Mistari Maarufu ya Biblia kutoka MATIUS 10

Shirikisha

“Baporay! Tare domba tamen are. Dere tare wasen juuri asanpu tamen ataemommin. Erarawa tare amber pireat akot tamen baes aememay. Tanom pari sakao damo ji tamen aememay.

Owe, amba bajorem jati daytu aetas, are bajorem apok aemtemas. Wan owe ere, karai Dera aetamtemanis. Era owe dambir emes pak baem damon atemtas, are ajoremtemas.”

Asamot owe, owe atatiiemas. Me, are era anakot baemetatii asan apok. Emesare, tare asamot owe ombare bas. Allah ere, owe adamoam, aanakotam, neraka bomon danais baemtii fiak pak aptam. Emesare, tare Allah ombare baray.

Owe asalib bataateter apok aemtasam, Dera bajamkai apok aemtasam, ere are deowe baemem awar apok.

“Owe wan owe bipu atakam akoretas apaye, ‘Dere Yesus bajamkai,’ emes atakam aesimtas apaye, denom Surga oup Deritipit bipu, ‘Ara owe deowe,’ emes atakam aesimtemin. Owe ere, wan owe bipu atakam akoretas apaye, ‘Yesus demsam apok,’ emes atakam aesimtas apaye, Denom Surga oup Deritipit bipu, ‘Ara owe deowe apok,’ emes atakam aesimtemin.”

Tanom damo pota owe ajaoromtaay. Dambir oweam ajaoromwasumtumay. Owe ombare bamarem damo pitini potanak oweam damo akot atetamay. Owe jak bomon biiam ambirimjisimay. Dere era pak baem fiak pak bambi tara atetammin. Erarawa tare asan akot era owe bambi aemomay.

Emesare ombare bas. Tare anakotnak. Me sakao tanane ere, anakot apok.”

“Tare ere, ‘Yesus ara tapirmi, owe pai bameam tapirmi baemapom andae,’ emes bimak binip batetaram bas. Dere ara tapirmi, pai bameam tapirmi baemapom bandae apok. Dere ara tapirmi jii tapirmi baemapom andaeo.