Mistari Maarufu ya Biblia kutoka SISIKON NU TO RASUL-RASUL 5

Shirikisha

I Petrus ka' to rasul-rasul sangga'atannyo nontaami, “Kami tionyo mombatuki Tumpu, misa' mombatuki mian.

Ka' sansina-sinaa i Laigan nu Tumpu ka' i to lai-laigan nu mian mongajan ka' mompolele Lele Ma'ima' mongkona i Yesus tukoonyo nu aha Iamo na Tomundo anu Momposalamat anu jina-jinanji'mo aijo'.

Sahingga i Petrus notatae hi ia, “Ananias, kadaka' nu pojohok na Ibilis mongkuasai kinyonyoaum, sampe beleyum nombaleko'i Roh nu Tumpu, hoko-hokot nontahan posi anu nu butongum sambagian na doi oli nu tano' anu pinobaluk aijo'? Tano' aijo' anu nu beleyum tempo'nyo, ma'isa pe'e pinobaluk nu beleyum. Ka' salatan tano' aijo' pinobalukmo doinyo mule' daagi' saja' anu nu beleyum. Jadi kadaka' daagi' ko makisut i uno nu kinyonyoaum mombau anu sumo aijo'? Misa' mian na nubaleko'i, panyo Tumpu!” Salatan i Ananias nohongomo potatae aijo', ia notua' lantas natemo. Iwi-iwi' mian anu nohongo mongkona apaa na anu tinimbali aijo' i nabuhukmo.

Jadi hahan anu timbali aiya, pokinde'ku sumo uuka: bolimo mombau apa-apaa hi mian haha aiya, pojohokmo na aha. Kalana de pangajalan ka' usaha nu aha aiya lengkat hi mian, saba' pangajalan ka' usaha aijo' saidi' mae madi' motuus. Panyo de aijo' nolengkat mae hi Tumpu, tantu to Utu-utus madi' moko ala mohungku'i aha. Panyo ola ahi' ugaat to Utu-utus na madi' mohongo-hongo Tumpu.” Pokinde' i Gamaliel aitu tinalima nu Mian Kopian Daka' nu Agama.