Ruth 2
2
Nakata
Ruth havaktuk Boasim Nautiviani
1-3Taffumani Ruthium Naomi ukautiyaa, “Aavungauyyavunga nautivingnun katitekuplunga mukpauyakhanik ilakuinik katahimayunik katitegunin. Havakuyauniagunakhiyungalunin kimunlikiak.” Naomi angengman Ruth taavungauyuk katitivakhuni ilakuinik havaktit tunuangni. Talva tamna nautivik Ruthium havagivaga nanminigiyauyuk Boasmin. Boas ilaa inungni ataniuyuk manigiekhuni ilauhimayuglu Naomium uigiyagaluangata ilagingnun Elimelekunun.
4Kinguagun Boas kaiyuk Bethlehemin havaktit haluhugit ukangman, “Atangum ilagiluhi,” kiuyaat “Atangum nakuuguktitpayyavaatinlu.”
5Boasim talva atanguyauyuk apegiyaa, “Angnak tamayya kinauva?”
6Taffuma kiuyaa, “Hamaningmiutaungitugaluak Moabmiun nunaanin tikitpagami malikhugu Naomi. 7Apegivagaminga katitikuyaukuplunga mukpauyakhanik maliglugit havaktit, uplugaaluk havainakpaktuk, tayyanuak nutkaktainakhuni unanguekhekkafukuplunga.”
8Talva Boas Ruthmun ukaktuk, “Tuhaayyavangma uvanga. Katititailutin mukpauyakhanik aahini nautivimni kihimi, angnangni uvaniituni havakatauvaglutin. 9Tapkua malilengmatigik havaktit kipluitillugit nauthimayun pitkugapkit kivgatka pitailikunagit ilingnik. Imekigaiguvinlu imegin imektautainin imektuktauyunin.”
10Ruthium ukuvigiyaa aktukhugu nuna niakuminun, Boas apegiplugu, “Hug hugilekinga nakuuyumik hamanimiutaungitgaluakhunga?”
11Boas kiuyugaluak, “Uin tukukaatillugu hakian munagingnakpagangni nakuuyumik tuhaayunga. Ilihimagaluaktunga ilvin kimakpagapkit angayukatin nunallu naiyukuplutin inungni allauyuni. 12Atangum akilekpaglutin nakuuyumik pivagavin. Ilaa akilektauyyavutin amigaitumik Atanekun Israelmiun Godingagun tamna kaiyyutigigangni munagiyauyumaplutin.”
13Talva Ruth kiuyuk, “Nagutpiaktutin uvamnun kivgaktitunilingitkaluaktunga ukagvigiyagaluangma nakuuyumik.”
14Negingnakhingman Boasim Ruth ukautiyaa, “Mukpauyaktugin mihuglugulu ukhungmik.” Ingitillugulu Ruth havaktini Baosim negitimani mukpauyakhanik utakhimayunik akiatukpaktuk nungungitagaluanga neki. 15-16Katitegilengmingman aahiin Boasim havaktini pitkuyain Ruth havainakuplugu mukpauyakhaini kilekhimayuni akungani tapkunangalu ungavaglugit ilangit katakuplugit angnaum katititkuplugit katahimayun.
17Ruthlu katitivaktuk taakhilektinnagu kektukhugit mukpauyakhainak puktaukuplugit. Taimaliungman punga tatahimayuk 25 paumik, 18tigumiakhugu angilgaktuk takupkaktitugu hakiani katitektaminik, tuniplugulu ilakuinik nekimi. 19Naomium Ruth apegiyaa, “Nani katitivakpin ukuninga tamainik uplumi? Kia nautiviani havakpakpin? Godim nakuuguktiliuk inuk taffuma ikayungmatin.”
Talva Ruthium Naomi uniutiyaa havaaminik Boasim nautiviani.
20Naomi ukaktuk. “Atangum Boas nakuuguktiliuk Atangum ukagiyaminik inungnun tukungayununlu puiguyuitpaktuk.” Ukangmiyuk, “Taffuma angutim ilaguhegiyaatigut kanitumik aahiin tamnaugami munagiyakhagiyaatigutauk.”
21Talva Ruth ukaktuk, “Hulitauk Boasim havakatauhimalekuyagaluanga havaktini tapkua havaguektinagit katitigvingnik tamainik.”
22Naomium Ruth ukautiyaa, Ilaa nakuutkiyak angnani Boasim nautivianituni havakatauguvin aahini pitailiyaunakhaavutin. 23Talva Ruth havakatauvaktuk tapkunani katitivit nungutitauniagutainun taffumanilu naiyugaaningnaktugaluak hakiamini.
Iliyochaguliwa sasa
Ruth 2: AQ
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia