Mistari Maarufu ya Biblia kutoka Marcos 2

Shirikisha

Jesus paykunata uyasa rimarka: —Mana unkurisa kawsakunaka hampikamata mana minishtinakunchu. Ranti unkukunaka hampikamata minishtinakunmi. Ñukaka mana shamurkanichu —ali kani— nisa rimakunata maskankapa. Ranti mana ali rura runakunata maskankapa shamurkani Diosta uyasa kawsakuna tukunkapa.

Jesus chay unkuta apakama runakunata rikusa paywa sinchikunakuskata, chay unku runata rimarka: —Wawkilla, kan huchakunamanta pichay tukusa sakirinki.

Jesus paykunata rimasa katirka: —Samana punchaka runarayku raskami kan. Runa mana raskachu kan samana puncharayku.

Jesus kaskama paktankapa mana ushasa chay balla wasi kancha parti chakanata sikanakurka. Hawamanta Jesus kaska kuskalla hutkuta allanakurka. Chay hutkuta pasachisa unku runata hawamanta Jesuspa ñupama uraykuchinakurka.

Kankuna yachankapa ñuka, Dios mantamuska runa kasa kay allpapi kawsa runakunapa huchakunata pichanata ushayu kaskata rikuchinkapa rahuni.— Chasnapi muyurisa suchu runata nirka: —Hatari. Kanpa katanata apasa wasima ri.

Ñuka unku runata rimarkani: —Kan huchakunamanta pichay tukusa sakirinki— nisa. Ashwan ushaypachu unku runama rimankapa: —Hatari kanpa katanata apasa purisa ri— nisa. Imata rimawankichi.

Chay uralla hatarirka. Paypa katanata hapisa tukuykuna rikuraskapi chay wasimanta llukshirka. Chayta rikusa tukuy mancharinakurka. Diosta kushiyachisa pakrachunakurka: —Mana ima uraspas chasna ruraskata rikuskanchichu— nisa.