Mistari Maarufu ya Biblia kutoka Maɛ 6

Shirikisha

Jɛ dɛ̍ nyɔ̍gbei-a nu̍-a mu̍-ɔn ji̍-ɔn nu̍-ɛɛ, sɔ Jusu ke ɔ̍ kòà-a jě dɛ̍ di̍ ka̍. Wɛ̀ ɔ̍ la̍a̍ dě u̍h we̍, “Mɔ̀ ji̍ à iě mu̍, à sǔh iě gbɔ̍i̍ chɛn wɛ̀ à iě dɛ̍wɛ fɔ.”

Wɛ̀ Jusu wlu dě u̍h we̍, ɔ̍ la̍a̍, “U̍h-a tè Nyɔsoa-a tu̍owli po̍ nyɔ̍ ja̍ tà kli̍hgbɛ̍. Jɛ dǒ ɔ̍ blǐ wlɔ̀ ke, ɔ̍ wloa̍ nyɔ̍ ke dě ɔ̍ blǐ gbò nyɔ̍ gbài̍ bo u̍h-u tè ɔ̍ ja̍.”

Jusu sɔ-a dě blǎgbè di̍i̍ ɔ̍ sǐ-a sɔ̀n-ɛ, nɛ̀ u̍h dlɛɛ i̍ wɛ̀ tlɛ̀ngbɛ̀ɛ̀n, wɛ̀ ɔ̍ jě u̍h. Sɔ ɛ̍ po̍ ɔ̍ wɔɛ kaa̍, dɛ̍nu̍ɛ, u̍h wɔ̀ blawɛ̌ᵻ ìh se̍-a dǒ we̍ i̍ gbɛ̀n nyɔ̍ kɔn-ɛ. Sɔ ɔ̍ po̍ la̍ u̍h nǎ dǒ dɛ̍ᵻ dɔu we̍ sǔh.

Sɔ ɔ̍ se̍-o jbaɛdih chɛ̀ poe, jɛ wɛ̌ᵻ nyɔ̍ gbɔ̍ bo ɔ̍ tè sɔ̍n dlǔ sǔh, wɛ̀ u̍h pǔh. U̍h-a nu̍-dɛ̍ wlǔh i̍ ɔ̍ de̍e̍, dɛ̍nu̍ɛ, u̍h se̍ wlùh gbaɛ blě. Wɛ̀ Jusu mu̍ wlɔ̀ᵻ diih di̍i̍ i̍, dě ɔ̍ poe nyɔ̍ nǎ.

Wɛ̀ Jusu dǔ blèe̍ gba̍nᵻ m̀m̌ ke smìi̍ sɔɔ̌n laa̍, iě ɔ̍ gbɛ̀n dě ja̍i̍, wɛ̀ ɔ̍ po̍ Nyɔsoa tlɔ̌. Iě ɔ̍ chɛɛn blèe̍ laa̍ i̍, wɛ̀ ɔ̍ nyǐ i̍h ɔ̍ kòà u̍h iě i̍h nyɔ̍ laa̍ jii̍ gblè. Kǎ ɔ̍ nu̍ u̍h kli̍hgbɛ̍ smìi̍ laa̍ jii̍ gblè-ɛ ke. Nyɔ̍ kli̍hgbɛ̍ di̍ dɛ̍ wɛ̀ u̍h dbo̍. U̍h wɔ̀-aɛ, iě ɔ̍ kòà tɛ̌n blèe̍ ke smìi̍ chɛblih sie-a i̍-ɛ, wɛ̀ i̍h jǐ taaᵻá pùè jɔ̌ sɔɔ̌n.