Mistari Maarufu ya Biblia kutoka Lucas 8

Shirikisha

Natiari'isera ena apamuriana achaneana nakuti'i eta tiúrina máteji. Ena, nasamararaka'i eta nímiturapiana, náunaka'i yátupi te nasamureana. Tájinaware náichirawaina'ini eta náe'isiranu'i. Wa'i nayakujima'i.

Eta ewaraki takaewakene'i te tatarakukuji eta itapekiji, nakuti ena tisamararakana'i eta echéjirirukawa. Ta'apapirikawaka'i eta nawaraira'i tirrikuchawana. Wá'iware náinajika'ini eta náichira'i eta tamaurikeneana.

Natiari'iware ena apamuriana achaneana, nakuti'i eta máteji máripa'i, te nasamararaka eta echéjirirukawa, natupiruwane'i nasuapa, wá'isera nárata'a'ini yatupina'íni, wa'i nakuti'íni eta ewaraki tiúpare, ánipichu eta náe'isira'i, tínajikawanawane taicha eta natajiwaira'i.

Taka'e, máichawakapa ena máimitureana: –¿Tája'a takayema wa'i ákasiñawa'ini eta nutiari'irapa'i eta eye'e? Énasera eta naramesira'i naramine'i, tási'a tiyaserejirikakanapa: –¿Nája'apuka ema maka? Taicha eta mawanairipi, tamutu tasuapa'i eta tékatikawa étapa eta une.

tási'a natiari'i'i ena achaneana nasamaipa'inéni eta echéjirirukawa, émasera ema wínaraji wa'i máisapa'ini tánasi'ini te nasamureana. Enewane'i makamitisikawaka eta nasamakene'i, mamawaraira'i nakasiñanu'ini, apaesa wa'i nukukuchuku'awaka.

Tayanapanepuka tikayumurukiana'i, tamutuyare'isera tikaechera jákani tayumururewana'i. Tájina tépakuchaima'i eta jakani najajairu'i, tamutuyare'i téchakareya.

Ésusera esu esena, tímatiakawapa eta máimatira'i ema Jesús, tiyanapa supaucha'i. Tépuyukapa te máiwapechakaya. Tiyayakareipa eta supisira'i. Sutupiruwapa sumetaka eta ésuira'i témamajiaka'i, suwaraira'i tinaraka eta sujuma. Máichapa ema Jesús: –Nuchicha pinarakapa puiti táichavene'i eta pikasiñawaira'i me Viya. Wa'i pikueñamawa, waipa tichawaima'i eta pijumaini'i.

Taka'e nakajamikapa ema Jesús, náichapa: –¡Tata Maestro! ¡Tata Maestro! ¡Píma'a vécharikawainapa! Enewanepa téchepukapa ema Jesús. Makamatinakapa eta tékatikawa étapa eta táepakusira'i eta une, tésamiriekawapa tamutu.