Unayo Maombi!Mfano

“Funguo   Sita za Maombi Yenye Afya na Yaliyo Sawa – Sehemu ya Pili” 

4. Mwambie   Mungu mahitaji yako binafsi na muombe Ayafikie. “Utupe leo riziki yetu…”

Upendo wa   Mungu kwako ni wa kina, usio na mwisho na hauna sababu, wakati wote   ukilinganishwa kwenye Biblia na huruma za baba aliyejaa upendo kwa mwanaye.   Anataka kusikia kutoka mwanae ( wewe); Anataka kusikia juu ya maisha yako,   mahitaji yako, shauku zako, na Anataka wewe uende Kwake kwa mahitaji hayo.   Upendo wake kwako unamsukuma kuzidi kukubariki zaidi ya unavyoweza kutazamia.   

5. Muombe   akusamehe makosa yako, ukizingatia hitaji lako la kuwasamehe wengine  waliokukosea. “Utusamehe   deni zetu, kama sisi nasi tuwasamehevyo wadeni wetu.”

Kumuomba   Mungu kutusamehe dhambi zetu huanzia kwanza kwa sisi kukubali dhambi zetu, na   halafu kuzikiri kwa Mungu. 

“Tukiziungama   dhambi zetu, Yeye ni mwaminifu na wa haki hata atuondolee dhambi zetu, na   kutusafisha na udhalimu wote.” I Yohana 1:9

Unaweza   kujihakikisha kuwa Mungu amekusamehe na kukusafisha kutoka dhambi zako.   Katika msamaha huo, pia kuna kuwekwa huru mbali na shutuma, aibu na hukumu. 

Lakini pia   Mungu anataka kama Alivyotusamehe sisi, nasi tusamehe wengine waliotukosea.   Kama vile ambavyo kupokea msamaha toka kwa Mungu kunavyoleta uhuru, vivyo   hivyo kuwasamehe wengine – uhuru kutoka uchungu, manung’uniko, na kuruhusu mambo   ya nyuma yaliyotuumiza kuendelea kutuumiza. 

Msamaha,   unaopokea na unaotoa, yote ni muhimu katika kuishi maisha ya uhuru katika   Kristo. 

6. Omba   uongozi wa Mungu kukusaidia kujiepusha na majaribu na hali ambazo hazipendezi   Kwake. “…na usitutie majaribuni, lakini utuokoe na Yule mwovu.”

Mungu ametusamehe   dhambi zetu na kutusafisha kutoka katika udhalimu wote kama ilivyoahidiwa   katika I Yohana 1:9, lakini bado tutakutana na majaribu, tunapoishi katika   ulimwengu huu ulioanguka. Sehemu hii ya sala ya Bwana inasisitiza umuhimu  wa kutokuwa wavivu na hatimaye kuwa na   mashaka na msamaha anaotupatia Mungu, bila ya kukumbuka umuhimu wa kujilinda   na dhambi siku za mbele. Ingawa Mungu   huondoa adhabu ya kiroho ya dhambi zetu kwa kutusamehe, lakini haondoi matokeo   mabaya ya dhambi. Kwa sababu hiyo ni muhimu kuomba msaada wa Mungu wa   kutusaidia kuepuka majaribu ya dhambi.

Kila siku,   anza kumpa Mungu muda wo wote unaoweza kuutoa kwa furaha Kwake katika maombi.   Mungu hana kiwango cha muda alichokuwekea ukifikie kila siku. Zaidi pia,   itakuwa changamoto wakati mwingine kuwa macho na “kuzuia kushindwa”. Usikate   tamaa; fahamu kwamba utakuwa aliyebarikiwa na Mungu unapojitoa Kwake kwa   maombi!