Mistari Maarufu ya Biblia kutoka Matiu 3

Shirikisha

Mu roiti votudi ria na vua qari uleni na toa gabalana.

Beto za maka mamalaingi za koko lagere vei pa noka, ari za gua vei, <<Ani za na tuqu qa roquroqua aral; aza qa qera vitivitigini ara,>> za gua.

Ko aza tugu za tapaputaiso ko za iolo loia na pie i Jisu, za ani za tarevanga vani aza za na oka, ko za batia aza za na Ongonguna na Tamaza za tigoro gore lagere vei maka kuru ko za lagere togai aza.

Ara za qa paputaisodigamu na kolo ko na vagilagilana na toa gabalana, ba aza tu za tuti ligu lameziu ara za poreveveina jolaniziu ara, ko ara ba nake padaqu mana pogozo vani na sadolo aza. Aza tu za mina paputaisodigamu na Ongu Tabuna beto na iku.

Na rio za tori tana kolenana tu pa bageredi na suvege. Ko doru suvege qarike vuani na vua leana za mari taduka vagore ko mari tagona lao pale pa iku.

I Jone tugu ani za korotoni i Aisea na tinoni korokorotai, tonai ari za gua vei, <<Maka mamalaingi za velavela pa qega, ari za gua vei: <Vatanani na zona tana Bangara! Vaemeseria na zona mina reregeria aza,> za gua,>> za gua i Aisea.