Mistari Maarufu ya Biblia kutoka Yohana 16

Shirikisha

Mbi jin̰a ḛ fare mbe ma no peɗ ndwa go ḛ kaa halas ge ɓanna ge ḛ ɓa̰a̰ dagre ge mbi pe. Ḛ mbo za̰a̰ yal ge dunin̰a mbe no zì, ɗaŋɗe, ḛ wa̰a̰ ta deŋel ge dape, mbi hal-la ne pagal.

Sok ge On̰om mbo mbo ja, ne ge jan fare ge fareba ge Dok pe, mbo ee ḛ kuwa fare ge fareba ge mbô ge Dok ta ya ge ɓul mɔɗwag. Mbo jan be na fare ma sḛ to, ɗaŋɗe, mbo jan fare ge na za̰a̰ num ma peɗ, mbo wuwage ḛ kaŋ ge mbo no ya ma me.

Ɗiŋ ge sego, ḛ gale be kaɗe a̰me ge mbi dḭḭl zì to. Ḛ kaɗe ḛ mbo seɗ, ndwa go ḛ wa kee laa saal huyya tab.

Go no puy, fare ge mbi ɓyare mbo jan ḛ ne no, a fare ge fareba ne: A kwaɗa ge ḛ pe go, mbi mbo, kaɗɗa go to, Ba ge mbaaya mbo mbo ya ḛ ta to. Ɗaŋɗe, kaɗɗa mbi mbo ya, mbi mbo teme ḛ ne ya. Sok ge mbo mbo ja, mbo ngay nda ge dunin̰a zì ma go, num ge vuuɗiya zì, ge fare ge sone keeya ne pagal, ge fare ge temel taɗ ne pagal, ge sariya kunna ge Dok ne pagal me.

A fare mbe see ḛ ne ge sego, ḛ mbo ka kee kiimi, ɗaŋɗe, mbi mbo gwan-na kuwa ḛ ndwa. Go mbe no, ḛ mbo kee laa saal keeya ge go, ndu a̰me ge tele ḛ mbo kaɗ to me. Sok ge dwam mbe mbo mbyaɗ-ɗa, ḛ mbo daa gwan ele mbi fare ma to. Fareba mbi jan ḛ ne no, kaŋ ge ḛ mbo kaɗe Dok Ba num ya ma peɗ, ge mbi dḭḭl zì, mbo hon ḛ num.

Fareba mbi jan ḛ ne no: Ḛ mbo ka fyalla, ḛ ka sun ta. Nda ge dunin̰a zì ma me ɗe, àa mbo ka kee laa saal. Ḛ mbo kee kiimi ɓa, ɗaŋɗe, ḛ kiimi mbe mbo seŋe laa saal.