Zab 16
16
Wimbo wa Imani na Usalama kwa Mungu
Wimbo wa Daudi.
1 #
Zab 25:20
Mungu, unihifadhi mimi,
Kwa maana nakukimbilia Wewe.
2Nimemwambia BWANA, Ndiwe BWANA wangu;
Sina wema ila utokao kwako.
3Watakatifu waliopo duniani ndio Walio bora,
Hao ndio niliopendezwa nao.
4Huzuni zao zitaongezeka
Wambadilio Mungu kwa mwingine;
Sitazimimina sadaka zao za damu,
Wala kuyataja majina yao midomoni mwangu.
5BWANA ndiye fungu la posho langu,
Na la kikombe changu;
Wewe unaishika kura yangu.
6Kamba zangu zimeniangukia mahali pema,
Naam, nimepata urithi mzuri.
7Nitamhimidi BWANA aliyenipa shauri,
Naam, mtima wangu umenifundisha usiku.
8 #
Mdo 2:25-28
Nimemweka BWANA mbele yangu daima,
Kwa kuwa yuko kuumeni kwangu, sitaondoshwa.
9Kwa hiyo moyo wangu unafurahi,
Nao utukufu wangu unashangilia,
Naam, mwili wangu nao utakaa kwa kutumaini.
10 #
Mdo 13:35; Zab 49:15; Mdo 2:27; Dan 9:24; Lk 1:35 Maana hutakuachia kuzimu nafsi yangu,
Wala hutamtoa mtakatifu wako aone uharibifu.
11 #
Mdo 2:28
Utanijulisha njia ya uzima;
Mbele za uso wako ziko furaha tele;
Na katika mkono wako wa kuume
Mna mema ya milele.
Iliyochaguliwa sasa
Zab 16: SUV
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Swahili Union Version (SUV): © Bible Society of Tanzania and Bible Society of Kenya, 1952, 1997. All rights reserved. lt/pgt ltpgtSwahili Union Version (SUV): Hakimiliki -1952, 1997: kwa: Chama cha Biblia cha Tanzania na Chama cha Biblia cha Kenya. Haki zote zimehifadhiwa.