Mistari Maarufu ya Biblia kutoka MATIYO 5

Shirikisha

Mɔgɔ si tɛ lanpan mana k'a bila daga jukɔrɔ, nga a b'a bila fɛɛn dɔ kan janko a ka yeelen bɔ soo kɔnɔ mɔgɔw bɛɛ ye. Aw ka kɛwalinyumanw kɛ ka yeelen bɔ mɔgɔw ye ten, waasa u ka aw sankolo la Faa bonya.

Aw kɛra i n'a fɔ yeelen dinyɛ kɔnɔ. Dugu min siginin bɛ kulu kan, o tɛ se ka dogo.

Mɔgɔ minw kɔnɔ gwɛnin lo, olu ye dubadenw ye, bari u bɛna Ala ye.

Ala sago kɛli nigɛ bɛ minw na i n'a fɔ kɔngɔ ni minnɔgɔ, olu ye dubadenw ye, bari Ala bɛna see d'u ma k'a kɛ.

Ayiwa, ne b'a fɔ aw ye ko aw ka aw juguw kanu ka Ala dali aw tɔɔrɔbagaw ye.

“Mɔgɔ minw b'a lɔn k'u mako bɛ Ala la, olu ye dubadenw ye, bari sankolo tigi ye u ka masa ye.

Hɛrɛnyinibagaw ye dubadenw ye, bari u bɛna wele ko Ala deenw.

Mɔgɔ minw bɛ kasira, olu ye dubadenw ye, bari Ala bɛna u dusu saalon.

U bɛ minw tɔɔrɔ u ka tilenninya kɔsɔn, olu ye dubadenw ye, bari sankolo tigi ye u ka masa ye.

Mɔgɔ minw bɛ makari tɔw la, olu ye dubadenw ye, bari Ala bɛna makari u la.

“Ni mɔgɔw b'aw nɛni, k'aw tɔɔrɔ, ka galon la aw kan ko aw bɛ kojugu sifa bɛɛ kɛ, bari aw ye ne ka kalandenw ye, o tuma na, aw ye dubadenw ye. Aw ka nisɔndiya kosɛbɛ, bari aw bɛna tɔnɔba sɔrɔ sankolo la. Kira minw tɛmɛna aw nya, u ye olu fana tɔɔrɔ ten.

Mɔgɔ minw sabalinin lo, olu ye dubadenw ye, bari u bɛna dugukolo tɔnɔ sɔrɔ.

“Aw kɛra dinyɛ ka kɔgɔ ye. Nga ni kɔgɔ ka timiya bɔra a la, a bɛ mun nya tugu? A tɛ foyi nya tugu. A ka nyi ka fili le, mɔgɔw ka taama a kan.

Aw ka kɛ mɔgɔnyumanw ye i n'a fɔ aw Faa min bɛ sankolo la.

Aw ka jaabili ka kɛ ɔnhɔn ye, walima ɔn ɔn ye. Ni dɔ farala o kan, o bɔra Sutana fɛ.

“Aw y'a mɛn, a fɔra ko: ‘N'i ye mɔgɔ dɔ nyaa ci, u ka kan k'i fana ta ci. N'i ye dɔ nyiin kari, u ka kan k'i fana ta kari.’ Ayiwa, ne b'a fɔ aw ye ko aw kana kojugu juru sara ni kojugu ye. Ni mɔgɔ dɔ y'i tulo kelen ci, i ka tɔ kelen nin sin a ma fana.

O la, n'i kinibolo nyaa bɛ kɛ sababu ye k'i don kojugu la, a wɔgɔbi ka fili yɔrɔjan. I ka bɔnɔ i farikolo yɔrɔ dɔ la, o ka fisa a bɛɛ dafanin ka don jahanama kɔnɔ. N'i kinibolo bɛ kɛ sababu ye k'i don kojugu la, a tigɛ ka fili yɔrɔjan. I ka bɔnɔ i farikolo yɔrɔ dɔ la, o ka fisa a bɛɛ dafanin ka don jahanama kɔnɔ.