Jon Mande Kembé
Mande Kembé
Sokome ŋako Yesuko Mesaiya tero maheró koro sowo mande qu. Komo suki uni kato sokome ŋa Grik mandewore nakayáŋaró, quko eneŋo owí kama nakayáŋaró. Anutu koro huru-huru ŋuro tapá uni komo qu soso ŋundo ŋande yaŋgurí, ko Jon, Sepeti naŋuní ŋu, Yesu koro iŋo-iŋo rewero uni qu ka, nakayáŋaró. Norendo mande ŋa weyoro ŋande ye iŋoyoteto, uni nakayáŋaró qundo o soso tunoqaró ŋu toŋímbo qeneró. Ŋunde ŋuroko meté yewato, Jon eneŋombo nakayáŋaró. Ŋundiro naŋge nore sokome ŋaro yeteto, Miti Mande Jon Nakayáŋaró Mu, dokoro Mesaiya maheró koro piŋa mande ŋuko miti mande ŋundiro.
Itaka iŋo-iŋo uni kumimbo ŋande yeyoteŋgo, ko Jonko kumima naru 70AD sokome ŋa nakayáŋaró, peka, quko qambu ŋande yeteŋgo, 85AD koya 100AD keweroko ŋuno nakayáŋaró, peka. (Asa “85AD” murí muko ŋandiro, Yesu pisiyaró, yate kumima naru 85 ŋunde rotaró. Nore kumima naru 2,000 ŋunde rotoro yate itaka yoteto.) Tapá uni komo qundo yaŋgurí, Jonko miti mande ŋa Efesus yendémo nakayáŋaró.
Jonko ŋande yaró, ko enendo sowo mande ŋa nakayáŋoní unipareto Yesu iŋondutuwoyaŋgurí qundo weyoro iŋondutu hamó naŋge temukoro Yesu owímo yoto-yotoye rewaŋgo. (Jon 20:31 weyo qembe.)
Iliyochaguliwa sasa
Jon Mande Kembé: nca
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2009, Wycliffe Bible Translators, Inc. All rights reserved.