Mistari Maarufu ya Biblia kutoka Genesisi 1

Shirikisha

Nkulunkulu wase utsi: “Asente bantfu, babe ngumfanekiso wetfu, basifute; babuse etikwetinhlanti taselwandle, nasetikwetinyoni tasemoyeni, nasetikwetifuyo, nasetikwemhlaba wonkhe, nasetikwato tonkhe tilwane letihamba ngesisu netilwanyakatana.” Ngako Nkulunkulu wadala umuntfu waba ngumfanekiso wakhe; wamdala waba ngumfanekiso waNkulunkulu: wabadala, lomdvuna nalomsikati.

Nkulunkulu wababusisa watsi: “Talanani, nandze, nigcwalise umhlaba, niwuncobe. Nibuse etikwetinhlanti taselwandle, nasetikwetinyoni tasemoyeni, nasetikwato tonkhe tilwane letihamba emhlabeni.”

Ekucaleni Nkulunkulu wadala lizulu nemhlaba.

Umhlaba wawulihlane lelingenalutfo, bumnyama babumbonye emanti nekujula kwawo; Moya waNkulunkulu abehla enyuka ahambahamba etikwemanti.

Nkulunkulu watsi: “Akube khona kukhanya,” kwaba khona kukhanya.

Nkulunkulu wakubona konkhe labesakwentile, kutsi kuhle kakhulu. Kwahlwa, kwasa: Kwaba lilanga lesitfupha.

Nkulunkulu wabona kutsi kukhanya kuhle. Nkulunkulu wehlukanisa kukhanya nebumnyama.

Nkulunkulu watsi: “Ase nibuke la, ngininike tonkhe tibhidvo letisemhlabeni wonkhe letimilisa inhlanyelo, nato tonkhe tihlahla letinenhlanyelo etitselweni tato, kutsi kube kudla kwenu.

Nkulunkulu wakwetsa kukhanya watsi: “Yimini,” bumnyama wabetsa watsi: “Busuku.” Kwahlwa, kwasa: Kwaba lilanga lekucala.

Nkulunkulu watsi: “Akube khona umkhatsi emkhatsini wemanti, wehlukanise emanti nemanti.”

Kepha konkhe lokuphilako: tilwane temhlaba, nato tonkhe tinyoni tasemoyeni, netilwane letihamba ngesisu, ngikunika konkhe lokuluhlata kutsi kube kudla kwako.” Kwase kuba njalo.

Nkulunkulu watsi: “Akube khona tibane emkhatsini wesibhakabhaka tehlukanise imini nebusuku; atibe tibonakaliso tetikhatsi, netemalanga, neteminyaka.

Nkulunkulu watsi: “Umhlaba awuvete konkhe lokumilako: lokutsela tinhlavu, netihlahla tetitselo letitsela tinhlavu letiyinhlanyelo ngetinhlobo tato.” Kwase kuba njalo.

Nkulunkulu wenta umkhatsi, wehlukanisa emanti labengephansi kwemkhatsi nemanti labengetulu kwemkhatsi. Kwase kuba njalo.

Umhlaba waveta konkhe lokumilako lokutsela tinhlavu, netihlahla tetitselo letitsela tinhlavu letiyinhlanyelo ngetinhlobo tato. Nkulunkulu wabona kutsi loko kuhle.

Nkulunkulu wenta tibane letikhulu taba tibili: lesikhulu kutsi sibuse imini, lesincane kutsi sibuse busuku. Wenta netinkhanyeti futsi.

Nkulunkulu watsi: “Emanti langephansi kwelizulu akabutsane ndzawonye, kubonakale umhlaba lowomile.” Kwase kuba njalo. Lokomile Nkulunkulu wakwetsa libito watsi: “Ngumhlaba;” nemanti labutsene ndzawonye wawetsa libito watsi: “Lwandle.” Nkulunkulu wabona kutsi loko kuhle.

Nkulunkulu watibusisa watsi: “Talanani, nandze nigcwalise tilwandle, netinyoni tandze nemhlaba wonkhe.”

Nkulunkulu watsi: “Umhlaba awuvete tonkhe tinhlobo tetilwane letiphilako: tonkhe tinhlobo tetifuyo, netetilwane letihamba ngesisu, netilo tesiganga.” Kwase kuba njalo.

Nkulunkulu watsi: “Emanti akagcwale yonkhe inhlobo yetilwane letiphilako, kundize tinyoni etikwemhlaba emkhatsini wesibhakabhaka.”

Nkulunkulu wenta tonkhe tinhlobo: tetilo tesiganga, netetifuyo, netetilwane letihamba ngesisu. Nkulunkulu wabona kutsi loko kuhle.