Zaburi 36:1-12

Shirikisha

Zaburi 36:1-12 Maandiko Matakatifu ya Mungu Yaitwayo Biblia (SUV)

Kuasi kwake yule mwovu hunena moyoni mwake, Hakuna hofu ya Mungu mbele ya macho yake. Kwa maana hujipendekeza machoni pake Kuwa upotovu wake hautaonekana na kuchukiwa. Maneno ya kinywa chake ni uovu na hila, Ameacha kuwa na akili na kutenda mema. Huwaza maovu kitandani pake, Hujiweka katika njia mbaya; ubaya hauchukii. Ee BWANA, fadhili zako zafika hata mbinguni, Uaminifu wako hata mawinguni. Haki yako ni kama milima ya Mungu, Hukumu zako ni vilindi vikuu, Ee BWANA, unawaokoa wanadamu na wanyama. Ee Mungu, jinsi zilivyo na thamani fadhili zako! Wanadamu huukimbilia uvuli wa mbawa zako. Watashibishwa kwa unono wa nyumba yako, Nawe utawanywesha mto wa furaha zako. Maana kwako Wewe iko chemchemi ya uzima, Katika nuru yako tutaona nuru. Uwadumishie wakujuao fadhili zako, Na wanyofu wa moyo uaminifu wako. Mguu wa kiburi usinikaribie, Wala mkono wa wasio haki usinifukuze. Huko ndiko walikoanguka wafanyao maovu; Wameangushwa chini wasiweze kusimama.

Zaburi 36:1-12 Biblia Habari Njema (BHN)

Dhambi huongea na mtu mwovu, ndani kabisa moyoni mwake; jambo la kumcha Mungu halimo kabisa kwake. Mwovu hujipendelea mwenyewe, hufikiri uovu wake hautagunduliwa na kulaaniwa. Kila asemacho ni uovu na uongo; ameacha kutumia hekima na kutenda mema. Alalapo huwaza kutenda maovu, hujiweka katika njia isiyo njema, wala haachani na uovu. Fadhili zako ee Mwenyezi-Mungu zaenea hata mbinguni; uaminifu wako wafika mawinguni. Uadilifu wako ni kama milima mikubwa, hukumu zako ni kama vilindi vya bahari. Wewe, ee Mwenyezi-Mungu, wawalinda wanadamu na wanyama Jinsi gani zilivyo bora fadhili zako! Wanadamu hukimbilia kivulini mwa mabawa yako. Wawashibisha kwa utajiri wa nyumba yako; wawanywesha kutoka mto wa wema wako. Wewe ndiwe asili ya uhai; kwa mwanga wako twaona mwanga. Uendelee kuwafadhili wale wanaokutambua; uzidi kuwa mwema kwa wanyofu wa moyo. Usikubali wenye majivuno wanivamie, wala watu waovu wanikimbize. Kumbe watendao maovu wameanguka; wameangushwa chini, hawawezi kuinuka.

Zaburi 36:1-12 Swahili Revised Union Version (SRUV)

Kuasi kwake yule mwovu hunena moyoni mwake, Hakuna hofu ya Mungu mbele ya macho yake. Kwa maana hujipendekeza machoni pake Kuwa upotovu wake hautaonekana na kuchukiwa. Maneno ya kinywa chake ni uovu na hila, Ameacha kuwa na akili na kutenda mema. Huwaza maovu kitandani pake, Hujiweka katika njia mbaya; hauchukii ubaya. Ee BWANA, fadhili zako zafika hata mbinguni, Uaminifu wako hadi mawinguni. Haki yako ni kama milima ya Mungu, Hukumu zako ni vilindi vikuu, Ee BWANA, unawalinda wanadamu na wanyama. Ee Mungu, jinsi zilivyo na thamani fadhili zako! Wanadamu huukimbilia uvuli wa mbawa zako. Watashibishwa kwa unono wa nyumba yako, Nawe utawanywesha kutoka mto wa furaha zako. Maana kwako Wewe iko chemchemi ya uzima, Katika nuru yako tutaona nuru. Uwadumishie wakujuao fadhili zako, Na wanyofu wa moyo uaminifu wako. Mguu wa kiburi usinikaribie, Wala mkono wa wasio haki usinifukuze. Huko ndiko walikoanguka wafanyao maovu; Wameangushwa chini wasiweze kusimama.

Zaburi 36:1-12 Neno: Bibilia Takatifu (NEN)

Kuna neno moyoni mwangu kuhusu hali ya dhambi ya mwovu. Hakuna hofu ya Mungu mbele ya macho yake. Kwa kuwa machoni pake mwenyewe hujisifu mno hata hawezi kugundua au kuichukia dhambi yake. Maneno ya kinywa chake ni maovu na ya udanganyifu, ameacha kuwa mwenye hekima na kutenda mema. Hata kitandani mwake hupanga hila mbaya, hujitia katika njia ya dhambi na hakatai lililo baya. Upendo wako, Ee BWANA, unafika hadi mbinguni, uaminifu wako hadi kwenye anga. Haki yako ni kama milima mikubwa, hukumu zako ni kama kilindi kikuu. Ee BWANA, wewe huwahifadhi mwanadamu na mnyama. Upendo wako usiokoma ni wa thamani mno! Watu wakuu na wadogo hujificha uvulini wa mbawa zako. Wanajifurahisha katika wingi nyumbani mwako, nawe utawanywesha katika mto wa furaha zako. Kuwa pamoja nawe ni kijito cha uzima, katika nuru yako twaona nuru. Dumisha upendo wako kwa wale wanaokujua wewe, haki yako kwa wale walio wanyofu wa moyo. Mguu wa mwenye kiburi usije dhidi yangu, wala mkono wa mwovu usinifukuze. Angalia jinsi watenda mabaya walivyoanguka: wametupwa chini, hawawezi kuinuka!