Mistari Maarufu ya Biblia kutoka San Lucas 23

Shirikisha

Hich la yal te Jesús: Jtat, pasbeya perdón, yu'un ma sna'ic bin yac spasbelic, xchi. La spuc sbahic a te sc'u' spac' ta scuenta seña ta na'el.

Halbot yu'un te Jesús: Jamal ya calbat, yo'tic ya me ajoquinon ta utsilal, xchi sc'oblal.

Hich la yalbe te Jesús: Na'awon te c'alal ya xtalat ta banti ay te cuentahinel awu'une, xchi.

Tulan awon te Jesús, hich la yal: Jtat, ya ca'bat ta ac'ab te jch'uhlele, xchi. Laj yalbel a, quehchaj yich'bel ic'.

C'alal c'ohtic ta jun lugar Baqueljolal sbihil, tey c'oht sjihpanic ta cruz a soc te cheb chopol winiquetic, jtuhl ta swa'el, jtuhl ta sq'uexam.

C'alal la sta ohlil c'ahc'al a, ihc'ub q'uinal ta spahmal q'uinal, yalel c'alal ta oxeb ora stibiltayel. Mahc sit te c'ahc'al, soc jats ta ohlil te tsahlul pac' ta Templo.

C'alal la yil te capitán-soldado te bin c'oht ta pasel, la yalbe yutsilal te Dios, hich la yal: Melel nix a te toj ta winiquil ha'i winic ini, xchi.