Mistari Maarufu ya Biblia kutoka Lukàrzɛ̀ 19

Shirikisha

È Ŋmanà wà è Mòtò wà Hwènàmà, à jelì ndi ò lì àrza hwaŋga hwatò ema hwa mà wɔ̀, nà ò lì hwa rzùŋgà.”

rzìi hwa wòteyà ò lì òhwa nanù ema, “Mònàmɛ̀ mò hwèlì nà è kiŋgɛ̀ ema è jelì ò lìna là ama è Rzàŋgò! Ɛ̀yɔ̀lɛ̀ è hwɛ ò ŋmanyu yà lohwà, Èluhwe hvɛ nà Lohwɛ̀ ema à kàrzamì!”

Yerzù rzìi a mò òhweyà nanù ema, “O yàwònò, lìrzùŋgàhwa lì ma kpèeyà ò tenì yà ène ndawò. Ònò mòtò mɔ̀ hvɛ à hwèlì ndi ò mòtende mò ama Abràhamù.

Yerzù a mà ùke ò èŋge èki, rzìi a ɔ̀ŋgɔ ò ŋmanyu yà wòŋgò gbèe, rzìi a ɛnɛ Rzàkiyɔ̀rzì. Rzìi à mò òhweyà nanù ema, “Rzàkiyɔ̀rzì, rzìhwa kàrzì-kàrzì èhwanja nà hwɛnì lì hwɛ ŋmɛ̀ni ò ndawò yà aŋgɔ̀ yàwònò.” Rzàkiyɔ̀rzì à mà hvinjɛlɛ hwèrzìhwèlì, rzìi a mò ɛ̀ndɛnɛ ò ndawò yà èni rzìi a mò kàrzɛ nà màlìŋgò mà eni ma ŋmèmà mà arzɛ.

Rzàkiyɔ̀rzì rzìi a tɛ̀mɛ̀ ò ŋmanyu, a òhweyà e Rzàŋgò nanù ema, “Ìi Rzàŋgò wa ɔ̀ŋgɔ tɛ̀, nà hwɛnì lì kàhwa erzàŋgò ya amì ò ìtììtènì, lì e ŋgbà mèlìrza me hwatò. Ndèŋgànɛ̀lɛ̀ hvɛ, tɔ̀ ima mòtò ema nà mà lɔ̀kè, nà mò tìmbìrzɛ̀lɛ̀lɛ kòŋgi inɛ̀yi ya mamɛ ema na mà mò lɔ̀kɔ̀nè.”

Lòŋgò là Hvàlìrzàyì ò èŋge ŋgìndì rzìi hwa òhweyà Yerzù nanù ema, “Mòòkòlèlì kànja hwà-òkòwèlì hwa aŋgɔ̀, èhwànja hwa rzà kànɛ̀yi lì òhwà ène nyayi yà mbɔrzi!” Yerzù rzìi à hwa alàhwɛ̀ nanù ema, “Hwa lìyayi tɛ ŋmɛ̀ɛ, màŋyàyi ŋmìti mà wòteyà lì tɛ.”