Mistari Maarufu ya Biblia kutoka San Mateo 3

Shirikisha

Napaꞌ añchaꞌña notapas oꞌch sorrtatyes ñeñth eꞌñe kowen enten Yompor ñeñth ateth pena ñeñth poꞌñoxh oꞌ kothapeꞌcherran ello kowen Yomporekop.

Allempoñapaꞌ xha eꞌmorrtatsa ñamha ñoñets entoth ateth eñorena Yompor. Ñeñthña ñoñetspaꞌ ateth oten: —Añmapaꞌ ñeñthña Nechemer ñeñth atarr nemorrentena. Ña atarr nanak nokshateneꞌ.

allempoñapaꞌ apatapan Jesús. Eꞌne apatweꞌpaꞌ oꞌ xhaꞌnerrña Jesús oñoth, enetñapaꞌ awepaꞌt atorarethta. Allothña eꞌñe sowaꞌnma Parets Poekamkëñ, Jesúsñapaꞌ eꞌñe ateth entaph ñerraꞌmrratheꞌ yeph oꞌ sowaꞌnma entoth, eꞌñe xhap ñesho.

Elloña Juanpaꞌ ateth oterraneterr: —Ñeñthes kothapeꞌcherreꞌ kowen Yomporekop napaꞌ amaꞌt eꞌñe poꞌñoxh napatensoñ Yomporekop, napaꞌ eꞌñekaꞌye oñochaya napatenes. Tharraña Cristo ñeñthchaꞌ wapatsa chentaꞌpaꞌ ñapaꞌ añchaꞌkaꞌye chorratossa Parets Poekamkëñ ñeñth ateth ñerraꞌm tsoꞌ. Ñapaꞌ ñeñth atarr awamenkatheshaꞌ nañapaꞌ ama tama awamenkatheyayno. Ñapaꞌ ñeñthña atarr sherbets, nañapaꞌ ama es nesherbeno atthoch amaꞌt poꞌsapatapaꞌ oꞌch nanmoñ.

Ñeñthoꞌmarña napaꞌ oꞌch notas ñerraꞌm amach sokthapeꞌcherro kowen Yomporekop oꞌ mameshamerra oꞌch xhaponasa atthoch koñchaterres Yompor. Oꞌch netmaꞌntatasa ateth ñerraꞌmrratheꞌ allempo oꞌch aꞌmataꞌtmochet tsach. Oꞌ eꞌñe onañchachet gach allchaꞌ tet eꞌñe allowa wañen poepallaktar. Ñeñth allowen tsachexhno ñeñth ama kowenayeꞌ meꞌtetsopaꞌ aꞌmataꞌtweretchaꞌ saprrochetchaꞌ all worten tsoꞌ allchaꞌ eꞌñe aꞌpoyatatweret.

Ñewa, añmapaꞌ ñokopkaꞌye eñoseꞌthña Isaías ñeñth aꞌmhtayeꞌth awath Yompor poꞌñoñ. Allempopaꞌ ateth oteꞌth: Eꞌmorrterrach poesheñarr poꞌñoñ all amayo allchaꞌña serrpareꞌtaterranña acheñeneshaꞌ. Poerranarothpaꞌ añchaꞌ tomaꞌntaterranet thoñ, ñeñthpaꞌ atethchaꞌ oterranet: “Theꞌpaꞌ oꞌch saꞌkowenetyes thoñ allchaꞌ oñmos Partseshaꞌ, oꞌch eꞌñe saꞌpaxharretyesoñ paꞌtheph.” Arrpaꞌ allowa ñeñth ateth akellkareth awathotheñ Cristokop.