Mistari Maarufu ya Biblia kutoka Maɛ 2

Shirikisha

Jusu wɔ̌n-a u̍h-a wlu̍-ɛ, iě ɔ̍ la̍a̍ dě u̍h we̍, “Nyɔ̍ ùh nɛ-a blee-ɛ, u̍h se̍ kwɛ̍i̍n nyɔ̍ i̍ pɔ̀n. Jɛ poa-nyɔ̍ nɔ̀ɔ̍, u̍h-a pɔ̀n ɔ̍ i̍. Ǐn se̍ i̍ slɛ̌-nyɔ̍ i̍ pɔ̀n la̍-a ji̍, jɛ gblɛ̍n sɔ̀ɛ̀n nyɔ̍ bo ǐn ji̍ i̍ pɔ̀n la̍-a.”

Dɛ̍ nyɔ̍ laa̍ u̍h nu̍-a wlùh gbaɛ blě-ɛ, ɛ̍ bo Jusu jě. Iě ɔ̍ la̍a̍ dě klɔ-nyɔ̍ we̍, “Ǎn jǔ, àn gblɛ̍n sɔ̀ɛ̀n-a tìh tǎli-ɛ i̍ wɛ̀.”

Jusu wɔ̌an chlà-a tìh-ɛ, ɔ̍ la̍a̍, “Nyɔsoa nu̍ wlè-weɛ̍ dǒ nyi̍ɔ̍ we̍, jɛ ɔ̍ se̍ nyi̍ɔ̍ nu̍ dǒ wlè-weɛ̍ we̍.

Jɛ nɛ̀ u̍h se̍ dě Jusu we̍ nyni̍-ɛ bɛ̌ɛ, dɛ̍nu̍ɛ, nyɔ̍ tlùgbei̍ nɛ dǒ gbò wɔ̍i̍n. Ɛ̍ kɔn u̍h sà biě dě gbò tɔ̀u̍n we̍ tà ɔ̍ bla̍ɛ-a i̍-ɛ. U̍h wɔ̀-a ɛ̍ sà-ɛ, iě klɔ-nyɔ̍ sǐi dě sabli̍ di̍i̍ wɛ̀ u̍h ja ɔ̍ wlù dǒ Jusu we̍.

Jɛ ǎn pɔ̀n mɔ̀ iě ɛ̍ i̍ juo ka Nyi̍ɔ̍-a Jǔ blě-a tùn nɔ̌ bloɔ̍ ɔ̍ iě-a gblɛ̍n sɔ̀ɛ̀n-a tìh i̍ tǎli-ɛ.” Iě ɔ̍ la̍a̍ dě klɔ-nyɔ̍ we̍, “Ǎn sèàɛ̍ ìn wlùh, sɔ bloɔ̍, dǔ àn sabli̍-i ìè gbò we̍ mu̍.”

Jɔ̍gbau la ɔ̍ gblɛ̍n sɔ̀ɛ̀n-a tìh i̍ tǎli-ɛ jɛ ǎn sà-a ka dǒ wɔ̍i̍n-ɛ ke, jɛ ǎn mu̍-a ka sɔ bloɔ̍ ìè na nu̍-ɛ, jɛwe̍ bo ɛ̍ pe̍ɛ i̍ ɛ?

Wɛ̀ ɔ̍ sɔ bloɔ̍, iě ɔ̍ dǔ ɔ̍ sabli̍-i dǒ nyɔ̍ kli̍hgbɛ̍ jlǐhwai, wɛ̀ ɔ̍ mu̍. Sɔ ɛ̍ wlǔh i̍ nyɔ̍ kli̍hgbɛ̍ de̍e̍, iě u̍h-a po̍ Nyɔsoa tìhwe̍. Wɛ̀ u̍h la̍a̍, “À-a se̍a dɛ̍ nɛka la jě sàì.”