Mistari Maarufu ya Biblia kutoka San Lucas 9

Shirikisha

Ti Jesuse xi laj yalbe scotol ti jnaclejetique: —Ti mi oy buch'u ta x'och ya'i ta cajchanc'ope, ac'o xtuch' ta yo'nton ti xcuxlejale, ac'o sts'ic svocol jujun c'ac'al, ac'o sts'acliun.

Yu'un ti buch'u tsots sc'oplal ta xa'i ta spoj ti xcuxlejale, ta xch'ay, ja'uc ti buch'u ta xch'ay ti xcuxlejal ta jventae, ta sta xcuxlejal.

Xi laj stac' ti Jesuse: —Ti buch'u ta sq'uel sutel svalopat ti yic'ojbe batel yabtejeb ti vacaxe, mu xtun ta yabtelanel ti ventainel yu'un ti Diose.

¿C'usi bal o ti vinique, ti mi ja' no'ox ta xu'nin scotol ti sba banomile, ti mi ch'ayel ta xbat ti stuque?

Mi oy buch'u ta xq'uexav ta jtojol xchi'uc ta xq'uexav yu'un ti lequil ach' c'op cu'une, ja' jechun ec ti co'ol j'elantique, ta xiq'uexav ta stojol c'alal ta xital xchi'uc yutsilal ti Jtote, xchi'uc ti ch'ul anjeletique.

Xi laj stac' ti Jesuse: —Ti vete oy snail ch'enic, ti mutetique oy stasic, ja'uc ti vu'un co'ol j'elantique, mi ja'uc oy bu juteb xu' ta jcux ti co'ntone.

Xi laj yalbe ti yajchanc'optaque: —Buch'uuc no'ox ti ta jventa ta xich' ta muc' ti olol li'e, ta xiyich'icun ta muc' ec. Ta xich'ic ta muc' xtoc ti Buch'u laj stacun talele. Ti buch'u x'ech' to peq'uel yuni c'oplal ta xac' sba ta atojolique, ja' cajal sc'oplal ta xc'ot.