Ndagano mp'ya kwa wanth'u wose

<div class="version vid1043 iso6393ngp" data-vid="1043" data-iso6393="ngp">
 <div class="book bkJHN">
 <div class="chapter ch12" data-usfm="JHN.12">
 <div class="label">12</div><div class="s">Yesu agelwa mafuta ko mzi wa Besania</div><div class="r">Matayo 26:6-13; Maliko 14:3-9</div><div class="p"> 1Mazuwa sita kubula mwe zuwa dya Pasaka Yesu niyo aita Besania kaya kwa Lazalo yudya Yesu amuuyula kulawa kwe file. 2Niyo wamwambikila nk'hande ya nomsi, Masa niyo amdamanyila ndima. Lazalo na kanda yumwenga ya wadya wekale hamwenga na Yesu 3Niyo Maliamu aguha nusu lita ya mavuta ya mhemp'he, amhake mavuta ayo Yesu mwe viga, naho niyo amhangusa ne zifili zakwe. Niyo idya inyumba yose yanda na mhemp'he wedi. 4Yumwenga mwe wanamp'hina wa Yesu akwitangwa Yuda Isikaliyote, Yudya akuunga eze amsezenge niyo agamba, 5&#8220;Nii mavuta yano yedi yasekutagwa kwa matundu mengi naho niyo wenk'higwa want'hu haweena kint'hu?&#8221; 6Nakalonga ivi naho hiyo Kwaviya naakawaungisa want'hu haweena kint'hu, mna Kwaviya na kanda mbavi naho yehe niye naakatoza umkoba wandile na matundu.</div><div class="p"> 7Mna Yesu niyo alonga, &#8220;Mlekeni! Adamanya ivi kwa mbuli ye maziko yangu. 8Mazuwa yose mnanao want'hu haweena kint'hu mna homnde na miye mazuwa yose.&#8221;</div><div class="s">Lazalo azungulwa akomigwe</div><div class="p"> 9Wayahudi wengi niyo weva kugamba Yesu emwo mzi wa Besania niyo waita kudya andile naho hiyo Kwaviya Yesu na kanda kudya, mna uleke wakamkaule Lazalo, yudya Yesu amuuyule mwe file. 10Naho niyo wakulu wa walava nt'hambiko wazungula sila vileke wamkome Lazalo, 11Kwaviya mbuli idya neikatenda Wayahudi wengi kuwalemela woho nakumhuwila Yesu.</div><div class="s">Yesu engila Yelusalemu kwa kinyemi</div><div class="r">Matayo 21:1-11; Maliko 11:1-11; Luka 19:28-40</div><div class="p"> 12Zuwa dya kaidi want'hu wengi wezile mwe wila ye Pasaka niyo weva kugamba Yesu keza Yelusalemu. 13Niyo waguha matambi ye mitende nakugenda kumsingiila, kwa izwi nawakagamba, &#8220;Zumbe atogolwe, Mnungu amwink'he uvikilwa yudya akwiza kwa zina dya Zumbe, Mnungu amwink'he uvikilwa Zumbe we Izilaeli.&#8221;</div><div class="p"> 14Yesu niyo akwela mp'hunda enga viya iwandikwe, 15&#8220;Mzi wa Sayuni usekogoha Zumbe ywako eza akweile mwana mp'hunda.&#8221;</div><div class="p"> 16Wanamp'hina wakwe hawabunk'hule imbuli idya, mna Yesu eze atogolwe niyo wabunk'hula viya iwandikwe.</div><div class="p"> 17Want'hu wandile na Yesu hadya amwitange Lazalo kulawa mwe kikuta na kunda mgima niyo wasimwila viya vilaile. 18Ivo niivo valekaga want'hu wengi wakamwizila kwaviya na weva ivilagiso ve vihungi viya adamanye. 19Mafalisayo niyo wagambilana, &#8220;Kauleni ivo kikudunguga naho ulumwengu mgima wamtimila Yehe!&#8221;</div><div class="s">Wagiliki wamwenga waunga wamwone Yesu</div><div class="p"> 20Mwe wadya want'hu wezile Yelusalemu mwe zuwa dya kinyemi watuhu nawanda Wagiliki. 21Niyo waita kwa Filipo, mnt'hu wa Betisaida mwe isi ya Galilaya wamgamba, &#8220;Zumbe, chaunga kimwone Yesu.&#8221;</div><div class="p"> 22Filipo niyo agenda kumgambila Anduleya, wose waidi niyo waita wakumgambila Yesu. 23Yesu niyo awahitula, &#8220;Isa ibula Mwana wa Mnt'hu akuunga atogolwe. 24Nawagambilani ikindedi, mp'huluzi ye uhemba neisigale iivo imwenga hainahandigwe mwe ulongo niyo yafa. Uneva inabanika neyeleke mp'huluzi nyingi. 25Wadya wakuuunga wikazi wawe nawazaganye na wadya hewekuunga wikazi wawe mwe ino isi nawawiike kwa mbuli ya wikazi wa ulo na ulo. 26Yudya akuunga kunidamanyila ndima miye naanitongele Kwaviya hadya huunga ninde mtumwa ywangu naande naye aho. Naho yudya akuunga anidamanyile ndima Tate naamwink'he ukulu.&#8221;</div><div class="s">Yesu alonga mbuli ye file yakwe</div><div class="p"> 27&#8220;Haluse moyo wangu una kinyulu, haluse nigeeze? &#8216;Tate niyokole mwo lupisi ulu lukunizila.&#8217; Mna iyo nivo vilekile miye heza vileke nombokele mwo lupisi ulo lwa masulumizo. 28Tate, uketogole dizina dyako.&#8221;</div><div class="p">Niyo Izwi dyevika kulawa kwo ulanga, &#8220;Hiketogola kale naho neniketogole naho.&#8221;</div><div class="p"> 29Fyo dya want'hu wandile hadya niyo weva diya izwi, watuhu niyo walonga, &#8220;Neinda mtint'hilo naho watuhu niyo wagamba na kanda mtumigwa ywa kwe Mbingu alongile.&#8221;</div><div class="p"> 30Mna Yesu niyo awagambila, &#8220;Izwi idi hadivike kwa mbuli yangu miye mna kwa mbuli ya nyuwe. 31Naho uno nuwo umuda wa ino isi kusengelwa, naho Mwavu mkulu we isi ino, naadulwe. 32Umwo nnenulwa kulawa hasi, neniwaguhe want'hu wose kwangu.&#8221; 33Mwo kulonga ivi, naakalongela ifile yakwe.</div><div class="p"> 34Fyo dya want'hu niyo wamhitula, &#8220;Miko yakigambila Kilisito neekale mazuwa yose, nii weye naho wakigamba Mwana wa Mnt'hu neenulwe kulanga? Uyu Mwana ywo Mnt'hu ni yuhi?&#8221;</div><div class="p"> 35Yesu niyo awahitula, &#8220;Ung'azi nounde na nyuwe kwa mda mguhi, gendeleeni Kwaviya mna ung'azi, ziza dinase kuwahumani, kwaviya yudya akugenda mwe diziza hamanyize kudya akwiita. 36Kwaviya mnanao ung'azi uhuwileni, vileke mnde want'hu wo ung'azi. Yesu eze ajink'he kulonga ivi niyo ahalawa na kugenda kukefisa.&#8221;</div><div class="s">Want'hu waswesa kuhuwila</div><div class="p"> 37Hamwenga nakugamba Yesu nakadamanya vilagiso mwa meso yawe mna woho hawahuwile. 38Ivo niyo viya valongagwa ni Mlotezi Isaya vakelaviliza.</div><div class="q">&#8220;Zumbe, ni ani akuhuwila mbuli kikulonga?</div><div class="q">Ni kwa ani udahi wa Mnungu ukunga ukelavilize?&#8221;</div><div class="p"> 39Naho nawenda hawakuunga kuhuwila, Kwaviya Mlotezi Isaya nakalonga naho,</div><div class="q"> 40&#8220;Mnungu kawagela u nt'hunt'hu ameso yawe,</div><div class="q">hamwenga na kuitenda mioyo yawe inde midala,</div><div class="q">wanase wakanihitukila vileke niwahonye.</div><div class="q">Naho mioyo yawe inase ikakombaganya,</div><div class="q">wanase wakanihitukila,</div><div class="q">vileke miye niwahonye,&#8221;</div><div class="p"> 41Isaya nakalonga ivi Kwaviya nakauona ukulu wakwe Yesu na kuzilonga zimbuli zakwe.</div><div class="p"> 42Naho mwe wakulu we Wayahudi nomnda na watuhu wengi wandile wakamhuwila Yesu, mna kwa ajili ye Mafalisayo nawanda hawakulonga imbuli ino mwe kiyeti wanase wakaguluswa kulawa mwe nyumba ya Mnungu. 43Kwaviya nawakaungisa kwink'higwa ukulu na want'hu kujink'ha ikwink'higwa ukulu na Mnungu.</div><div class="s">Ulosi wa Yesu walava usengelo</div><div class="p"> 44Yesu niyo alonga kwa kubongeela, &#8220;Yudya akunihuwila miye hiyo anihuwila miye du, mna amhuwila na yudya aniletile. 45Yudya anione miye kamuwona hata yudya aniletile. 46Hiza mwe Isi ninde ung'azi vileke yudya akunihuwila miye asekwingila mwo lwiza. 47Yudya akwiva ulosi wangu niyo hakuutimila hikumsengela, miye hizile kwa mbuli ya kuwasengela want'hu wa isi mna kuwahonya. 48Wadya wakunilemela miye hamwenga na ulosi wangu eyuko yumwenga akuunga awasengele. Ulosi udya nilongile nuwo ukuunga uwasengele mwe dizuwa dya uheelo. 49Iki ni kindedi kwaviya hilongile kwa udahi wangu miye mwenye mna Tate yudya aniletile miye nie anisigiile yo kulonga. 50Naho himanya miko yakwe zenk'hiza ugima wa ulo na ulo, yadya nilongile ni yadya Tate akisigiile miye nilonge.&#8221;</div>
 </div>
 </div>
</div>

Mazuwa sita kubula mwe zuwa dya Pasaka Yesu niyo aita Besania kaya kwa Lazalo yudya Yesu amuuyula kulawa kwe file. Niyo wamwambikila nk'hande ya nomsi, Masa niyo amdamanyila ndima. Lazalo na kanda yumwenga ya wadya wekale hamwenga na Yesu Niyo Maliamu aguha nusu lita ya mavuta ya mhemp'he, amhake mavuta ayo Yesu mwe viga, naho niyo amhangusa ne zifili zakwe. Niyo idya inyumba yose yanda na mhemp'he wedi. Yumwenga mwe wanamp'hina wa Yesu akwitangwa Yuda Isikaliyote, Yudya akuunga eze amsezenge niyo agamba, “Nii mavuta yano yedi yasekutagwa kwa matundu mengi naho niyo wenk'higwa want'hu haweena kint'hu?” Nakalonga ivi naho hiyo Kwaviya naakawaungisa want'hu haweena kint'hu, mna Kwaviya na kanda mbavi naho yehe niye naakatoza umkoba wandile na matundu.
Mna Yesu niyo alonga, “Mlekeni! Adamanya ivi kwa mbuli ye maziko yangu. Mazuwa yose mnanao want'hu haweena kint'hu mna homnde na miye mazuwa yose.”

Wayahudi wengi niyo weva kugamba Yesu emwo mzi wa Besania niyo waita kudya andile naho hiyo Kwaviya Yesu na kanda kudya, mna uleke wakamkaule Lazalo, yudya Yesu amuuyule mwe file. Naho niyo wakulu wa walava nt'hambiko wazungula sila vileke wamkome Lazalo, Kwaviya mbuli idya neikatenda Wayahudi wengi kuwalemela woho nakumhuwila Yesu.


Zuwa dya kaidi want'hu wengi wezile mwe wila ye Pasaka niyo weva kugamba Yesu keza Yelusalemu. Niyo waguha matambi ye mitende nakugenda kumsingiila, kwa izwi nawakagamba, “Zumbe atogolwe, Mnungu amwink'he uvikilwa yudya akwiza kwa zina dya Zumbe, Mnungu amwink'he uvikilwa Zumbe we Izilaeli.”
Yesu niyo akwela mp'hunda enga viya iwandikwe, “Mzi wa Sayuni usekogoha Zumbe ywako eza akweile mwana mp'hunda.”
Wanamp'hina wakwe hawabunk'hule imbuli idya, mna Yesu eze atogolwe niyo wabunk'hula viya iwandikwe.
Want'hu wandile na Yesu hadya amwitange Lazalo kulawa mwe kikuta na kunda mgima niyo wasimwila viya vilaile. Ivo niivo valekaga want'hu wengi wakamwizila kwaviya na weva ivilagiso ve vihungi viya adamanye. Mafalisayo niyo wagambilana, “Kauleni ivo kikudunguga naho ulumwengu mgima wamtimila Yehe!”

Mwe wadya want'hu wezile Yelusalemu mwe zuwa dya kinyemi watuhu nawanda Wagiliki. Niyo waita kwa Filipo, mnt'hu wa Betisaida mwe isi ya Galilaya wamgamba, “Zumbe, chaunga kimwone Yesu.”
Filipo niyo agenda kumgambila Anduleya, wose waidi niyo waita wakumgambila Yesu. Yesu niyo awahitula, “Isa ibula Mwana wa Mnt'hu akuunga atogolwe. Nawagambilani ikindedi, mp'huluzi ye uhemba neisigale iivo imwenga hainahandigwe mwe ulongo niyo yafa. Uneva inabanika neyeleke mp'huluzi nyingi. Wadya wakuuunga wikazi wawe nawazaganye na wadya hewekuunga wikazi wawe mwe ino isi nawawiike kwa mbuli ya wikazi wa ulo na ulo. Yudya akuunga kunidamanyila ndima miye naanitongele Kwaviya hadya huunga ninde mtumwa ywangu naande naye aho. Naho yudya akuunga anidamanyile ndima Tate naamwink'he ukulu.”

“Haluse moyo wangu una kinyulu, haluse nigeeze? ‘Tate niyokole mwo lupisi ulu lukunizila.’ Mna iyo nivo vilekile miye heza vileke nombokele mwo lupisi ulo lwa masulumizo. Tate, uketogole dizina dyako.”
Niyo Izwi dyevika kulawa kwo ulanga, “Hiketogola kale naho neniketogole naho.”
Fyo dya want'hu wandile hadya niyo weva diya izwi, watuhu niyo walonga, “Neinda mtint'hilo naho watuhu niyo wagamba na kanda mtumigwa ywa kwe Mbingu alongile.”
Mna Yesu niyo awagambila, “Izwi idi hadivike kwa mbuli yangu miye mna kwa mbuli ya nyuwe. Naho uno nuwo umuda wa ino isi kusengelwa, naho Mwavu mkulu we isi ino, naadulwe. Umwo nnenulwa kulawa hasi, neniwaguhe want'hu wose kwangu.” Mwo kulonga ivi, naakalongela ifile yakwe.
Fyo dya want'hu niyo wamhitula, “Miko yakigambila Kilisito neekale mazuwa yose, nii weye naho wakigamba Mwana wa Mnt'hu neenulwe kulanga? Uyu Mwana ywo Mnt'hu ni yuhi?”
Yesu niyo awahitula, “Ung'azi nounde na nyuwe kwa mda mguhi, gendeleeni Kwaviya mna ung'azi, ziza dinase kuwahumani, kwaviya yudya akugenda mwe diziza hamanyize kudya akwiita. Kwaviya mnanao ung'azi uhuwileni, vileke mnde want'hu wo ung'azi. Yesu eze ajink'he kulonga ivi niyo ahalawa na kugenda kukefisa.”

Hamwenga nakugamba Yesu nakadamanya vilagiso mwa meso yawe mna woho hawahuwile. Ivo niyo viya valongagwa ni Mlotezi Isaya vakelaviliza.
“Zumbe, ni ani akuhuwila mbuli kikulonga?
Ni kwa ani udahi wa Mnungu ukunga ukelavilize?”
Naho nawenda hawakuunga kuhuwila, Kwaviya Mlotezi Isaya nakalonga naho,
“Mnungu kawagela u nt'hunt'hu ameso yawe,
hamwenga na kuitenda mioyo yawe inde midala,
wanase wakanihitukila vileke niwahonye.
Naho mioyo yawe inase ikakombaganya,
wanase wakanihitukila,
vileke miye niwahonye,”
Isaya nakalonga ivi Kwaviya nakauona ukulu wakwe Yesu na kuzilonga zimbuli zakwe.
Naho mwe wakulu we Wayahudi nomnda na watuhu wengi wandile wakamhuwila Yesu, mna kwa ajili ye Mafalisayo nawanda hawakulonga imbuli ino mwe kiyeti wanase wakaguluswa kulawa mwe nyumba ya Mnungu. Kwaviya nawakaungisa kwink'higwa ukulu na want'hu kujink'ha ikwink'higwa ukulu na Mnungu.

Yesu niyo alonga kwa kubongeela, “Yudya akunihuwila miye hiyo anihuwila miye du, mna amhuwila na yudya aniletile. Yudya anione miye kamuwona hata yudya aniletile. Hiza mwe Isi ninde ung'azi vileke yudya akunihuwila miye asekwingila mwo lwiza. Yudya akwiva ulosi wangu niyo hakuutimila hikumsengela, miye hizile kwa mbuli ya kuwasengela want'hu wa isi mna kuwahonya. Wadya wakunilemela miye hamwenga na ulosi wangu eyuko yumwenga akuunga awasengele. Ulosi udya nilongile nuwo ukuunga uwasengele mwe dizuwa dya uheelo. Iki ni kindedi kwaviya hilongile kwa udahi wangu miye mwenye mna Tate yudya aniletile miye nie anisigiile yo kulonga. Naho himanya miko yakwe zenk'hiza ugima wa ulo na ulo, yadya nilongile ni yadya Tate akisigiile miye nilonge.”

கேளுங்கள் Yohana 12