Israelfɔ Ɩlʋ 17
17
Bulu, Ŋain Mɩ Fʋ Abambasɩ
Dawid mpaɩ.
1Oo Nana Bulu, nu asʋn ánɩ́ ɩda ɔkpa,
afʋnu mɩ isu!
Nu mɩ mpaɩ,
imotsu ofunupʋ ɔnɔ.
2Gyi mɩ asʋn ɔnɔkwalɩsʋ,
afʋpʋ ansɩ kɩ tɔá ɩda ɔkpa.
3Fʋtɛtɛtɛ mɩ klʋntɔ kɩ,
fʋtɛsɩna mɩ onye sɔ mɩ kɩ.
Tamɛ fʋmɔkʋwun tsitsa kʋkʋ mɩtɔ.
Nahɩɛá asʋkpan kʋkʋ ɩmɛ́ɛdalɩ tsu mɩ ɔnɔ.
4Fɛ alɩá akʋ bʋtɔbwɛ a,
mɩ mʋ́ ndɛ fʋ mblatɔ.
Ntamabwɛ awuntɔlɩnpʋ bwɛhɛ.
5Nna fʋ ɔkpasʋ bregyibrɛ.
Mmɔkʋsrɛɩ dalɩ ɔkpa amʋsʋ.
6Oo Bulu, nasu kpoli fʋ,
tsufɛ fɔ́sɔ mɩ ɔnɔ.
Yaa asʋ, afʋnu mɩ mpaɩ.
7Lɛ fʋ ɔdwɛá ɩma ɔka suna alɩá ɩbɔ́wa ifu.
Fʋtɔpʋ fʋ gyɔpɩ hɔ aha ánɩ́ basrɩ tanʋ fʋ,
lɛ amʋ́ alupʋá bakʋsʋ lɩɩ amʋ́sʋ ɩbɩtɔ.
8Gyo mɩ ɩwɩ, fɛ alɩá fʋtogyo fʋ nsibi klambi.
Ŋain mɩ fʋ abambasɩ.
9Lɛ mɩ tsu aha lalahɛá bʋgya mɩ ɩbɩtɔ,
tsu adʋn ánɩ́ bakafia mɩ ɩbɩtɔ.
10Nwewun kʋkʋ ɩma amʋ́tɔ.
Bʋtɔtɔɩ ɩwɩtsusʋ.
11Basrɩ gya mɩ, kafia mɩ.
Bʋdɛ ɔkpa dunka ánɩ́ bɛ́lɛ mɩ da kpla.
12Baka gyo mɩ, fɛ gyata ánɩ́ akʋn dɛ mʋ.
Fɛ gyata ɔwʋnlɩnpʋ lafɩnɩ ogyo ɔbwɩ.
13Oo Nana Bulu, kʋsʋ lɩɩ mɩ alupʋsʋ,
afʋba amʋ́ asɩ.
Pʋ fʋ ɔdayi kɔ hɔ mɩ,
tsu aha lalahɛ anfɩ ɩbɩtɔ.
14Pʋ fʋ tumi hɔ mɩ lɛ aha anfɩ ɩbɩ.
Hɔ mɩ tsu aha anfɩ banya ɔyɩ anfɩtɔ ogyikpa anfɩ ɩbɩ.
Amʋ́ lanya ɩwɩ gyi sian amʋ́ abi,
ɩlasian ha amʋ́ aná.
15Tamɛ mɩ mʋ́ a, mɩ asʋn da ɔkpa. Mʋ́ sʋ nówun fʋ ansɩtɔ.
Nɩ netsinki wun fʋ tsiatɔ a, nɔ́mwɛ.
Iliyochaguliwa sasa
Israelfɔ Ɩlʋ 17: nko
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation