Mistari Maarufu ya Biblia kutoka Maluko 13

Shirikisha

Ulai la ta mitema tavu'alo opone'i masuainge xo ngingi noxilo, ia ane'i ane itulu pekia'a ulai utalo no voxo ane ane'i maulixa'a ukalu no anu, la Lataua upamauline'i.”

Ngasaxila'inge laixe. Mo ngautiti laixe. Xo ngingi ngalavusou lexe voxo ane ne uxali talu uasi.

Xe lexe itetelisinge mo ilailingenge sou itovongengi, la ngaxavutala piena no anu vaikala sou ngalemolu uasi. Vaikala ma'i ane uxali no anu xavutalamengi alalae ne, la ngalemolu ulai noxi'a. Xo ngingi ane ngavivikala ne uasi, Uleenu Tavuna ane uvivikala ne.

Mii latala teitexi no opo loxotolo mo no lia 'o ne, ulai la ukalu. Ia vaivaikala noxilo ne ukalu uasi.

Evile ulavu no anu voxo ane ne uasi. Ta angelo teitexi no opo loxotolo mo 'Olu ne ilavusou uasi, ia Momusi Anu mulavusou.

No voxo ane ngingi ngalomusi'a ta mitema i'oto'oto mo vaikala sivosivo sou 'oto'oto ne, la ngaavuavuti mo tangengi kalaua mo nga'ume uasi. Anu mimii ane loxo ne anu uxali, ia voxo kaluxusou ne a uao unene'e o.

Anu aloxo ne, la sou ngingi ngautiti laixe, xo ngingi ngalavusou voxo ane tatananu tani ulivu une'e no anu uasi. Male uxali no 'olo'olovoxo. Uasi la, no 'olovoxo lixinu. Uasi la, no kakau mine ta koko'a i'ava'ava. Uasi la, no aso uxali utetelo. Lexe anu uxali upasipaangengi, la mamu sou ngingi 'a ngaai. Vaivaikala ane eni elemolu noxinge 'o ne, eni elemolu noxi'a ta mitema latala ne mukalusi. Ngaxoxolu ia ngautiti laixe.”

Ta mitema sou tuala vile iavuti, la ialivulane'i ta mitema sou tuala vile ane va'axu. Mo ta mitema noxou tatananu tuala vile iavuti, la ilo'a ta mitema noxou tatananu tuala vile ane va'axu i'oto. Xe no xalexalee tuatuala se'i, la laliua ukunikuni, mo soli toxoxa'a uxali. Anu tu'utu'umaxu ane ne, uxali tei loxo sema ixamuli navunavu tei ka sou ivo'o 'ilie.

La sou voxo kaluxusou uxali uao, la a'alo laixe ne, ia'aloxu no xalexalee tuatuala ukalusi tei.

Ta mitema tavu'alo ixali, la imoxou ualasilo. Ivikala lexe, ‘Eni anu,’ la ikalavoine'i tavu'alo.

Anu laixe lexe ngingi ngasaxila'inge laixe. Xo ino'inge ka ilai itulusinge no anu vaivaikala no ie'i ta tatila no anu pita noxi'a ka ivenge no nano no taasou lalotu noxi'a ta Iutaia. Tava'u xo ngingi noxilo, la sou ane'i itulusinge no ie'i ta mitema sou xaixai noxi'a ta tatananu tuatuala ilo'a ta tatananu tuatuala, la sou ngingi ngaavuti sou nga'aloxu a'alo laixe noxilo ulai noxi'a.

Xo ta mitema se'i ixali, la ikalavoi lexe ane'i Kalisito xe ane'i ta mitema sou palomatana. Lexe ixali, la i'oxonu sosovo se'i uxali mo mimii se'i sou ta mitema imaisou la ikuluke no anu kalumo, lexe anu umomomo sou ikalavoine'i ta mitema ane Lataua musosovosi'a lexe ta na'u 'ole.

Ia no voxo ane ili'i no anu voxo sou tu'utu'umaxu ukalu, la, ‘aso ne uxali isivoxo mo so'io ne uiei la uasi, ta oto ne, ilapalapau no opo loxotolo ilu'e, mo ta mimii loxo ta'umali ilo'a koiuxaxai mo tavaivolo no opo loxotolo ne ikunikuni.’