Mistari Maarufu ya Biblia kutoka San Lucas 11

Shirikisha

Manchuc mi ech'em chopoloxuc, xana'ic lec st'ujel ti c'usi ta xavac'beic ti anich'nabique. Ja'uc ti Jtotic oy ta vinajele, ta xac'be yich' ti Ch'ul Espíritu ti buch'u ta sc'ane.

Ja' yu'un un, xi ta xcalboxuc ava'iique: C'anbeic Dios ti c'usi ta xtun avu'unique, ta xayac'boxuc. Sa'olanic, ta xataic. C'ojilanic ti ti' nae, ta xajambatic.

Yu'un ti buch'u ta sc'ane, ta xich'. Ti buch'u ta sa'e, ta sta. Ti buch'u ta sc'ojilan ti ti' nae, ta xjambat.

Ti Jesuse xi laj yale: —Xi xavalic c'alal ta xac'opoj xati'inique: ‘Jtotic Dios, oyot ta vinajel, ich'biluc ta muc' ach'ul bi cu'uncutic. La' ventainuncutic. C'otuc ta pasel c'usi ta sc'an avo'nton li' ta banomile jech c'u cha'al ta xc'ot ta pasel ta vinajele.

Ch'aybun jmulcutic jech c'u cha'al ta jch'aybecutic smul ti buch'u laj xa sa' ta jtojolcutique. Mu xavac'uncutic ta lajeltsael yu'un ti pucuje, pojuncutic.’

Ac'buncutic ti jve'elcutic ta xtun cu'uncutic avi c'ac'ale.

Ti sbec' asatique, co'ol s'elan lámpara c'otem yu'un ti abec'talique. Mi oy slequil yutsil ti sbec' asatique, oy ta saquil osil sjunul ti abec'talique. Mi toj chopol une, oy ta ic'al osil sjunul ti abec'talique.

“Mu'yuc buch'u junuc ta stsan slámpara ta xbat yac' ta nac'altic, mi ta stic' ta yolon cajon. C'ajomal no'ox ta xac' ta toyol yo' ta xilic xojobal ti buch'u ta x'ochic ta yut nae.