Mistari Maarufu ya Biblia kutoka लूका 23

Shirikisha

दो हनमेला ईसू भगवान एचेरेय अरजीःआ, “ने अपांग, नँकुःआ होड़कू मेरकू सुदीयतना, नँकू चिलाकू एचेतना। हनालगा नँकूराः कसूरमे बराव एंडागोड।” हँकुःआ सइनाकू चीट-पोटतेडखन हाँयराः सोनहे अँननकू हटिंगयान।

दो ईसू हाँय एचेरेय कताया, “ईंग पकियायिंग कतायतना, तिनिसिंग आम ईंग सुदा सेरमो देसरेम दोहोनता।”

हनते हाँय कताया, “ने ईसू, आम राइजगेता हनमेला ईंग होंम उहियार।”

अरू ईसू खिररीनेनखने कताया, “ने अपांग, ईंग बिरुवा आम एचेरेयिंग जिमायतना।” अरू नाःआ कतावाडखन हाँय मिनी तुरहाय सहेडतेरा।

हँकुःआ होड़कू बोः खुरपी माःआनकू कतनता हना ततेररेकू सोदोरयान। दो हंडा ईसू अरू कसूर होड़किन कुरूसरेकू ठोंकावगोतेडकू। मी होड़ ईसूराः खउना गतर अरू मी होड़ ईसूराः डिरही गतरकू ठोंकावतेडकिन।

हना दिन तिकिन बेला वरीते ढड़का बेला वरी जमा देस अंदरायान। अरू भगवान ओड़ाःरे दोहोना हना मरंग परदा तलारे सिरावयान।

मी सव सइनाकूरीग हातपात होड़ हंडाय दोहोना। हाँय हंडा होयानेना हना जमा ञेलतेडखन भगवाने जागतेरा अरू ईसू बदीरेय कताया, “सनातायरे नाँयग होड़ बेगर कसूर होड़े दोहोना।”