu sanan&#331;ana kizin Sodom</div><div class="p"> 1A&#331;ela ru tana tipa ma tisula ma tipet kar Sodom pa rorou. Mi Lot, ni imbutultul su zaala kwoono. Ni ire ziru timar, to ima&#331;ga ma ila kizin, mi ilek kumbuunu mi ituundu su toono, mi iso: 2&#8220;O bibip tio, niomru kamar ma tala ruumu tio. Mi kuurpe ituyom, mi iti&#331;an tombot ma mankwoono, to kama&#331;ga ma kala.&#8221;</div><div class="p">Mi ziru tiso: &#8220;Som. Niamru amsombe amkeene mat.&#8221; 3Tamen Lot ima&#331;ma&#331; zin be tikeene mat pepe. Tabe ziru tile&#331; la kal&#331;aana mi tito i ma tila pa ruumu kini. Mi ni iurpe kan kini biibi mi narabu ta ka yis som&#331;ana i ma ziru tikan maki&#331;, to zi&#331;an timbotmbot.</div><div class="p"> 4Zin timbutultul ma timbotmbot, mi molo som na, tomooto ta boozomen ki Sodom, na&#331;ga&#331; mi kolman, timap ma timar tiliu ruumu ki Lot, 5mi tiboobo sala pini ma tiso: &#8220;Wal ru ta timar ku pa rorou na, tila parei? So pizin ma tipet mat, be ambuulu zin.&#8221;</div><div class="p"> 6-7To Lot ipera mat, mi ikotkaala kataama, mi iso pizin ma iso: &#8220;O ato&#331;an mi tizi&#331;an, kakam mbulu sanan&#331;ana pizin wal tai&#331;gi pepe. 8Kere, lutu&#331; moori bizin ru ta timbotmbot i, mi tomooto sa ire zin zen. Nio ko a&#331;kam zin ma tipet tiom. Mi niom so kakam mbulu parei&#331;ana pizin, ituyom tau. Tamen kumbuulu wal ru tai&#331;gi pepe. Pa ziru tiwe leembe pio, tana nio be moto&#331; pizin.&#8221;</div><div class="p"> 9Tamen zin iwal tima&#331;ga mi tiso: &#8220;La lem! Kar ku ti? Nu tana, asi&#331; iuru be we biibi mi mborro yam? Niam amsombe amkam mbulu sanan&#331;ana pa wal ru tana. Mi nu, nako ampasaana katu.&#8221; Tona tima&#331;ga na tipusuk Lot, mi tisombe tipetepaala kataama.</div><div class="p"> 10Tamen wal ru ta timbotmbot ruumu leleene na, tiyakat Lot ma ilela ruumu leleene, mi tikotkaala kataama. 11To tipumun zin wal ta timbotmbot mat na matan. Tabe tirao tindee&#331;e kataama som.</div><div class="s">Tikamke Lot pa Sodom</div><div class="p"> 12-13To ziru tisu mi tiso pa Lot: &#8220;Mbulu sanan&#331;ana &#331;onoono ki kar ti na, Merere ire kek. Mi ti&#331;iizi biibi kizin wal ta tikamam &#331;oobo zin na, ni ile&#331; tomini. Tana ni keteene malmal kat pizin, mi i&#331;go yam ma amar be ampambiriizi kar ti ma ila ne. Parei, nu lem wal pakan sa timbot kar ti? Kam lutum bizin, rwom bizin, mi wal ku pakan ta timbot kar ti, mi niom&#331;an kama&#331;ga ta buri mi koko ma kala leyom.&#8221; 14Tana Lot iloondo ma ila ki rwoono bizin ru ta tiroogo zin be tiwoolo ni lutuunu moori bizin na, mi iso pizin ma iso: &#8220;Ai, kar ti, i&#331;gi be Merere ipambiriizi i! Kama&#331;ga mi kezem kar ti ta buri.&#8221; Tamen ziru tiso Lot ikamam &#331;eu pizin.</div><div class="p"> 15Igarau be berek na, a&#331;ela ru tipiyar Lot. Tiso: &#8220;Lo&#331;a mi kam kusim mi lutum moori bizin ru tina, mi koko ma kala leyom. Pa i&#331;gi be Merere iur kadoono pa sanaana ki kar ti. Kokena ipasaana yom raama zin.&#8221;</div><div class="p"> 16Mi Lot, ni inaunau mete. Tamen Merere leleene isaana pini, tabe a&#331;ela ru titeege Lot zi&#331;an kusiini mi lutuunu moori bizin ru, mi tiyaaru zin ma tizem kar mi tipera mat. #2Pe 2:7-8 17To a&#331;ela ipiyar zin ma iso: &#8220;Kokoki ituyom mi koloondo karau ma kala! Mi motoyom imiili pepe. Kozo kezem lele keteene&#331;ana ti&#331;gi, mi koloondo ma kasala pa lele ta abalabal&#331;ana na. Naso kemeete som.&#8221;</div><div class="p"> 18Tamen Lot iso: &#8220;O biibi tio, nio a&#331;rao som. 19Nio a&#331;ute: Nu mu&#331;ai yo mi uulu yo kat, tabe a&#331;meete som i. Tamen lele abalabal&#331;ana na, imbot molo. A&#331;rao a&#331;sala lo&#331;a na som. Tana nu sombe pambiriizi kar, nako a&#331;meete ma a&#331;la le&#331; tomini. 20Re kar musaana ti&#331;ga. I&#331;ga imbot kolou&#331;ana. Tana irao be lo&#331;a a&#331;la ma a&#331;pet. Parei, ko irao a&#331;la ma a&#331;bot ti&#331;ga? Naso a&#331;bot ambai.&#8221;</div><div class="p"> 21A&#331;ela iso pini: &#8220;Ambai. Nio a&#331;yok pa sua ku. Tana ko a&#331;pasaana kar ti&#331;ga som. 22Tamen koloondo karau men! Pa nio ko irao a&#331;kam kosa sa som ma irao niom kala kepet kar ti&#331;ga.&#8221; Kar musaana tina, tipaata zaana be Zoar.</div><div class="s">Merere ipasaana Sodom mi Gomora</div><div class="p"> 23-24Lot ila ipet kar Zoar na, zo&#331; ise kek. To Merere ikam pat ta you ikanan la mi kuziini sanan&#331;an i ma isu pa saamba ma ipasaana Sodom mi Gomora. 25Ni ipambiriizi kar bibip tina, ramaki lele keteene&#331;ana, mi iwal boozomen ta timbotmbot lele tana, mi koro&#331; boozomen tau tindom pa toono tana. Ina ta timap ma you ikan zin lup.#Mt 11:23-24; 2Pe 2:6; Yud 7 26Mi Lot kusiini, ni mataana imiili, to itoori ma iwe pat, mi imender ma imborene. #Lu 17:32</div><div class="p"> 27-28Aigule tana, Abaraam ila ma imender sala lele mbukuunu ta mu&#331;gu ziru Merere timender pa na. Mi mataana isula pa Sodom ma Gomora mi lele keteene&#331;ana na, ire you ka koi biibi izuk lele kembei ta you biibi ikanan i.</div><div class="p"> 29Tana indee&#331;e ta Anutu ipasaana kar ta timbot lele keteene&#331;ana tana na, ni mataana i&#331;gal Abaraam, tabe ikamke Lot pa kar tana.</div><div class="s">Moap mi Amon un bizin</div><div class="p"> 30Lot, ni leleene be imbot kar Zoar ma molo som. Pa imoto kana. Tana zi&#331;an lutuunu moori bizin ru tima&#331;ga, mi tipa ma tisala pa lele abalabal&#331;ana, mi titu ma timbot lela ra&#331; sumbuunu.</div><div class="p"> 31Aigule ta na, lutuunu moori tau kolman&#331;ana i, isu mi iso pa tiziini moori ta kembei. Iso: &#8220;Re. Tamanda ra, iwe kolman kek. Mi tomooto sa imbot lele pakaana ti&#331;gi be iwoolo iti som. Tana ko parei piti? 32Kozo takam tamanda ka yok baen sa be iwin ma &#331;gar kini ikankaana, tonabe tarao tala kini ma iti&#331;an tekeene. Naso tepeebe lende kel&#331;anda.&#8221;</div><div class="p"> 33Tana mbe&#331; na, tikam taman ka yok baen ma iwin ma ikankaana. To moori ta kolman&#331;ana i ila ma ziru tamaana tikeene. Mi tamaana, ni ikanamaali som.</div><div class="p"> 34Aigule toro na, Lot lutuunu moori kolman&#331;ana i iso pa tiziini moori ma iso: &#8220;Nio niamru tamanda amkeene ta mbe&#331;i. Tana mbe&#331; koozi ko takam ka yok baen ma ikankaana mini, tonabe nu kadoono la kini mi niomru kekeene. Naso ituru takam lende kel&#331;anda ma tipet ila ki tamanda.&#8221;</div><div class="p"> 35Tana mbe&#331; na, ziru tikam taman ka yok baen ma ikankaana mini, tona lutuunu moori ta kaimer&#331;ana i, ila ma ziru tikeene. Mi ni tomini, tamaana ikanamaali som.</div><div class="p"> 36Zaala tina ta Lot lutuunu moori bizin ru kopon pa taman. 37Mi lutuunu moori ta kolman&#331;ana i ipeebe pikin tomooto ta, to ipaata zaana be Moap. Moap tana, ta popo&#331;ana kini tipet ma tipaata zin be Moap na. 38Mi lutuunu moori ta kaimer&#331;ana i ipeebe pikin tomooto ta tomini, to ipaata zaana be Ben-Ami. Ben-Ami tana, ta popo&#331;ana kini tipet ma tipaata zin be Amon na.</div>
 </div>
 </div>
</div>

Aŋela ru tana tipa ma tisula ma tipet kar Sodom pa rorou. Mi Lot, ni imbutultul su zaala kwoono. Ni ire ziru timar, to imaŋga ma ila kizin, mi ilek kumbuunu mi ituundu su toono, mi iso: “O bibip tio, niomru kamar ma tala ruumu tio. Mi kuurpe ituyom, mi itiŋan tombot ma mankwoono, to kamaŋga ma kala.”
Mi ziru tiso: “Som. Niamru amsombe amkeene mat.” Tamen Lot imaŋmaŋ zin be tikeene mat pepe. Tabe ziru tileŋ la kalŋaana mi tito i ma tila pa ruumu kini. Mi ni iurpe kan kini biibi mi narabu ta ka yis somŋana i ma ziru tikan makiŋ, to ziŋan timbotmbot.
Zin timbutultul ma timbotmbot, mi molo som na, tomooto ta boozomen ki Sodom, naŋgaŋ mi kolman, timap ma timar tiliu ruumu ki Lot, mi tiboobo sala pini ma tiso: “Wal ru ta timar ku pa rorou na, tila parei? So pizin ma tipet mat, be ambuulu zin.”
To Lot ipera mat, mi ikotkaala kataama, mi iso pizin ma iso: “O atoŋan mi tiziŋan, kakam mbulu sananŋana pizin wal taiŋgi pepe. Kere, lutuŋ moori bizin ru ta timbotmbot i, mi tomooto sa ire zin zen. Nio ko aŋkam zin ma tipet tiom. Mi niom so kakam mbulu pareiŋana pizin, ituyom tau. Tamen kumbuulu wal ru taiŋgi pepe. Pa ziru tiwe leembe pio, tana nio be motoŋ pizin.”
Tamen zin iwal timaŋga mi tiso: “La lem! Kar ku ti? Nu tana, asiŋ iuru be we biibi mi mborro yam? Niam amsombe amkam mbulu sananŋana pa wal ru tana. Mi nu, nako ampasaana katu.” Tona timaŋga na tipusuk Lot, mi tisombe tipetepaala kataama.
Tamen wal ru ta timbotmbot ruumu leleene na, tiyakat Lot ma ilela ruumu leleene, mi tikotkaala kataama. To tipumun zin wal ta timbotmbot mat na matan. Tabe tirao tindeeŋe kataama som.

To ziru tisu mi tiso pa Lot: “Mbulu sananŋana ŋonoono ki kar ti na, Merere ire kek. Mi tiŋiizi biibi kizin wal ta tikamam ŋoobo zin na, ni ileŋ tomini. Tana ni keteene malmal kat pizin, mi iŋgo yam ma amar be ampambiriizi kar ti ma ila ne. Parei, nu lem wal pakan sa timbot kar ti? Kam lutum bizin, rwom bizin, mi wal ku pakan ta timbot kar ti, mi niomŋan kamaŋga ta buri mi koko ma kala leyom.” Tana Lot iloondo ma ila ki rwoono bizin ru ta tiroogo zin be tiwoolo ni lutuunu moori bizin na, mi iso pizin ma iso: “Ai, kar ti, iŋgi be Merere ipambiriizi i! Kamaŋga mi kezem kar ti ta buri.” Tamen ziru tiso Lot ikamam ŋeu pizin.
Igarau be berek na, aŋela ru tipiyar Lot. Tiso: “Loŋa mi kam kusim mi lutum moori bizin ru tina, mi koko ma kala leyom. Pa iŋgi be Merere iur kadoono pa sanaana ki kar ti. Kokena ipasaana yom raama zin.”
Mi Lot, ni inaunau mete. Tamen Merere leleene isaana pini, tabe aŋela ru titeege Lot ziŋan kusiini mi lutuunu moori bizin ru, mi tiyaaru zin ma tizem kar mi tipera mat. To aŋela ipiyar zin ma iso: “Kokoki ituyom mi koloondo karau ma kala! Mi motoyom imiili pepe. Kozo kezem lele keteeneŋana tiŋgi, mi koloondo ma kasala pa lele ta abalabalŋana na. Naso kemeete som.”
Tamen Lot iso: “O biibi tio, nio aŋrao som. Nio aŋute: Nu muŋai yo mi uulu yo kat, tabe aŋmeete som i. Tamen lele abalabalŋana na, imbot molo. Aŋrao aŋsala loŋa na som. Tana nu sombe pambiriizi kar, nako aŋmeete ma aŋla leŋ tomini. Re kar musaana tiŋga. Iŋga imbot kolouŋana. Tana irao be loŋa aŋla ma aŋpet. Parei, ko irao aŋla ma aŋbot tiŋga? Naso aŋbot ambai.”
Aŋela iso pini: “Ambai. Nio aŋyok pa sua ku. Tana ko aŋpasaana kar tiŋga som. Tamen koloondo karau men! Pa nio ko irao aŋkam kosa sa som ma irao niom kala kepet kar tiŋga.” Kar musaana tina, tipaata zaana be Zoar.

Lot ila ipet kar Zoar na, zoŋ ise kek. To Merere ikam pat ta you ikanan la mi kuziini sananŋan i ma isu pa saamba ma ipasaana Sodom mi Gomora. Ni ipambiriizi kar bibip tina, ramaki lele keteeneŋana, mi iwal boozomen ta timbotmbot lele tana, mi koroŋ boozomen tau tindom pa toono tana. Ina ta timap ma you ikan zin lup. Mi Lot kusiini, ni mataana imiili, to itoori ma iwe pat, mi imender ma imborene.
Aigule tana, Abaraam ila ma imender sala lele mbukuunu ta muŋgu ziru Merere timender pa na. Mi mataana isula pa Sodom ma Gomora mi lele keteeneŋana na, ire you ka koi biibi izuk lele kembei ta you biibi ikanan i.
Tana indeeŋe ta Anutu ipasaana kar ta timbot lele keteeneŋana tana na, ni mataana iŋgal Abaraam, tabe ikamke Lot pa kar tana.

Lot, ni leleene be imbot kar Zoar ma molo som. Pa imoto kana. Tana ziŋan lutuunu moori bizin ru timaŋga, mi tipa ma tisala pa lele abalabalŋana, mi titu ma timbot lela raŋ sumbuunu.
Aigule ta na, lutuunu moori tau kolmanŋana i, isu mi iso pa tiziini moori ta kembei. Iso: “Re. Tamanda ra, iwe kolman kek. Mi tomooto sa imbot lele pakaana tiŋgi be iwoolo iti som. Tana ko parei piti? Kozo takam tamanda ka yok baen sa be iwin ma ŋgar kini ikankaana, tonabe tarao tala kini ma itiŋan tekeene. Naso tepeebe lende kelŋanda.”
Tana mbeŋ na, tikam taman ka yok baen ma iwin ma ikankaana. To moori ta kolmanŋana i ila ma ziru tamaana tikeene. Mi tamaana, ni ikanamaali som.
Aigule toro na, Lot lutuunu moori kolmanŋana i iso pa tiziini moori ma iso: “Nio niamru tamanda amkeene ta mbeŋi. Tana mbeŋ koozi ko takam ka yok baen ma ikankaana mini, tonabe nu kadoono la kini mi niomru kekeene. Naso ituru takam lende kelŋanda ma tipet ila ki tamanda.”
Tana mbeŋ na, ziru tikam taman ka yok baen ma ikankaana mini, tona lutuunu moori ta kaimerŋana i, ila ma ziru tikeene. Mi ni tomini, tamaana ikanamaali som.
Zaala tina ta Lot lutuunu moori bizin ru kopon pa taman. Mi lutuunu moori ta kolmanŋana i ipeebe pikin tomooto ta, to ipaata zaana be Moap. Moap tana, ta popoŋana kini tipet ma tipaata zin be Moap na. Mi lutuunu moori ta kaimerŋana i ipeebe pikin tomooto ta tomini, to ipaata zaana be Ben-Ami. Ben-Ami tana, ta popoŋana kini tipet ma tipaata zin be Amon na.

கேளுங்கள் Koroŋ Ta Boozomen Un 19