Хьунухь 10
10
Нуьгьакай арадал атай халкьар
1Ингье Нуьгьан рухвайрикай – Шамакай, Хамакай, Яфетакай – ва абурун несилрикай ихтилат.
Дуьньядал яд акьалтайдалай кьулухъ Шамаз, Хамаз ва Яфетаз аялар хьана.
Яфетан эвледар
2Яфетан рухваяр:
Гамер, Мажиж, Мидя, Юнан, Тубал, Мешех ва Тирас.
3Гамеран рухваяр:
Ашкеназ, Рифат ва Тагарма.
4Юнан несилар:
Элиш ва Таршиш, ва гьакӀ китимарни раданимар.
5Абур гьуьлуьн къерехра авай уьлквейра уьмуьр тухуз ацукьна. Абурун чилер, тухумар ва тайифаяр гьа ибур я, ва абурукай гьар садахъ вичин чӀал ава.
Хаман эвледар
6Хаман рухваяр:
Куш, Мисри, ПӀутӀ ва Къенан.
7Кушан рухваяр:
Себа, Гьавила, Сабта, Рагма ва Сабтеха.
Рагаман рухваяр:
Шеба ва Дедан.
8Кушаз Нимрад тӀвар алай хва авай – дуьньяда сад лагьай пагьливанни 9Реббидин вилик зурба гъуьрчехъан. «Реббидин вилик Нимрад хьтин зурба гъуьрчехъан» ибара гьа идакай арадиз атанвайди я. 10Сифтедай адан пачагьлугъдик Бабил, Эрех, Акад ва Калне акатзавай; вири абур Шинар пата ава. 11-12И уьлкведай ам Ашурдиз хъфена ва ана Нинев, Рагьабат-Шегьер ва Калах, гьакӀни Ниневдинни, им чӀехи шегьер я, Калахдин арада Ресен эцигна.
13Мисридилай арадал атана:
лудияр, анамияр, легьабияр, нафтугьияр, 14патрусвияр, каслугьияр ва кафтарвияр (абурукайни – филиштияр).
15Къенаналай хьана:
Сидун (им адан сифте хва я) ва Хет, 16гьакӀни ябусвияр, амарияр, гиргашияр, 17гьивияр, аркъавияр, синвияр, 18арвадвияр, семаравияр ва гьаматӀвияр.
Гуьгъуьнай къенанвийрин тухумри мадни чилерал бине кутуна: 19абурун мулкар Сидундилай Герардихъ экӀя хьанвай – Газадал кьван, ва Садум, Гамура, Адма ва Цевайим галайвал – Лашадив агакьдалди.
20Хаман несилар, абурун чӀалар, чилер, тухумар ва тайифаяр гьа ибур тир.
Шаман эвледар
21Аялар Шамазни авай. Яфетан чӀехи стха тир ам Эберан рухвайрин бан-буба я.
22Шаман рухваяр:
Элам, Ашур, Арпахшад, Луд ва Арам.
23Араман рухваяр:
Ус, Гьул, Гетер ва Маш.
24Арпахшадан хва Шалагь тир, Шалагьан хвани Эбер. 25Эбераз кьве хва хьана: садан тӀвар Пелег тир, вучиз лагьайтӀа гьа гьадан девирда чилер пайнай, муькуьдан – ЯкътӀан.
26ЯкътӀаназ ихьтин рухваяр авай:
Алмадад, Шелеф, Гьасармавет, Ярагь, 27Гьадарам, Узал, Дикьла, 28Убал, Абимаил, Шеба, 29Уфир, Гьавила ва Ябаб.
Ибур вири ЯкътӀанан рухваяр я, 30абурун чилер Мешадилай рагъэкъечӀдай патахъ, Сефар дагъларив кьван экӀя хьанвай.
31Гьа ибур Шаман несилар, абурун чӀалар, чилер, тухумар ва тайифаяр я.
32Гьа ибур Нуьгьан рухвайрин тухумар, абурун ери-бине ва абурукай арадал атай халкьар я – чилел алай вири халкьар дуьньядал яд акьалтайдалай кьулухъ гьа ибурукай хьанвайбур я.
Iliyochaguliwa sasa
Хьунухь 10: ЛезПК
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Институт перевода Библии, 2010-2024