Mistari Maarufu ya Biblia kutoka Luka 3

Shirikisha

Brɛá Yohane dɛ aha amʋ asu bɔ a, Yesu ɛ lɛba, Yohane lɔbɔ mʋ asu. Brɛá Yesu dɛ mpaɩ bɔ a, nwʋlʋta lefinki, Ɔŋɛ Wankɩhɛ lɛdamli fɛ lɔpɔ, kplɩ bogyonka mʋsʋ. Ɔmɛ kʋ lotsu ɔsʋsʋ ɔbɛɛ, “Fʋgyi mɩ biá ntɔdwɛ, mɩ ansɩ tɛhɩɛ gyi fʋ ɩwɩ nɩ.”

Mʋ́ sʋ Yohane lɛbla amʋ́ ɔbɛɛ, “Ɔkʋá ɔdʋn mɩ bʋ ɔma ɔba. Mmɔfʋn ánɩ́ nɛ́sankɩ mʋ ntʋkʋta ɔfɛ kʋraa. Mɩ mʋ́ a, ntsu ndɛpʋbɔ mlɩ asu. Mʋ ɔbɔ́pʋ Ɔŋɛ Wankɩhɛ pʋ́ ogya bɔ mlɩ asu nɩ.

Mʋmʋ mlɩswie abi oduá ibósuna ánɩ́ lɛlɛ mlɩladamli klʋntɔ. Mlɩmákɩ mlɩaa, mlɩ nain gyi Abraham. Ndɛ mlɩ bla mbɛɛ, Bulu ɔbɛ́talɩ ha abwi anfɩ ɩbɛ́damli Abraham abi-aná.

Sei a, Bulu lapʋ ɛfɛ yi nyi-atsitsitɔ. Oyigyioyiá imoswie abi wanklaan a, bókun mʋ́ da, wa mʋ́ fɛ́ɛ́ ogya.”

Bulu ɔnɔsʋ ɔtɔɩpʋ Yesaia lɔwanlɩn Yohane ɩwɩ asʋn wa mʋ ɔwʋlʋtɔ ɔbɛɛ, “Ɔkʋ dɛkplʋn ɔsʋlʋkpansʋ ɔbɛɛ, ‘Mlɩla anɩ Wie ɔkpa. Mlɩtswii ɩkpa ha mʋ! Mlɩtin bʋnkpa kugyikʋ, amlɩbwiebwie abʋ mʋ́a nkuku fɛ́ɛ́. Mlɩtswii ɩkpa, amlɩla mʋ́sʋ wanklaan. Aha fɛ́ɛ́ bówun Bulu nkpahɔ.> ”