Mistari Maarufu ya Biblia kutoka Matius 18

Shirikisha

Sababu o nyawa nakoso kekiaka bato ma ngale Ngohi so imatolomu, ngaroko ka yasinoto eko yaruwange gena, Ngohi kanaga dede onaka.”

De lo ngini tinisingangasu igogouli, nako ngini nia sidongirabaka nisinoto bato o kia o dunia manenaka nimafakati de nigolo o Gikimoika, Ai Baba o sorogaka, gena ma ngale nia gogolo igogou Una asa womanara.

O Yesus o ngopa ma ceceke moi waaso so isigokono to ona manga simaka, de wotemo Awi muri-murika, “Nginika so tinisingangasu igogou, ngini gena niaaku waasi o Gikimoi Awi pareta ma rabaka niwosa, ka cawali ngini nia sininga niaaka kasi, la imadadi maro o ngopa ma ceceke manena.

So o Gikimoi Awi pareta ma rabaka nagoona la kanaga imahadoku imatero maro o ngopa ma ceceke manena, de ona magena foloi yolamo.

De lo o nyawa nagoona la o ngopa manenaka iwidehe daloha sababu imote Ngohi, magena imatero de ona lo Ngohi idehe daloha.

“Ngini tinisingangasu igogou, o kia ngini o dunia ma dokuka nisitatapuka, imatero de o sorogaka lo o Gikimoi wositatapu idomaka. De lo o kia o dunia ma dokuka niatemo isimahaka, imatero de o sorogaka lo o Gikimoi wotemo isimaha idomaka.

O Yesus o ade-ade gena wosiboloka, de wotemo, “So komagena lo Ai Baba o sorogaka asa waaka ngini moi-moika, ka cawali ngini lo nia dodiao niasiapongu igogou de itiai.”

Nagoona o sababu moi yaaka so o nyawa ma ceceke to ngini nia sidongirabaka Ngohi he ipiricaya kawa, ona magena o Gikimoi asa wafanggali de o dorou foloi ilamo. Lebelaha o teto ilalamo-lamo moi manga toloka isidopilikuka de o teoku yolutuka.

“Tosiade-ade, kanaga o nyawa moi de awi duba o ratu moi. Nakoso o duba ma sidongirabano moi isisa, done o kia asa waaka. Ngini nia sininga ma dakolo o kia. Igogou, una asa o duba morisiwo de siwo o talaka gena wadohaka, de wotagi o duba isisisa moi wasari.