Mistari Maarufu ya Biblia kutoka Joni 6

Shirikisha

Bu ijiege kuaravoga Jesu fu una kiae, Naeje na burete maeje ja ina maza boeje ma karivadufuo ijene. Ijadufuo erare fu none ruakuma fube vasia oeke. Ro kuke erare fu na ma vierafekuma e ije fube do duaeke.

Vame ma karivako ije abedufuo ije fu Kavene Akae ijare ifejiaga ja abeke. Ro jame ema jare kojo daro jone ijia vame ma karivakuva ije abekuae vierafekuva ije ja izege rekuva baki. Ro vua ige na kuariaeva ije na Kavene Akae ijadufuo vua ije kuariae. Ijadufuo fu vua ijare ja ifejiaga ja vame ma karivako ije abeke.

Ro igia fie, jade maza boeje uri ire ja idufuo ijiaru vierafenoevo. Ijadufuo maeje ire ije maza rade buka bakireke. Ro nika uri ire ije ja ina maza boeje ijia karivadufuo ije vierafena ijadufuo imenofo. Ro ire ije Ema ijiebuo Fari ige nare ja vajiadufuo. Ijadufuo maeje fune Godi Asoe none ijare ire ige na renoevo ijadufuo daro miemano kiae.

Ro vierafe fuone ijeja, na e ije fu oe buone kame kuderiaga bu una e none revo ije bino nabe uniakoke. Ro kuke na e ije erarebe bu na giena ma vierafekuva na bu karauniake. Ro bu oekuva na maza radekuma ijia kiaga bu una urina vame ma karivako ije abena ijia kari vakono kiae.

Ro fu una kiae, I ije Godi fu vierafe ja medufuo ijeja ja e ige fu kiemo na ari ruaeva ige na ma vierafeno kiae.

Ro na e ije Asoe none ijare oe buone kame kuderiaga bu una e none revo ije nabe rorukuriake.

Rove Saemoni Fita fuka una kuae, E Ireobo na vierafega aeje aka E Akae Godire kuamo a ruae. Ro vua maeje ma karivadufuo ije ane are kuaruoga no fieve. Ro no a abueza vakuva no una e be erado vakono kuae?

Ijadufuo naeje na burete maeje fu kave gufia ari ruaema ijene ijadufuo erare burete ijene ikuma fube baronekiro fuka una vame ma karivako ije abeke. Ro burete ijeja vajae suri none igene. Na vajae suri none ige abe e boege ume igia oenoeva ije miaga bu ikuva bu vame ma karivako ije abekono kiae.

Fu erare izege korufuo daro fuone ijia giriesana na ma vierafekuma baki. Ro fune Asoe none ije fu kiemo na ruaeva ijare e ijiebuo oe ije kena kuderiakuma bu ije na ma vierafeke. Areme na maza radekuma ijia bu oekuva na kiaga bu una urina ijia ma karivake.

Ijadufuo burete maeje fu E Ijare arina e ume igia oenoeva ije ifejiaga bu ma karivakono kiae.

Naeje na burete maeje e bu ina maza boeje ma karivako ijene.

Areme Jesu fune uri burete ame iseke ije fu kena vaema ije kena Godido baname isoena oemarei. Areme fune kena e fuone vajiamoga bu karina una e boeje ivajiae. Jesu fu ijiege re areme una kuke kijume ije kena ude fu rema ijiege kena baname isoena vajiamoga bu ivo buka deufiae. Areme Jesu fune uri e vua fuone fievo ije kiae, Ja ire nugune bino jade nisekiro nika mukoreigia kanafuino kiae.

Ro e vua fuone fievo ije bune vanage abena sibaneke davare ukua ijia vaeva ijia bu gake Jesu fu gafa una davare ado ijia bierena romogana buka urukeigia jumei. Bu ijiege jumevoga Jesu fu uri kiae, Na nareno jade jumevono kiamoga bune una oemarekinu kuavo fu vanage ijia ajiae. Areme vanage ije funeka saroruba davare irifo bu vako ijia kekei.