Mistari Maarufu ya Biblia kutoka Juan 2

Shirikisha

Tsa javaha̱ ra Jesús ñuu Caná tsa canyii Galilea, yacan cuví tsa iyo tsa jihna ñi javaha̱ ra tan janaha̱ ra tsa cahnu cuví ra tsi nyɨvɨ. Tan ra tsicá tsihin ra tsinu̱ iñi ra naha tsi ra tyin ra ican cuví ra tsa jaquitsi̱ Nyoo.

Tan catyí ra Jesús tsihin ña: ―¿Náa tsa ndɨhɨ iñi yo yacan, Miyan? Tyin ñaha ca tsaa hora yu ―catyí ra tsihin ña.

Tacan tan catyí ra Jesús tsihin ra tsa tyihí mesa can naha ra: ―Ja̱cutu ndo quɨsɨ ihya tsihin ndutya ―catyí ra tsihin ra naha. Tacan tan tsitu̱ cuii quɨsɨ can jaha̱ ra naha. Tacan tan catyí ra Jesús tsihin ra naha: ―Vityin ta̱va ndo juhva tan cu̱ndaca ndo tsi ra cuví ityi nuu cuenda vico ihya ―catyí ra Jesús tsihin ra naha. Tan tacan ica̱ ra naha.

Tan nacaha̱n ra Jesús tan catyí ra: ―Ca̱nɨ ndo vehe ñuhu ihya, tan tsitsi tsa uñi quɨvɨ ñi tan cua janduvita nyico yu itsi inga tsaha ―catyí ra tsihin ra naha.

Tsa nyehe̱ ra Jesús tandɨhɨ yacan, tacan tan javaha̱ ra iin yoho. Tan tsihin yoho can jacunu̱ ra tsi tandɨhɨ nyɨvɨ nuquehe vehe ñuhu iin cahnu ñi tsihin mbee tan tsihin indɨquɨ jana ñi. Tan ñi nasamá xuhun can, jatucuatyi̱ ra xuhun ñi nu ñuhu tan janduva̱ ra mesa ñi. Tan catyí ra tsihin ñi xicó paloma: ―¡Ta̱va ndo paloma can ihya! ¡Ña ja̱vaha ndo vehe Jutu yu tumaa iin nuyahvi! ―catyí ra tsihin ñi.