Mistari Maarufu ya Biblia kutoka Mhubiri 7

Shirikisha

Usiwe mwepesi wa hasira, maana, hasira hukaa ndani ya wapumbavu.

Katika siku za fanaka uwe na furaha; katika siku za maafa utafakari jambo hili: Fanaka, pia maafa, Mungu amefanya hiyo ya kwanza iambatane na ya pili ili binadamu asiweze kujua yatakayotukia baada yake.

Mwisho wa jambo ni afadhali kuliko mwanzo wake; mvumilivu rohoni ni bora kuliko mwenye majivuno.

Hakika, hakuna mtu mwadilifu duniani atendaye mema daima bila kutenda dhambi.

Kulindwa na hekima ni kama kulindwa na fedha. Faida ya maarifa ni kwamba hekima hulinda maisha ya mtu aliye nayo.

Sifa njema ni bora kuliko marashi ya thamani. Siku ya kufa ni bora kuliko siku ya kuzaliwa.

Afadhali kusikia maonyo ya wenye hekima kuliko kusikiliza nyimbo za wapumbavu.

Afadhali kwenda kwenye matanga, kuliko kwenda kwenye karamu, kwa sababu walio hai yawapasa kukumbuka kwamba kifo chatungojea sisi sote.

Moyo wa mwenye hekima huthamini matanga, lakini moyo wa mpumbavu hupenda raha.