Mistari Maarufu ya Biblia kutoka ᤗᤢᤁᤠ 3

Shirikisha

ᤌᤡᤰᤕᤧᤴ ᤁᤠᤰ ᤔᤏᤠᤜᤠ᤹ ᤒᤵᤋᤡᤛ᤻ᤔᤠ ᤔᤧᤒᤥ᤺ᤰᤂᤧᤸᤗᤧ ᤕᤧᤛᤢ᤺ᤴᤏᤠᤱ ᤒᤵᤋᤡᤛ᤻ᤔᤠ ᤐᤥ᤺ᤰᤂᤧ॥ ᤜᤧᤰᤁᤩᤠᤱ ᤂᤢᤏᤧ᤹ ᤋᤢᤘᤠ ᤆᤥᤃᤢᤖ ᤐᤳᤇᤧᤸᤗᤧ ᤋᤠᤱᤛᤠᤰᤐᤧᤴ ᤜᤖᤧᤀᤠᤱ ᤛᤣᤛᤣᤔᤠᤱᤅᤡᤴ ᤐᤢᤳᤋᤢ᤺ᤰᤁᤣ ᤜᤧᤰᤁᤣ ᤕᤧᤀᤠᤱ ᤂᤢᤏᤧ᤹ ᤁᤢᤛᤶᤍᤠᤱ ᤆᤢᤰᤋᤧ. ᤜᤧᤰᤁᤩᤠᤱ ᤛᤠᤱᤃᤪᤠᤶᤐᤣᤍᤠᤱᤅᤥᤗᤠᤶ ᤀᤡᤰᤗᤠᤎᤡᤰ ᤕᤧ. “ᤂᤧᤏᤧ᤹ ᤀᤡᤱᤃᤠ᤹ ᤀᤠᤔᤡ᤺ᤶ ᤀᤠᤛ᤻ᤛᤠᤏᤧᤖᤥ॥ ᤂᤧᤏᤧ᤹ᤏᤢ ᤀᤡᤱᤃᤠ᤹ ᤛᤠ᤹ᤖᤡᤰ ᤛ᤺ᤳᤋᤠᤱᤅᤠᤱ ᤘᤠ᤹ᤀᤠᤖᤥ॥”

ᤕᤢᤜᤢᤴᤏᤠᤖᤧ ᤂᤧᤱᤜᤠ᤹ ᤁᤧᤖᤧᤰ ᤏᤥᤃᤵ ᤐᤡᤖᤢᤛᤡ. “ᤀᤡᤱᤃᤠ᤹ᤃ ᤂᤡᤏᤡ᤹ ᤆᤫᤠ᤺ᤳᤋᤡᤸᤗᤧ ᤒᤵᤋᤡᤛ᤻ᤔᤠ ᤐᤡᤏᤡᤱ. ᤁᤖ ᤀᤡᤱᤃᤠ᤹ᤏᤢ᤺ᤸᤗᤧ ᤔᤢᤰᤛᤠᤶᤛᤠᤒᤠᤎᤡᤰ ᤋᤠᤖ ᤐᤳ॥ ᤀᤡᤱᤃᤠ᤹ᤃ ᤕᤥᤰ ᤁᤢᤀᤡᤛᤡᤰ ᤁᤢᤗᤠᤱᤛᤢᤵ ᤏᤠᤶᤜᤠ᤹ ᤑᤠ᤺ᤱᤔᤠᤀᤠᤱ ᤔᤧᤗᤠ᤹ᤀᤠᤴᤗᤥ॥ ᤂᤢᤏᤧ᤹ᤃ ᤛᤣᤛᤣᤔᤠᤱ ᤏᤢ ᤔᤡ᤺ᤸᤗᤧ ᤒᤵᤋᤡᤛ᤻ᤔᤠ ᤁᤧᤒᤡᤖᤡ᤹ᤖᤥ॥

ᤗᤠᤕᤥᤗᤠᤶ ᤁᤧᤜᤡᤴᤍᤡᤒᤠ ᤐᤠ᤺ᤴᤏᤡᤴ ᤀᤥᤛᤣ᤺ᤴᤍᤠᤱ ᤆᤥ᤺ᤰᤛᤧ ᤏᤢᤒᤠ ᤕᤠ᤺ᤶᤒᤰ ᤆᤥᤃᤧᤶᤔᤧ᤹ᤀᤥ॥ ᤀᤠᤏᤡᤃᤧᤃ ᤀᤒᤪᤠᤜᤠᤔᤖᤧ ᤁᤢᤛ᤻ᤛᤠᤛᤡᤃᤧ. ᤂᤧᤸᤗᤧᤆᤥᤃᤢᤸᤗᤧ ᤂᤢᤶᤍᤡᤱᤗᤠᤶ ᤂᤧᤳᤇᤡᤱᤔᤠ ᤛᤢᤰᤋᤡᤃᤧ᤹ ᤑᤠ᤹ᤀᤠᤱ ᤏᤡᤱᤘᤠ᤹ ᤔᤧᤀᤡ᤺ᤳᤋᤧᤶᤔᤡᤴᤏᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧᤃ ᤁᤴ ᤗᤢᤱᤜᤠ᤹ᤀᤠᤱ ᤀᤒᤪᤠᤜᤠᤔᤖᤧ ᤁᤢᤛ᤻ᤛᤠ ᤆᤥ᤺ᤰᤔᤠ ᤛᤢᤰᤋᤢᤛᤡ᤹ᤖᤥ॥

ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤄᤠᤛᤧᤴᤏᤡᤸᤗᤧᤴ ᤋ᤺ᤴᤍᤡᤱᤃ ᤛᤡᤱᤒᤢᤱᤜᤠ᤹ᤀᤥ ᤆᤢᤰᤋᤧᤆᤢᤖᤧᤀᤠᤱ ᤘᤠ᤹ᤖᤥ॥ ᤏᤢᤒᤠ ᤛᤡᤱᤛᤣ᤹ ᤔᤧᤴᤎᤥ᤺ᤰᤔᤏᤠᤒᤠ ᤁᤧᤖᤧᤰ ᤛᤡᤱᤒᤢᤱᤜᤠ᤹ ᤔᤧᤍᤠᤅᤢᤀᤠᤱ ᤔᤡᤀᤥ ᤗᤠᤵᤔᤧᤍᤣᤛᤢ᤹ᤖᤥ॥”

ᤜᤧᤰᤁᤣᤗ᤹ᤖᤡᤰ ᤔᤠᤱᤏᤡᤱᤘᤠ᤹ᤐᤠᤴ ᤁᤧᤒᤠ᤺ᤵᤐᤠ ᤕᤛᤤᤕᤠ᤺ᤸᤗᤧ ᤁᤢᤛᤠᤵᤐᤴᤏᤥ ᤕᤢᤜᤢᤴᤏᤠᤖᤧ ᤁᤢᤕᤠ᤺ᤶᤒᤣᤀᤥ ᤛᤠᤵᤋᤧᤀᤠᤱ ᤐᤳ. “ᤂᤢᤏᤧ᤹ ᤀᤣ᤺ᤰᤛᤠᤍᤧᤴᤏᤥ ᤀᤰᤂᤣᤗ᤹ᤖᤡᤰ ᤁᤧᤀ᤺ᤰᤐᤠ ᤀᤡᤰᤗᤠᤖᤥ. ‘ᤍᤠᤱᤒᤠᤸᤗᤧ ᤁᤢᤔᤠᤖᤠᤶᤔᤡᤴ ᤕᤠᤖᤡᤵ ᤆᤥᤃᤧᤶᤔᤧ᤹ᤀᤠᤱ ᤁᤢᤗᤠᤶᤜᤠ᤹ ᤋᤥ᤺ᤴᤍᤥᤴ ᤆᤥᤃᤧᤶᤔᤧ᤹᥄ ᤁᤧᤖᤧᤰ ᤏᤧᤘᤠᤗᤠᤜᤠ᤹ ᤗᤢᤵᤛᤡᤱᤗ. ᤁᤥ᤺ᤰᤔᤠ ᤑᤠᤱᤈᤱᤜᤠ᤹ ᤋᤱᤅᤠᤱ ᤋᤧ᤺ᤶᤒᤣ ᤐᤥᤱᤗ ᤜᤧᤰᤁᤩᤠᤱ ᤀᤡ᤺ᤗᤠᤶᤜᤠ᤹ ᤋᤥ᤺ᤴᤇᤡᤱᤗ ᤋᤠᤵᤑᤧ᤺ᤶᤒᤠ ᤗᤠᤶᤜᤠ᤹ ᤏᤢᤒᤠ ᤐᤥᤱᤗ॥ ᤜᤧᤰᤁᤣᤗ᤹ᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤡᤖᤢᤛᤡᤒᤠ ᤁᤢᤛᤧᤴᤗᤵᤐᤡᤴ ᤁᤧᤖᤧᤰ ᤔᤧᤴᤇᤠᤶᤃᤧᤴ ᤕᤠᤵᤔᤡᤜᤠ᤹ᤖᤧ ᤔᤧᤏᤡᤛᤢ᤹ᤖᤥ॥’”