Mistari Maarufu ya Biblia kutoka Ngechuchuarü ngúexü̃gü ga yamugüxü̃arü puracüchiga 5

Shirikisha

Rü Pedru rü wüxigu namücügümaxã nanangãxü̃gü, rü ñanagürügü: —Narümemae nixĩ nax Tupanaga taxĩnüexü̃ rü tama i yatügüga taxĩnüexü̃.

Rü guxü̃ ga ngunexü̃gu Tupanapata ga taxü̃newa rü ĩpatagüwa nanangúexẽẽãma, rü nüxü̃ nixugüetanü ga ore ga mexü̃ nax Ngechuchu rü Cristu nax yixĩxü̃.

Rü yexguma ga Pedru rü ñanagürü nüxü̃: —Pa Ananíax, ¿tü̱xcüü̃ ngo̱xo i Chatanága cuxĩnü rü Tupanaãxẽ i Üünecümaxã quidora, rü cugüxü̃́ ngĩxne cuyaxu i ñuxre i ngẽma curü naanetanü? ¿Ẽ̱xna yexguma tauta namaxã cutaxegu, rü tama ẽ̱xna cuxrü yixĩxü̃ ga yema naane? ¿Rü yexguma namaxã cutaxegu, tama ẽ̱xna cuxrü yixĩxü̃ ga yema diẽru? ¿Tü̱xcüü̃ i cunaxüxü̃ i ñaa? Tama yatügümaxã quidora, natürü Tupanamaxã nixĩ i quidoraxü̃ —ñanagürü ga Pedru. Rü yexguma yema orexü̃ naxĩnügu ga Ananía, rü yu̱xcüma inayangu. Rü poraãcüxüchima namuü̃e ga guxü̃ma ga yema duü̃xü̃gü ga yexguma yemaxü̃ nacuáchigagügu.

Rü ngẽmaca̱x i ñu̱xma rü pexü̃ chaxucu̱xẽ nax peyange̱xgüxü̃ i ñaa yatügü, rü tama penapoxcuexü̃. Erü ngẽxguma nagagutama yixĩxgu i ngẽma nüma naxügüxü̃, rü tá inayarüxo. Natürü ngẽxguma Tupanaarü yixĩxgu i ñaa naxügüxü̃, rü taxuacüma ipeyanaxoxẽxẽ. ¡Rü pexuãẽgü nax tama ngürüãchi Tupanamaxã yixĩxü̃ i penuexü̃! —ñanagürü. Rü guxü̃ma ga yema ãẽ̱xgacügü rü naga naxĩnüe ga yema norü ucu̱xẽ.