Mistari Maarufu ya Biblia kutoka Luka 4

Shirikisha

“Uleenu Tavuna noxou IAUE, anu a uxolu noxilo 'o. Xo anu IAUE musosovosilo sou lexe eni aa'aloxu a'alo laixe noxou Lataua noxi'a ta mitema e i'a lavuluti uasi. Anu mupalusilo sou lexe eni alulusi'a ta mitema ane mixolu no anu taasou navunavu, mo avikalane'i ane'i e ie'i seleselevenu lexe ie'i ukaa la. Mo Anu mupalusilo kalumo sou lexe eni akalusou tu'utu'umaxu noxi'a ta mitema ane'i ane ta tatilasi'a mi'oxo masuane'i, mo avikalane'i no anu voxo sou IAUE ualaunasi'a ta mitema.”

Ia Iesu mukolinu aloxo 'o, “Vaikalau Lataua muvikala lexe ngingi ngalu'elailingenge sou nga'itinu Tila Lataua noxinge ualasou mo ngaxaxai noxousi.”

Ia Iesu mukolinu aloxo 'o, “Vaikalau Lataua muvikala lexe ta mitema imauli no anu veletisi uasi, ia imauli no anu vaivaikala noxou Lataua kalumo.”

Ioxe, Iesu mu'ulo ne Ioridani mukalu xe xaviinu Uleenu Tavuna mu'ana'ana noxou, la mulivu no tualasou. Xe ili'i, la Uleenu Tavuna mulaixu no xalee lia vitanisi sou lexe Satani utovonu. Anu muxolu lai ne, la u'ani uasi mumomomo loxo voxo mavulovexa tami'a. Xe voxo mavolovexa tami'a mukalu, la muxamuli lexe Anu musolixu.

Ia Iesu mukolinu aloxo 'o, “Vaikalau Lataua muvikala lexe mamu sou nenge tatovonu xavi noxou Tila, anu Lataua noxinge.”

Satani mutovonu Iesu no anu tovotovo iouiou ne mukalu, ia Iesu ulapau uasi. La sou Satani mu'umesou sou ulai uxomaiou no anu voxo vile ili'i la.

Mukalu, la Satani mulutunoxu Iesu mutelonu no la'olu vile teitexi. Xe alaxu vilesisi 'o, la mulosiouxu tuatuala mukalusi no lia 'o. La muvikalanu aloxo 'o, “Eni alosine xavi sou nasaxila'u tuatuala ukalusi mo alosine mimii ukalusi no anu sou na'anini. Xo eni esaxila'u mimii ane ne, la sou eni alosou mitema 'ena'ei ane eni emasaxa sou alosou. La sou lexe nini napala'alixo lexe eni Lataua, la mimii ukalusi 'o ne, nini na'anini.” Ia Iesu mukolinu aloxo 'o, “Vaikalau Lataua muvikala lexe ngingi ngalu'elailingenge sou nga'itinu Tila Lataua noxinge ualasou mo ngaxaxai noxousi.”

Xe mukalu, la Satani mulaixu mulai ne Ielusalemu sou mu'italonu muxolu teitexi no tani tila noxou Lataua kisou. Ia muvikalanu Iesu aloxo 'o, “Lexe nini Lataua 'Olu, la naili'e lai 'o nalai no lia. Xo vaikalau Lataua muvikala lexe Lataua upalusi'a ta angelo noxou sou ilooxene no avo'a lailaixe. Mo itetelisine no avo'a teitexi, mo sou mamu sou lavo'o vile uto'omolu tava'ine.” Ia Iesu mukolinu aloxo 'o, “Vaikalau Lataua muvikala lexe mamu sou nenge tatovonu xavi noxou Tila, anu Lataua noxinge.”