Mistari Maarufu ya Biblia kutoka ดอ โฆว 1

Shirikisha

วาย อัน ตี เฌาพรา ต็อห, “แตห เอ โบง ดูอี, แตห เฆ ปี เอ เฌาพรา. อารึบ ดูอี, แตห อึณ ปี เฌาพรา. เฆ ดูอี ตี, เฆ โลว อึบ มาฆา อี กอย แคง อึม, อึบ บอ มาซีม อี กอย แคง เบลณ. บอ โดว ซัดดาวา อี กอย แดง กาดาย, แตห ดูอี อึบ โตต ดอน โมยว.” แฮะ ฮอต กาลาง, เฌาพรา มืร โบง แตห อึณ มึห ดูอี, แตห ดูอี ปี อารึบ อัน เฌา. อัน เฌา โบง บอ อีบึณ บอ อีมาย, แตห ฆาย ปี อัน.

เฌาพรา วี ม็องการา ดัว ดี ฆาย. อัน ต็อห, “แตห บาย ฮืง แบร กืน, แตห ดูอี กอ โนะ แดง กาดาย นี, แตห บาย บอ อึบ โตต แดง กาดาย นี. แตห บาย บอ อึบ เฆ มาฆา อี กอย แคง อึม บอ เฆ มาซีม อี กอย แคง ฆางหราว บอ เฆ โดว อี มึห อาซาก ดอน โมยว อี กอย แดง กาดาย นี.”

อู ซีณ ดอ โฆว อัน เฌาพรา พาน เบลห บอ ฆางหราว บอ กาดาย.

ดอ อัน ตี กาดาย อาว มึห อารึบ อัน. อึณ มืร ตู มึห มาเซ แดง กาดาย นี. อึณ อับ ว็อง แดง อึม ตาง, อึม บล็อง. น็อห พึอม เฌาพรา มืร ฮาว นา แดง อึม ตาง ตี.

วาย อัน ตี เฌาพรา ต็อห, “แตห อึณ บลาง.” แฮะ ฮอต กาลาง, อึณ บอ บลาง.

เฌาพรา มืร ยอด โตต ปี โบง อัน ดอน โมยว. อึณ แฮะ กยัะ กาเซา. ปาย ตี แปร วี อับ วี บลาง, แฮะ โนะ เดา ซีแง.

เฌาพรา มืร ยึร, บลาง ตี แฮะ กยัะ. ปาย ตี เฌาพรา แฮะ กาย็อห บลาง ฆาย อับ.

อัน เฌา มืร ต็อห, “แคะ กอย เดา อี มึห กาอาง, แคะ กอย เฮ อี มึห เบล เฆ กาอาง, โอว ดัว ดี บาย, แตห อึณ แบน ปี ดี โฮม บาย.

บลาง, อัน จืร ซีแง. อับ, อัน จืร แคง หมึร. แฮะ อับ วี บลาง, แฮะ โนะ อู ซีแง.

เฌาพรา วี ต็อห, “แตห อึณ แบน โดง ตาง นา กาแต อึม, แตห อึณ กาย็อห อึม อา บลาก.”

แคะ มึห โดว ซัดดาวา แดง กาดาย, แคะ กอย มาซีม แคง เบลณ, แคะ กอย โดว แบน โมยว แบน โมยว, โอว ยี ดัว เฆ โฮม เปต อี ลัต ดอน โมยว.” เฌาพรา แฮะ ฮอต กาลาง, อึณ บอ แบน ปาย ตี.

วาย อัน ตี เฌาพรา วี ต็อห, “แตห อึณ มึห อู โมยว อี ปี เบล บลาง แคง เบลณ. โมยว อี ปี เบล ตี, แตห อึณ กาย็อห กาแต ซีแง ฆาย แคง หมึร. เซ อี ยึร เบล ตี, แตห เฆ นับ ปัน เหมา อึณ ดี มึห บลอย แบน โมยว แบน โมยว, แตห อี ปึอน ดี ตีห อาคราว อัน, ซีแง อัน บอ ซีนัม อัน.

แฮะ ฮอต เฌาพรา ต็อห, “แดง กาดาย ตี, แตห อึณ เลห เปต, แตห อึณ มึห เดา อี มึห เฆา อัน. แตห อึณ มึห เฮ อี มึห เบล. เฮ ดอน โมยว, แตห อึณ มึห เบล อาโมยว อัน. แคง เบล ตี ดอน โมยว, แตห อึณ มึห กาอาง อัน, ปี วี ปึอน ซัม แคง กาดาย.” เฌาพรา แฮะ ฮอต กาลาง ปาย ตี เฮ บอ เบล วี แบน โตต ดอน โมยว.

ปาย ตี เฌาพรา โบง แตห อึณ แบน ฆางหราว, แตห อึณ กาย็อห อึม นา ครึม ฆาย อึม นา แดง.

แดง กาดาย อึณ วี ลัต เปต เฆ เดา แบน โมยว แบน โมยว อี มึห เฆา อาโมยว อัน บอ เฮ อี มึห เบล แบน โมยว แบน โมยว. เฮ ดอน โมยว มึห กาอาง อัน. เฆ ดอน โมยว ลัต โตต แดง กาดาย.

ปาย ตี เฌาพรา พาน เบลห อี บลาง ตาง อา กาลัง. โบ็ง ตาง, เฌาพรา แตห อัน อึบ ซีแง กาแต, โบ็ง เตียะ แตห อัน อึบ แคง หมึร. อัน เฌา มืร โบง เฆ ซีมัณ แบน โมยว.

วาย อัน ตี เฌาพรา วี ต็อห, “อึม นา ครึม, แตห อึณ กาฌูะ อู โปละ, แตห อึณ ลึห โดง กาฮ็อห.” เฌาพรา แฮะ ฮอต กาลาง, อึณ บอ แบน. โดง ตู มึห อึม, เฌาพรา แตห อึณ จืร กาดาย. โดง กาฌูะ อึม, เฌาพรา แตห อึณ จืร นัมมูกซารา. เฌาพรา วี ยอด โตต, แฮะ กยัะ กาเซา.

แฮะ ฮอต โบง, เฌาพรา ม็องการา แตห ดี โดว ซัดดาวา ดอน โมยว. อัน ต็อห, “แตห เบ แบร, แตห เบ กืน. แคง อึม, แตห อึณ บอ โนะ โดว แบน โมยว แบน โมยว. แดง กาดาย, แตห เฆ โดว อี มึห เพียง ดอน โมยว อี แกร ดี กืน.”

วาย อัน ตี เฌาพรา วี ต็อห, “แตห อึณ มึห โดว อี มึห อาซาก ดอน โมยว. แตห อึณ มึห บอ โดว อี กอย แดง กาดาย ดอน โมยว. แตห เฆ แกร ดี กืน, อาโมยว เหมา อาโมยว อัน.” แฮะ ฮอต กาลาง, อึณ แบน โตต ปี ต็อห เฌาพรา.

วาย อัน ตี ปอ อู จึบ เฌาพรา วี ต็อห, “แตห อึณ มึห โดว อี กอย แคง อึม แบน โมยว แบน โมยว, แตห เฆ กืน. บอ แคง เบลณ แตห อึณ มึห มาซีม อี ปึอน บึณ ฮาว นา แดง แคง เบลณ.”

ปาย ตี เฌาพรา โบง แตห อึณ มึห โดว ซัดดาวา อี กอย แดง กาดาย, แตห อึณ มึห อาโมยว เหมา อาโมยว อัน. แฮะ ฮอต เฌาพรา วี ยอด, โตต ดอน โมยว แฮะ กยัะ กาเซา.